Hypersexuality Addiction: ಅತಿಯಾದ ಲೈಂಗಿಕ ಉತ್ಕಟತೆಯ ಸಮಸ್ಯೆಯು (ಅತಿಯಾದ ಲೈಂಗಿಕತೆ) ಒಬ್ಬ ವ್ಯಕ್ತಿಯು ತನ್ನ ಆಲೋಚನೆಗಳು ಮತ್ತು ಲೈಂಗಿಕ ನಡವಳಿಕೆಯ ಮೇಲೆ ನಿಯಂತ್ರಣ ಕಳೆದುಕೊಳ್ಳುವ ಸ್ಥಿತಿಯಾಗಿದ್ದು, ಅವನ ಮನಸ್ಸು ಯಾವಾಗಲೂ ಲೈಂಗಿಕ ಪ್ರಚೋದನೆ ಅಥವಾ ಅತಿ ಲೈಂಗಿಕತೆಯ ಆಲೋಚನೆಗಳಿಂದ ತುಂಬಿರುತ್ತದೆ. ಮತ್ತು ಅವನಿಗೆ ಲೈಂಗಿಕ ಚಟುವಟಿಕೆಗಳನ್ನು ಮಾಡುವ ಬಯಕೆ ಪದೇ ಪದೇ ಬರುತ್ತದೆ. ಇದು ಅವನ ಮಾನಸಿಕ ಮತ್ತು ದೈಹಿಕ ಆರೋಗ್ಯದ ಜೊತೆಗೆ ಅವನ ಸಾಮಾಜಿಕ ಮತ್ತು ಭಾವನಾತ್ಮಕ ಅಭ್ಯಾಸಗಳ ಮೇಲೂ ಪರಿಣಾಮ ಬೀರುತ್ತದೆ.
ಅತಿ ಲೈಂಗಿಕತೆ ಅಥವಾ ಲೈಂಗಿಕ ವ್ಯಸನವು ಇತರ ಯಾವುದೇ ವ್ಯಸನದಷ್ಟೇ ಅಪಾಯಕಾರಿ. ಒಬ್ಬ ವ್ಯಕ್ತಿಯು ಲೈಂಗಿಕ ಚಟುವಟಿಕೆಗೆ ವ್ಯಸನಿಯಾದಾಗ, ಅವನ ಸಂಪೂರ್ಣ ಗಮನವು ಲೈಂಗಿಕತೆ ಮತ್ತು ಅದಕ್ಕೆ ಸಂಬಂಧಿಸಿದ ವಿಷಯಗಳ ಮೇಲೆ ಇರುತ್ತದೆ. ಅವನು ಬಯಸಿದರೂ ಸಹ, ಅವನು ತನ್ನ ಲೈಂಗಿಕ ಆಸೆಗಳನ್ನು ಮತ್ತು ಚಟುವಟಿಕೆಗಳನ್ನು ನಿಯಂತ್ರಿಸಲು ಸಾಧ್ಯವಾಗುವುದಿಲ್ಲ.
ಏನಿದು ಲೈಂಗಿಕ ವ್ಯಸನ? ಅದರ ಪರಿಣಾಮವೇನು?: ಲೈಂಗಿಕ ವ್ಯಸನದ ಗಂಭೀರತೆಯ ಬಗ್ಗೆ ಹೆಚ್ಚಿನ ಮಾಹಿತಿ ನೀಡದ ಹಿರಿಯ ಮನೋವೈದ್ಯೆ ಡಾ.ವೀಣಾ ಕೃಷ್ಣನ್ ಅವರು, ಲೈಂಗಿಕ ವ್ಯಸನದ ಪೀಡಿತ ವ್ಯಕ್ತಿಯು ಅಶ್ಲೀಲತೆ ಚಿತ್ರ ವೀಕ್ಷಣೆಯ ಜೊತೆಗೆ ಹಸ್ತಮೈಥುನಕ್ಕೂ ವ್ಯಸನಿಯಾಗುತ್ತಾನೆ. ಅನೇಕ ಸಂದರ್ಭಗಳಲ್ಲಿ ಒಬ್ಬ ವ್ಯಕ್ತಿಯು ತನ್ನ ಕಾಮವನ್ನು ಪೂರೈಸಿಕೊಳ್ಳಲು ಒಂದಕ್ಕಿಂತ ಹೆಚ್ಚು ವ್ಯಕ್ತಿಗಳೊಂದಿಗೆ ಹಾಗೂ ವೇಶ್ಯಾವಾಟಿಕೆಯಲ್ಲಿ ತೊಡಗಿರುವ ಮಹಿಳೆಯರೊಂದಿಗೆ ಸಹ ಸಂಬಂಧ ಹೊಂದಲು ಪ್ರಾರಂಭಿಸುತ್ತಾನೆ. ಈ ಸಮಸ್ಯೆಯನ್ನು ಸರಿಯಾದ ಸಮಯದಲ್ಲಿ ಪತ್ತೆಹಚ್ಚದಿದ್ದರೆ, ಸಕಾಲಿಕ ಚಿಕಿತ್ಸೆ ನೀಡದಿದ್ದರೆ, ಆ ವ್ಯಕ್ತಿಯು ತನ್ನ ವ್ಯಸನದಿಂದಾಗಿ ಲೈಂಗಿಕ ಅಪರಾಧಗಳಲ್ಲಿ ಭಾಗಿಯಾಗುವ ಸಾಧ್ಯತೆಯು ಹೆಚ್ಚಿರುತ್ತದೆ.
