ಮಸ್ಕ್​ ಸಂಸ್ಥೆಯಲ್ಲಿ ಕೆಲಸ ಮಾಡಲು ಅದ್ಭುತ ಅವಕಾಶ; ಮುಂಬೈನಲ್ಲಿ ನೇಮಕಾತಿ ಆರಂಭಿಸಿದ ಟೆಸ್ಲಾ

ಟೆಸ್ಲಾ ಎಲೆಕ್ಟ್ರಿಕ್​ ಕಾರು ಭಾರತೀಯ ಮಾರುಕಟ್ಟೆ ಪ್ರವೇಶಿಸಲು ಸಿದ್ಧತೆ ನಡೆಸುತ್ತಿದ್ದು, ಉದ್ಯೋಗ ನೇಮಕಾತಿ ಪ್ರಕ್ರಿಯೆಗೆ ಚಾಲನೆ ಸಿಕ್ಕಿದೆ.

ನವದೆಹಲಿ: ಅಮೆರಿಕದಲ್ಲಿ ಇತ್ತೀಚಿಗೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಎಲೋನ್​ ಮಸ್ಕ್​ ಭೇಟಿಯಾದ ಬೆನ್ನಲ್ಲೇ ಇದೀಗ ಭಾರತದ ಮಾರುಕಟ್ಟೆಗೆ ಟೆಸ್ಲಾ ದಾಪುಗಾಲಿಡಲು ಸಜ್ಜಾಗಿದೆ. ಇದರ ಪೂರ್ವಸಿದ್ಧತಾ ಹಂತವಾಗಿ ಭಾರತದಲ್ಲಿ ನೇಮಕಾತಿ ಆರಂಭಿಸಲು ಮುಂದಾಗಿದೆ.

ಇದರೊಂದಿಗೆ ಅಮೆರಿಕದ ದೈತ್ಯ ಎಲೆಕ್ಟ್ರಿಕಲ್​ ಕಾರು ಕಂಪನಿಯಲ್ಲಿ ಕೆಲಸ ಮಾಡಬೇಕೆಂಬ ಕನಸು ಹೊಂದಿರುವವರಿಗೆ ಟೆಸ್ಲಾ ಸುವರ್ಣಾವಕಾಶ ನೀಡಿದೆ. ಮುಂಬೈನಲ್ಲಿ ಹಲವು ಹುದ್ದೆಗಳ ನೇಮಕಾತಿಗೆ ಮುಂದಾಗಿದ್ದು, ಒಟ್ಟು 13 ಸ್ಥಾನಗಳ ಭರ್ತಿಗೆ ಪ್ರಕಟಣೆ ಹೊರಡಿಸಿದೆ. ಅಷ್ಟೇ ಅಲ್ಲದೆ, ಈ ಕುರಿತು ಲಿಂಕ್ಡ್​​ಇನ್​ನಲ್ಲಿಯೂ ಮಾಹಿತಿ ನೀಡಿದೆ.

It was an honor to meet https://t.co/WqELdGiurP

— Elon Musk (@elonmusk) February 14, 2025

ಈ ಹುದ್ದೆಗಳಿಗೆ ಟೆಸ್ಲಾ ನೇಮಕಾತಿ:

ವಾಹನ ಸೇವಾ ವರ್ಗದಲ್ಲಿ ಒಟ್ಟು 4 ಹುದ್ದೆಗಳಿವೆ: ಸರ್ವಿಸ್​ ಅಡ್ವೈಸರ್, ಪಾರ್ಟ್ಸ್​ ಅಡ್ವೈಸರ್, ಸರ್ವೀಸ್​ ಟೆಕ್ನಿಷಿಯನ್​ ಮತ್ತು ಸರ್ವೀಸ್​ ಮ್ಯಾನೇಜರ್.​

ಸೇಲ್ಸ್​ ಮತ್ತು ಕಸ್ಟಮರ್​ ಸಪೋರ್ಟ್​- ಟೆಸ್ಲಾ ಅಡ್ವೈಸರ್​, ಸ್ಟೋರ್ ಮ್ಯಾನೇಜರ್

ಬ್ಯುಸಿನೆಸ್​ ಸಪೋರ್ಟ್- ಬ್ಯುಸಿನೆಸ್​ ಆಪರೇಷನ್ಸ್​​ ಅನಾಲಿಸ್ಟ್​, ಡೆಲಿವರಿ ಆಪರೇಷನ್​ ಸ್ಪೆಷಲಿಸ್ಟ್​, ಆರ್ಡರ್​ ಆಪರೇಷನ್​ ಸ್ಪೆಷಾಲಿಸ್ಟ್​​

ಸೇಲ್ಸ್​ ಆ್ಯಂಡ್​ ಕಸ್ಟಮರ್​ ಸಪೋರ್ಟ್- ಕಸ್ಟಮರ್​ ಸಪೋರ್ಟ್​ ಸೂಪರ್​ವೈಸರ್, ಕಸ್ಟಮರ್​ ಸಪೋರ್ಟ್​ ಸ್ಪೆಷಲಿಸ್ಟ್​, ಇನ್​​ಸೈಡ್​ ಸೇಲ್ಸ್​ ಅಡ್ವೈಸರ್​ ಮತ್ತು ಕನ್ಸೂಮರ್​ ಎಂಗೇಜ್ಮೆಂಟ್​ ಮ್ಯಾನೇಜರ್.

