'CSK ಶಾಶ್ವತವಾಗಿ ನಿಷೇಧಿಸಬೇಕು' ಫ್ಯಾನ್ಸ್​ಗಳಿಂದ ದೊಡ್ಡ ಆರೋಪ​: ಏನಾಯ್ತು?​

ಮುಂಬೈ ವಿರುದ್ಧದ ಪಂದ್ಯದ ವೇಳೆ ಸಿಸಿಎಸ್​ಕೆ ತಂಡದ ವಿರುದ್ಧ ದೊಡ್ಡ ಆರೋಪ ಕೇಳಿ ಬಂದಿದ್ದು ಇದರ ವಿಡಿಯೋ ವೈರಲ್​ ಆಗಿವೆ. ​

Ruturaj Gaikwad and Khleel Ahmed Viral Video: ಐಪಿಎಲ್ 2025ರ ಭಾಗವಾಗಿ ಭಾನುವಾರ (ನಿನ್ನೆ) ಚೆನ್ನೈ ಸೂಪರ್ ಕಿಂಗ್ಸ್ (CSK) ಮತ್ತು ಮುಂಬೈ ಇಂಡಿಯನ್ಸ್​ ತಂಡಗಳು ಮುಖಾಮುಖಿ ಆಗಿದ್ದವು. ಈ ಪಂದ್ಯದಲ್ಲಿ ಚೆನ್ನೈ ತಂಡ ಮುಂಬೈ ಅನ್ನು 4 ವಿಕೆಟ್​ಗಳಿಂದ ಮಣಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.

ಚೆನ್ನೈ ಪರ ಖಲೀಲ್​ ಅಹ್ಮದ್​ 3 ವಿಕೆಟ್​ ಮತ್ತು ನೂರ್​ ಅಹ್ಮದ್​ 4 ವಿಕೆಟ್​ ಪಡೆದು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಆದರೆ ಈ ಪಂದ್ಯದಲ್ಲಿ ಅದ್ಭೂತ ಪ್ರದರ್ಶನ ನೀಡಿರುವ ಖಲೀಲ್​ ಅಹ್ಮದ್​ ಮತ್ತು ನಾಯಕ ಋತುರಾಜ್​ ಗಾಯಕ್ವಾಡ್​ ವಿರುದ್ಧ ದೊಡ್ಡ ಆರೋಪ ಕೇಳಿ ಬಂದಿದ್ದು ಇದರ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿವೆ.

Khaleel Ahmed Gives something to Ruturaj Gaikwad secretly after doing ball tempering and ruturaj put it in his pocket.

These fixers should be banned again for forever. pic.twitter.com/EY0mHHNeRf

— Kevin (@imkevin149) March 24, 2025

ಹೌದು, ಈ ಪಂದ್ಯದಲ್ಲಿ ಟಾಸ್​ ಸೋತು ಮುಂಬೈ ತಂಡ ಮೊದಲು ಬ್ಯಾಟಿಂಗ್​ಗೆ ಆಗಮಿಸಿತ್ತು. ಚೆನ್ನೈ ಪರ ಖಲೀಲ್​ ಅಹ್ಮದ್​ ಬೌಲಿಂಗ್​ ಮಾಡುತ್ತಿದ್ದರು. ಈ ವೇಳೆ ನಾಯಕ ಋತುರಾಜ್​ ಗಾಯಕ್ವಾಡ್​, ಖಲೀಲ್​ ಅಹ್ಮದ್​ ಬಳಿ ತೆರಳಿ ಮಾತನಾಡಿದ್ದರು. ಇದರ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಮಾಡಲಿಗಿದೆ. ಅಲ್ಲದೆ ಈ ಇಬ್ಬರು ಬಾಲ್​ ಟೆಂಪರಿಂಗ್​ ಮಾಡಿದ್ದಾರೆ ಎಂದು ಆರೋಫಿಸಲಾಗಿದೆ.