ದೈನಂದಿನ ಜೀವನವೂ ಪರಿಣಾಮ: ರೋಗಿಯ ಲೈಂಗಿಕ ವ್ಯಸನವು ಎಷ್ಟು ಹೆಚ್ಚಾಗುತ್ತದೆಯೆಂದರೆ ಅದು ಅವನ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸುತ್ತದೆ. ನಾವು ಲೈಂಗಿಕ ವ್ಯಸನವನ್ನು ಬೇರೆ ಬೇರೆ ಹೆಸರುಗಳಿಂದ ತಿಳಿದಿದ್ದೇವೆ. ಇದರಲ್ಲಿ ಕಡ್ಡಾಯ ಲೈಂಗಿಕ ನಡವಳಿಕೆ, ಅತಿಯಾದ ಲೈಂಗಿಕತೆ, ಅಶ್ಲೀಲ ಲೈಂಗಿಕತೆ, ಬಲವಂತದ ಲೈಂಗಿಕ ಕ್ರಿಯೆಯು ಸೇರಿರುತ್ತವೆ.
ಲೈಂಗಿಕ ವ್ಯಸನವು ಸಾಮಾನ್ಯವಾಗಿ ಲೈಂಗಿಕ ಚಟುವಟಿಕೆಯ ಸಮಯದಲ್ಲಿ ಮಾಡುವ ಕೆಲಸಗಳನ್ನು ಒಳಗೊಂಡಿದೆ. ಉದಾಹರಣೆಗೆ: ಹಸ್ತಮೈಥುನ, ಲೈಂಗಿಕ ಸಂದೇಶಗಳನ್ನು ಓದುವುದು, ಫೋರ್ನ್ ವಿಡಿಯೋ ವೀಕ್ಷಣೆ, ಸೈಬರ್‌ ಸೆಕ್ಸ್, ಇದಲ್ಲದೆ, ಲೈಂಗಿಕ ವ್ಯಸನದಿಂದ ಬಳಲುತ್ತಿರುವ ವ್ಯಕ್ತಿಯು ಒಂದಕ್ಕಿಂತ ಹೆಚ್ಚು ಜನರೊಂದಿಗೆ ಲೈಂಗಿಕ ಸಂಬಂಧ ಹೊಂದುವ ಬಯಕೆ ಹೊಂದಿರುತ್ತಾನೆ. ಅಂತಹ ಚಟುವಟಿಕೆಗಳು ಹೆಚ್ಚು ಆದಾಗ ರೋಗಿಯ ವೈಯಕ್ತಿಕ ಜೀವನದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಆ ವ್ಯಕ್ತಿಯ ಮಾನಕಸ್ಥಿತಿಯು ಸಹ ಹದಗೆಡಲು ಪ್ರಾರಂಭಿಸುತ್ತದೆ ಎಂದು ವೈದ್ಯರು ತಿಳಿಸುತ್ತಾರೆ.