ಈ ಹುದ್ದೆಗಳಿಗೆ ಕಠಿಣ ಪರಿಶ್ರಮಿಗಳು, ಜಗತ್ತನ್ನು ಬದಲಾಯಿಸುವ ಅದಮ್ಯ ಉತ್ಸಾಹಿಗಳು, ದೈನಂದಿನ ಕಾರ್ಯಾಚರಣೆಗಳನ್ನು ಯಶಸ್ವಿಯಾಗಿ ನಿರ್ವಹಿಸಬಲ್ಲವರು, ಆದಾಯದ ಜೊತೆ ಖರೀದಿ ಆದೇಶದ ದೃಢೀಕರಣ ಕುರಿತು ಕಾರ್ಯನಿರ್ವಹಿಸುವರನ್ನು ಎದುರು ನೋಡುತ್ತಿರುವುದಾಗಿ ಟೆಸ್ಲಾ ಹೇಳಿದೆ.

ಭಾರತ ಸದ್ಯ 40,000 ಡಾಲರ್​ಗಿಂತ ಹೆಚ್ಚಿನ ಬೆಲೆಯ ಹೈ ಎಂಡ್ ಕಾರುಗಳ ಮೇಲಿನ ಮೂಲ ಕಸ್ಟಮ್ಸ್ ಸುಂಕವನ್ನು ಶೇ.110ರಿಂದ ಶೇ.70ರಷ್ಟು ಇಳಿಸಿರುವ ಹೊತ್ತಿನಲ್ಲಿ ಈ ನೇಮಕಾತಿ ಕುರಿತು ಟೆಸ್ಲಾ ಪ್ರಕಟಿಸಿದೆ. ಭಾರತದ ಮಾರುಕಟ್ಟೆಯಲ್ಲಿ ಕೈಗೆಟುಕುವ ದರದಲ್ಲಿ ಟೆಸ್ಲಾ ಕಾರುಗಳನ್ನು ಅಭಿವೃದ್ಧಿಪಡಿಸುವ ಮಸ್ಕ್​ ಯೋಚನೆಗೆ ಕಾಲ ಕೂಡಿ ಬಂದಿರುವುದನ್ನು ಈ ನೇಮಕಾತಿ ಸುಳಿವು ನೀಡಿದೆ.

ಭಾರತದ ಮಾರುಕಟ್ಟೆಗೆ ಟೆಸ್ಲಾ: ಭಾರತದಲ್ಲಿ ಟೆಸ್ಲಾ ಪ್ರವೇಶದ ಕುರಿತು ಮಾರುಕಟ್ಟೆಯಲ್ಲೂ ಕಾತುರತೆ ಇದೆ. ಕಳೆದ ಏಪ್ರಿಲ್​ನಲ್ಲಿಯೇ ಏಲೋನ್​​ ಮಸ್ಕ್​ ಈ ಕುರಿತು ಚರ್ಚೆಗೆ ಭಾರತಕ್ಕೆ ಆಗಮಿಸಬೇಕಿತ್ತು. ಆದರೆ, ಟೆಸ್ಲಾದ ಕೆಲವು ಕಾರ್ಯದ ಹಿನ್ನೆಲೆಯಲ್ಲಿ ಕಡೇಯ ಕ್ಷಣದಲ್ಲಿ ಭೇಟಿಯನ್ನು ಮುಂದೂಡಲಾಯಿತು. ಆದರೆ, ಮಸ್ಕ್​ ಅವರು ಭಾರತದಲ್ಲಿ ಟೆಸ್ಲಾ ಎಲೆಕ್ಟ್ರಿಕ್​ ಕಾರಗಳು ಮಾರಾಟವನ್ನು ಎದುರು ನೋಡುತ್ತಿದ್ದು, ಅದರ ಯೋಜನೆಯನ್ನು ಶೀಘ್ರದಲ್ಲೇ ಪ್ರಕಟಿಸುವುದಾಗಿ ತಿಳಿಸಿದ್ದು ಭಾರೀ ನಿರೀಕ್ಷೆ ಮೂಡಿಸಿತ್ತು.

ಟೆಸ್ಲಾದಂತಹ ಪ್ರಮುಖ ಜಾಗತಿಕ ಆಟಗಾರರನ್ನು ಆಕರ್ಷಿಸುವ ಗುರಿಯೊಂದಿಗೆ ಹೊಸ ಎಲೆಕ್ಟ್ರಿಕ್​ ವಾಹನ ಪಾಲಿಸಿ ಅಡಿಯಲ್ಲಿ ಆಮದು ಸುಂಕದ ರಿಯಾಯಿತಿಗಳನ್ನು ನೀಡಲಾಗುವುದು ಎಂದು ಭಾರತ ಸರ್ಕಾರ ಘೋಷಿಸಿದ್ದು, ಇದೀಗ ಅವರು ತಮ್ಮ ಭೇಟಿಗೆ ಯೋಜನೆ ರೂಪಿಸಲು ಮುಂದಾಗಿದ್ದಾರೆ.

ಇದನ್ನೂ ಓದಿ: ಕನಿಷ್ಠ ಸರ್ಕಾರ, ಗರಿಷ್ಠ ಆಡಳಿತ: ಎಲೋನ್​ ಮಸ್ಕ್​ ಜತೆ ಮೋದಿ ಮಹತ್ವದ ಚರ್ಚೆ: ಭಾರತದಲ್ಲೂ ಸುಧಾರಣೆಗೆ ಮುಂದಾಗ್ತಾರಾ ಪ್ರಧಾನಿ

ಇದನ್ನೂ ಓದಿ: ಬಾಹ್ಯಾಕಾಶದಲ್ಲಿ ಸುನೀತಾ, ಬುಚ್​: ಅವರಿಬ್ಬರನ್ನು ಆದಷ್ಟು ಬೇಗ ಕರೆತರುವಂತೆ ಮಸ್ಕ್​ ಸಹಾಯ ಕೋರಿದ ಟ್ರಂಪ್