ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ಮಂಗಳವಾರ ಚಿನ್ನದ ಬೆಲೆ 10 ಗ್ರಾಂಗೆ 50 ರೂ.ಗಳಷ್ಟು ಏರಿಕೆಯಾಗಿ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 96,450 ರೂ.ಗೆ ತಲುಪಿದೆ ಎಂದು ಅಖಿಲ ಭಾರತ ಸರಾಫಾ ಅಸೋಸಿಯೇಷನ್ ತಿಳಿಸಿದೆ. ಸೋಮವಾರ, ಶೇಕಡಾ 99.9 ಶುದ್ಧತೆಯ ಚಿನ್ನದ ಬೆಲೆ 10 ಗ್ರಾಂಗೆ 50 ರೂ.ಗಳಷ್ಟು ಇಳಿದು 96,400 ರೂ.ಗೆ ತಲುಪಿತ್ತು.
ಶೇಕಡಾ 99.5ರಷ್ಟು ಶುದ್ಧತೆ ಚಿನ್ನದ ದರ 10 ಗ್ರಾಂಗೆ 50 ರೂ.ಗಳಷ್ಟು ಏರಿಕೆಯಾಗಿ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 96,000 ರೂ.ಗೆ ತಲುಪಿದೆ.
ಏತನ್ಮಧ್ಯೆ, ಕೈಗಾರಿಕಾ ವಲಯದಿಂದ ಬೇಡಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಬೆಳ್ಳಿಯ ಬೆಲೆ ಪ್ರತಿ ಕೆ.ಜಿ.ಗೆ 2,500 ರೂ. ಏರಿಕೆಯಾಗಿ 97,500 ರೂ.ಗೆ ತಲುಪಿದೆ. ಸೋಮವಾರದಂದು ಬೆಳ್ಳಿಯ ದರ ಪ್ರತಿ ಕೆ.ಜಿ.ಗೆ 500 ರೂ.ಗಳಷ್ಟು ಇಳಿದು 95,000 ರೂ.ಗೆ ತಲುಪಿತ್ತು.
ಜಾಗತಿಕವಾಗಿ, ಸ್ಪಾಟ್ ಚಿನ್ನದ ದರ ಔನ್ಸ್ಗೆ 13.67 ಡಾಲರ್ ಅಥವಾ ಶೇಕಡಾ 0.43 ರಷ್ಟು ಏರಿಕೆಯಾಗಿ 3,224.60 ಡಾಲರ್ಗೆ ತಲುಪಿದೆ. ಜೂನ್ ವಿತರಣೆಗಾಗಿ ಕಾಮೆಕ್ಸ್ ಫ್ಯೂಚರ್ಸ್ ಚಿನ್ನದ ದರ ಶೇಕಡಾ 0.47 ರಷ್ಟು ಏರಿಕೆಯಾಗಿ ಪ್ರತಿ ಔನ್ಸ್ಗೆ 3,241.50 ಡಾಲರ್ಗೆ ತಲುಪಿದೆ. ಏಷ್ಯಾ ಮಾರುಕಟ್ಟೆಯಲ್ಲಿ ಸ್ಪಾಟ್ ಬೆಳ್ಳಿ ಔನ್ಸ್ಗೆ 32.32 ಡಾಲರ್ಗೆ ಇಳಿದಿದೆ.
ಡಾಲರ್ ದುರ್ಬಲಗೊಳ್ಳುತ್ತಿರುವುದರಿಂದ ಮತ್ತು ಯುಎಸ್ ವ್ಯಾಪಾರ ನೀತಿಯ ಸುತ್ತಲಿನ ನಿರಂತರ ಅನಿಶ್ಚಿತತೆಯಿಂದಾಗಿ ಚಿನ್ನದ ಬೆಲೆಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿ ಸ್ಥಿರವಾಗಿವೆ ಎಂದು ಅಬನ್ಸ್ ಫೈನಾನ್ಷಿಯಲ್ ಸರ್ವೀಸಸ್ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಚಿಂತನ್ ಮೆಹ್ತಾ ಹೇಳಿದ್ದಾರೆ.
ಇದನ್ನೂ ಓದಿ: ಸುಂಕ ಸಮರ: ಅಮೆರಿಕ ನಿರ್ಮಿತ ಬೋಯಿಂಗ್ ವಿಮಾನಗಳ ಖರೀದಿ ನಿಲ್ಲಿಸಿದ ಚೀನಾ - USA CHINA TARIFF WAR