ಲೈಂಗಿಕ ವ್ಯಸನಕ್ಕೆ ಕಾರಣಗಳೇನು?: ಕೆಲವೊಮ್ಮೆ ಲೈಂಗಿಕ ವ್ಯಸನವು ಮಾನಸಿಕ ಅಸ್ವಸ್ಥತೆ, ಅನಾರೋಗ್ಯಕರ ಹಾರ್ಮೋನುಗಳು, ವೀಡಿಯೊಗಳನ್ನು ಅಥವಾ ಅಶ್ಲೀಲತೆಯಂತಹ ವಿಷಯವನ್ನು ನಿರಂತರವಾಗಿ ನೋಡುವುದು ಮೆದುಳಿಗೆ ಹಾನಿಕಾರಕವಾಗುತ್ತದೆ. ಇದರ ಪರಿಣಾಮವಾಗಿ ಯಾವುದೇ ದೈಹಿಕ ಅನಾರೋಗ್ಯವು ಈ ರೋಗಿಗಳಲ್ಲಿ ಕಾಡಬಹುದು ಎಂದು ಡಾ.ವೀಣಾ ಕೃಷ್ಣನ್ ತಿಳಿಸುತ್ತಾರೆ.
ಇದರೊಂದಿಗೆ ಒತ್ತಡ, ಆತಂಕ, ಕಲಿಕಾ ನ್ಯೂನತೆ ಮತ್ತು ಅನಗತ್ಯ ಆಲೋಚನೆಗಳು, ಅನಗತ್ಯ ಪ್ರಚೋದನೆಯ ಪ್ರವೃತ್ತಿಗಳಿಂದಲೂ ವ್ಯಕ್ತಿಯು ಲೈಂಗಿಕ ವ್ಯಸನಿಯಾಗಬಹುದು. ಇತ್ತೀಚಿನ ದಿನಗಳಲ್ಲಿ OTTಯಲ್ಲಿ ಪ್ರಸಾರವಾಗುವ ವೆಬ್ ಧಾರಾವಾಹಿಗಳು ಮತ್ತು ಚಲನಚಿತ್ರಗಳು ಅಂದರೆ ಆನ್‌ಲೈನ್ ಟಿವಿ ಚಾನೆಲ್‌ಗಳು ಜನರನ್ನು ಆಕರ್ಷಿಸುತ್ತವೆ ಹಾಗೂ ರೋಮಾಂಚನಗೊಳಿಸುತ್ತವೆ. ಇದರಿಂದಾಗಿ ಅಂತಹ ಜನರ ಮನಸ್ಸು ಹೆಚ್ಚಿನ ಸಮಯ ಲೈಂಗಿಕತೆಗೆ ಸಂಬಂಧಿಸಿದ ಆಲೋಚನೆಗಳಿಂದ ತುಂಬಿರುತ್ತದೆ. ಇದಲ್ಲದೆ, ಅಂತಹ ವ್ಯಸನದ ಇತಿಹಾಸವನ್ನು ಹೊಂದಿರುವ ಕುಟುಂಬ ಸದಸ್ಯರು ಸಹ ಲೈಂಗಿಕ ವ್ಯಸನಿಯಾಗುವ ಅಪಾಯದಲ್ಲಿರಬಹುದು. ಈ ವ್ಯಕ್ತಿಯಲ್ಲಿ ಇಂತಹ ಚಟ ಬೆಳೆಯಲು ಹಲವು ಮಾನಸಿಕ ಸ್ಥಿತಿಗಳಿವೆ ಎಂದು ಡಾ.ವೀಣಾ ಕೃಷ್ಣನ್ ಹೇಳುತ್ತಾರೆ.
ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ ಲೈಂಗಿಕ ವ್ಯಸನದ ಲಕ್ಷಣಗಳು ಇಲ್ಲಿವೆ ನೋಡಿ:
- ನಿರಂತರವಾಗಿ ಲೈಂಗಿಕತೆಯ ಬಗ್ಗೆ ಯೋಚಿಸುವುದು.
- ಒಬ್ಬ ವ್ಯಕ್ತಿಯು ಒಂದಕ್ಕಿಂತ ಹೆಚ್ಚು ಜನರೊಂದಿಗೆ ಲೈಂಗಿಕ ಸಂಬಂಧ ಹೊಂದುವುದು.
- ಅಶ್ಲೀಲ ಚಿತ್ರಗಳನ್ನು ನೋಡುವುದರಲ್ಲಿ ಹೆಚ್ಚಿನ ಸಮಯವನ್ನು ಕಳೆಯುವುದು.
- ಲೈಂಗಿಕತೆಗಾಗಿ ವೇಶ್ಯೆರನ್ನು ಭೇಟಿ ಮಾಡುವುದು.
- ತನ್ನನ್ನು ತಾನು ನಿಯಂತ್ರಿಸಿಕೊಳ್ಳಲು ಸಾಧ್ಯವಾಗದೇ ಇರುವುದು.
- ಹಸ್ತಮೈಥುನಕ್ಕೆ ವ್ಯಸನಿಯಾಗುವುದು.
