ಕೀವ್(ಉಕ್ರೇನ್): ಬದ್ಧವೈರಿಗಳಾದ ಉಕ್ರೇನ್ ಮತ್ತು ರಷ್ಯಾ ನಡುವಿನ ಯುದ್ಧ ಮುಂದುವರಿದಿದ್ದು, ರಕ್ತದ ಕೋಡಿ ಹರಿಯುತ್ತಲೇ ಇದೆ. ಇಂದು (ಏಪ್ರಿಲ್ 13) ಪಾಮ್ ಸಂಡೇ ಆಚರಿಸುತ್ತಿದ್ದ ವೇಳೆ ಸುಮಿ ನಗರದಲ್ಲಿ ಮಾರಣಾಂತಿಕ ಖಂಡಾಂತರ ಕ್ಷಿಪಣಿ ದಾಳಿ ನಡೆಸುವ ಮೂಲಕ ಕನಿಷ್ಠ 32 ಜನರನ್ನು ರಷ್ಯಾ ಕೊಂದು ಹಾಕಿದೆ ಎಂದು ಉಕ್ರೇನ್ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ದಾಳಿಯಲ್ಲಿ ಇಬ್ಬರು ಮಕ್ಕಳು ಸೇರಿದಂತೆ 32 ಜನರು ಬಲಿಯಾಗಿದ್ದರೆ, 84 ಮಂದಿ ಗಾಯಗೊಂಡಿದ್ದಾರೆ. ಗಾಯಾಳುಗಳಲ್ಲಿ 10 ಮಕ್ಕಳು ಸೇರಿದ್ದಾರೆ. ಅಲ್ಲಿನ ಅಧಿಕೃತ ಚಾನಲ್ಗಳ ವರದಿಯಂತೆ ಮೃತದೇಹಗಳು ರಸ್ತೆ ಬದಿಯಲ್ಲಿ ಬಿದ್ದಿದ್ದವು. ಶವಗಳಿಗೆ ಸುಟ್ಟಿರುವ ಬ್ಲ್ಯಾಂಕೆಟ್ ಹೊದಿಸಿದ ರೀತಿಯಲ್ಲಿ ಕಂಡುಬಂದಿವೆ.
ಈ ಬೆಳಕಿನ ಪಾಮ್ ಸಂಡೇ ಆಚರಿಸುತ್ತಿದ್ದ ಸಂದರ್ಭದಲ್ಲಿ ಭಯಂಕರವಾದ ದುರಂತ ನಡೆದಿದೆ. ನಮ್ಮ ಸಮುದಾಯ ಇದರಿಂದ ಸಾಕಷ್ಟು ನಷ್ಟ ಅನುಭವಿಸಿದೆ. ದುರಾದೃಷ್ಟವಶಾತ್ ನಾವು ಈಗಾಗಲೇ 20ಕ್ಕೂ ಹೆಚ್ಚು ಜನರನ್ನು ಕಳೆದುಕೊಂಡಿದ್ದೇವೆ ಎಂದು ಸುಮಿ ನಗರದ ಮೇಯರ್ ಅರ್ಟಮ್ ಕೊಬ್ಝಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ, ಇದೊಂದು ಪೈಶಾಚಿಕ ಕೃತ್ಯ ಎಂದು ದಾಳಿಯನ್ನು ಖಂಡಿಸಿದ್ದಾರೆ. ಜನರ ರಕ್ಷಣಾ ಕಾರ್ಯ ಮುಂದುವರಿದಿದೆ. ಎರಡು ಕ್ಷಿಪಣಿಗಳ ದಾಳಿಯಿಂದಾಗಿ ಅಪಾರ ಸಾವುನೋವು ಸಂಭವಿಸಿದೆ.
ಝೆಲೆನ್ಸ್ಕಿ ಅವರ ತವರು ಕ್ರಿವ್ವಿಯಲ್ಲಿ ಕಳೆದ ವಾರವೂ ನಾಲ್ವರು ಸಾವನ್ನಪ್ಪಿದ್ದರು. ಇಂದು ಡಜನ್ ಗಟ್ಟಲೇ ಜನರು ಸಾವನ್ನಪ್ಪಿದ್ದರೆ, ಬಹಳಷ್ಟು ಜನರು ಗಾಯಗೊಂಡಿದ್ದಾರೆ. ಸಾಮಾನ್ಯ ನಾಗರಿಕರನ್ನು ಗುರಿಯಾಗಿಸಿಕೊಂಡು ನಡೆಸುತ್ತಿರುವ ಇಂತಹ ದಾಳಿಗಳು ಅತ್ಯಂತ ಪೈಶಾಚಿಕ ಎಂದು ಝೆಲೆನ್ಸ್ಕಿ ಕರೆದಿದ್ದಾರೆ.
ಖಾರ್ಕಿವ್, ಐಹೋರ್, ತರೆಖೋವ್ ನಗರಗಳ ಮೇಯರ್ ಪ್ರಕಾರ, ಕಿಂಡರಗಾರ್ಟನ್ ಶಾಲಾ ಕಟ್ಟಡ ಮೇಲೆ ರಷ್ಯಾ ಕ್ಷಿಪಣಿ ದಾಳಿ ನಡೆಸಿದೆ. ಇದರಿಂದ ಕಟ್ಟಡದ ಕಿಟಕಿ, ಗೋಡೆ ಸೇರಿದಂತೆ ಇನ್ನಿತರ ಹಾನಿಯಾಗಿದೆ.
ಇದನ್ನೂ ಓದಿ: ಉಕ್ರೇನ್‌ನಲ್ಲಿನ ಭಾರತೀಯ ಔಷಧ ಕಂಪನಿ ಗೋದಾಮಿನ ಮೇಲೆ ರಷ್ಯಾ ಕ್ಷಿಪಣಿ ದಾಳಿ