Khaleel Ahmed was doing something to ball with an unknown object then he gave that object to Ruturaj Gaikwad....

Is it BALL TEMPERING👀👀

BCCI must investigate it.....#CSKvsMI
Video Credit:- @JioHotstar, @StarSportsIndia & @IPL pic.twitter.com/HlEMYExO1c

— Jonas Kahnwald (@JonasKahnwaldOG) March 24, 2025

ವಿಡಿಯೋದಲ್ಲಿ ಏನಿದೆ?: ವೈರಲ್​ ಆದ ವಿಡಿಯೋದಲ್ಲಿ ಖಲೀಲ್ ಅಹ್ಮದ್ ತಮ್ಮ ಜೇಬಿನಿಂದ ಕೈ ಹೊರ ತೆಗೆದು ಚೆಂಡನ್ನು ಮುಟ್ಟಿದ್ದರು. ಬಳಿಕ ನಾಯಕ ಋತುರಾಜ್​ ಗಾಯಕ್ವಾಡ್​ ಕೈಗೆ ಏನೋ ಕೊಟ್ಟಂತೆ ಮತ್ತು ಅದನ್ನು ಋತುರಾಜ್​ ಜೇಬಿನಲ್ಲಿ ಹಾಕಿಕೊಂಡಿದ್ದು ವಿಡಿಯೋದಲ್ಲಿ ಕಂಡು ಬಂದಿದೆ. ಇದರ ಬೆನ್ನಲ್ಲೆ ಫ್ಯಾನ್ಸ್​ಗಳು ಸಿಎಸ್​ಕೆ ತಂಡದ ವಿರುದ್ಧ ಬಾಲ್​ ಟೆಂಪರಿಂಗ್​ ಆರೋಪ ಮಾಡಲಾರಂಭಿಸಿದ್ದಾರೆ.

ಫ್ಯಾನ್ಸ್​ ಆಗ್ರಹ: ಅಲ್ಲದೆ ಸಿಎಸ್​ಕೆ ತಂಡವನ್ನು ಶಾಶ್ವತವಾಗಿ ಬ್ಯಾನ್​ ಮಾಡುವಂತೆ ಆಗ್ರಹಿಸಿದ್ದಾರೆ. ಕೆವಿನ್ ಎಂಬ ಎಕ್ಸ್​ ಬಳಕೆದಾರ 2016 ಮತ್ತು 2017ರಲ್ಲಿ ತಂಡದ ಮಾಲೀಕರು ಬೆಟ್ಟಿಂಗ್ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವುದರಿಂದ ಫ್ರ್ಯಾಂಚೈಸ್ ಎದುರಿಸಿದ ಎರಡು ವರ್ಷಗಳ ನಿಷೇಧವನ್ನು ನೆನಪಿಸುತ್ತಾ ಮತ್ತೊಮ್ಮೆ ಫ್ರಾಂಚೈಸಿಯನ್ನು ನಿಷೇಧಿಸಬೇಕೆಂದು ಆಗ್ರಹಿಸಿದ್ದಾರೆ. ಆದರೆ ಫ್ಯಾನ್ಸ್​​ಗಳ ಈ ಆರೋಪಕ್ಕೆ ಈ ವರೆಗೂ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

ಖಲೀಲ್​ ಅಹ್ಮದ್​ ಭರ್ಜರಿ ಪ್ರದರ್ಶನ: ಈ ಪಂದ್ಯದಲ್ಲಿ ಖಲೀಲ್​ ಅಹ್ಮದ್​ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಅವರು 4 ಓವರ್​ಗಳಲ್ಲಿ 29 ರನ್​ ನೀಡಿ 3 ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ: 43ನೇ ವಯಸ್ಸಿನಲ್ಲೂ ಕುಗ್ಗದ ಜೋಶ್​: ಧೋನಿ ಶರವೇಗದ ಸ್ಟಂಪಿಂಗ್​ಗೆ ಸೂರ್ಯ ಶಾಕ್​​!