ಲೈಂಗಿಕ ವ್ಯಸನಕ್ಕೆ ಚಿಕಿತ್ಸೆ ಏನು?: ವಿವಿಧ ಚಿಕಿತ್ಸೆಗಳು ಮತ್ತು ಔಷಧಿಗಳ ಸಹಾಯದಿಂದ ಈ ಚಟವನ್ನು ನಿಯಂತ್ರಿಸಬಹುದು. ಈ ಚಿಕಿತ್ಸೆಗಳ ಸಹಾಯದಿಂದ ರೋಗಪೀಡಿತ ವ್ಯಕ್ತಿಯ ಮಾನಸಿಕ ಶಕ್ತಿಯನ್ನು ಬಲಪಡಿಸಬಹುದು. ಮತ್ತು ತನ್ನನ್ನು ತಾನು ನಿಯಂತ್ರಿಸಿಕೊಳ್ಳಬಹುದು. ಈ ಲೈಂಗಿಕ ವ್ಯಸನದ ವಿರುದ್ಧ ಹೋರಾಡಲು ಸಾಧ್ಯವಿದೆ. ಇದಲ್ಲದೆ, ಅರಿವಿನ ವರ್ತನೆಯ ಚಿಕಿತ್ಸೆ, ಚಿಕಿತ್ಸಕ ವಿಧಾನಗಳು ಮತ್ತು ಔಷಧಿಗಳ ಸಹಾಯದಿಂದ ರೋಗಿಯ ಆಲೋಚನೆಗಳು ಮತ್ತು ನಡವಳಿಕೆಯನ್ನು ಮತ್ತೊಂದು ದಿಕ್ಕಿನಲ್ಲಿ ಕೇಂದ್ರೀಕರಿಸಲು ಪ್ರಯತ್ನಿಸಲಾಗುತ್ತದೆ. ಔಷಧಿಗಳ ಸಹಾಯದಿಂದ ವ್ಯಕ್ತಿಯಲ್ಲಿ ಲೈಂಗಿಕ ಪ್ರಚೋದನೆಯನ್ನು ಕಡಿಮೆ ಮಾಡಲು ಮತ್ತು ಮನಸ್ಸನ್ನು ಶಾಂತವಾಗಿಡಲು ಪ್ರಯತ್ನಗಳನ್ನು ಮಾಡಲಾಗುತ್ತದೆ ಎಂದು ಮನೋವೈದ್ಯೆ ಡಾ.ವೀಣಾ ಕೃಷ್ಣನ್ ವಿವರಿಸಿದರು.
ಹೆಚ್ಚಿನ ಮಾಹಿತಿಗಾಗಿ ಈ ವೆಬ್ಸೈಟ್ಗಳನ್ನು ವೀಕ್ಷಿಸಬಹುದು:
- https://pmc.ncbi.nlm.nih.gov/articles/PMC8910026/#:~:text=Sexual%20Addiction%20is%20a%20disorder%20characterized%20by%20invasive%20and%20obsessive,work%2C%20emotional%20and%20social%20levels.
- https://pmc.ncbi.nlm.nih.gov/articles/PMC4524748/
- https://pubmed.ncbi.nlm.nih.gov/24001295/
ಓದುಗರಿಗೆ ವಿಶೇಷ ಸೂಚನೆ: ಈ ವರದಿಯಲ್ಲಿ ನಿಮಗೆ ನೀಡಲಾದ ಎಲ್ಲ ಆರೋಗ್ಯ ಸಂಬಂಧಿತ ಮಾಹಿತಿ ಹಾಗೂ ಸಲಹೆಗಳನ್ನು ಸಾಮಾನ್ಯ ಮಾಹಿತಿಗಾಗಿ ಮಾತ್ರವೇ ನೀಡಲಾಗಿದೆ. ನಾವು ಈ ಮಾಹಿತಿಯನ್ನು ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯ ಆಧಾರದ ಮೇಲೆ ಒದಗಿಸುತ್ತಿದ್ದೇವೆ. ನೀವು ಈ ಬಗ್ಗೆ ವಿವರವಾಗಿ ತಿಳಿದುಕೊಳ್ಳಬೇಕು. ಮತ್ತು ಈ ವಿಧಾನ ಅಥವಾ ಕಾರ್ಯವಿಧಾನವನ್ನು ಅಳವಡಿಸಿಕೊಳ್ಳಬೇಕು ಎಂದಾದಲ್ಲಿ ನುರಿತ ಪರಿಣತ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
