ನವದೆಹಲಿ: ಸತತ ನಾಲ್ಕು ದಿನಗಳಿಂದ ಏರಿಕೆ ಕಾಣುತ್ತಿರುವ ಚಿನ್ನದ ಬೆಲೆ ಇದೀಗ ಸಾರ್ವಕಾಲಿಕ ಗರಿಷ್ಠ ಬೆಲೆಗೆ ತಲುಪಿದೆ. ಮಂಗಳವಾರ 1,899ರೂ. ಏರಿಕೆ ಕಾಣುವ ಮೂಲಕ 10 ಗ್ರಾಂ ಚಿನ್ನದ ಬೆಲೆ 99,178 ಆಗುವ ಮೂಲಕ ಚಿನ್ನ ಸುರಕ್ಷಿತ ಹೂಡಿಕೆಯಾಗಿದೆ.
ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ನಲ್ಲಿ, ಜೂನ್‌ನಲ್ಲಿ ಹೆಚ್ಚು ವಹಿವಾಟು ನಡೆದ ಚಿನ್ನದ ವಿತರಣಾ ಒಪ್ಪಂದಗಳು ಆರಂಭಿಕ ವಹಿವಾಟಿನಲ್ಲಿ 10 ಗ್ರಾಂಗಳಿಗೆ 1,899 ರೂ. ಅಥವಾ ಶೇ 2ರಷ್ಟು ಏರಿಕೆ ಕಂಡಿದ್ದು ಸದ್ಯ 99,178 ರೂ.ಗಳ ದಾಖಲೆಯ ಗರಿಷ್ಠ ಮಟ್ಟವನ್ನು ತಲುಪಿದೆ.
ಜೂನ್ ವಹಿವಾಟಿನ ಒಪ್ಪಂದದಲ್ಲಿ 10 ಗ್ರಾಂ ಚಿನ್ನ 98,880 ರೂ.ಗಳಲ್ಲಿ ವಹಿವಾಟು ನಡೆಸಿತು. ಆಗಸ್ಟ್ನ ಒಪ್ಪಂದದಲ್ಲಿ 1,848 ಅಥವಾ 1.89ರಷ್ಟು ಏರಿಕೆ ಕಂಡಿದ್ದು, 10 ಗ್ರಾಂ ಬಂಗಾರದ ಬಲೆ 99,800 ರೂಗೆ ಬಂದಿದೆ.
ಜೊತೆಗೆ ಅಕ್ಟೋಬರ್ ಒಪ್ಪಂದದಲ್ಲಿ ಎಂಸಿಎಕ್ಸ್ನಲ್ಲಿ ಇದೇ ಮೊದಲ ಬಾರಿಗೆ ₹1 ಲಕ್ಷದ ಗಡಿ ದಾಟಿದೆ. 2000 ಅಥವಾ ಶೇ 2ರಷ್ಟು ಏರಿಕೆ ಕಾಣುವ ಮೂಲಕ ಅಧಿಕ ಮೌಲ್ಯಕ್ಕೆ ಅಂದರೆ 10ಗ್ರಾಂ ಚಿನ್ನದ ದರ 1,00,484 ರೂ. ಆಗಿದೆ.
ಹಳದಿ ಲೋಹದ ಬೆಲೆ ಈ ರೀತಿ ಏರಿಕೆ ಕಾಣಲು ಕಾರಣ ಅಮೆರಿಕದ ಹಣಕಾಸು ನೀತಿಯಾಗಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಫೆಡರಲ್ ರಿಸರ್ವ್ ಯೋಜನೆ ಪರಿಶೀಲಿಸಿ ಅನಾವರಣಗೊಳಿಸಿದ್ದಾರೆ. ಜಾಗತಿಕ ಮಟ್ಟದಲ್ಲಿ ಬಂಗಾರದ ಬೆಲೆ ಗಮನಾರ್ಹ ಏರಿಕೆ ಕಂಡಿದ್ದು, ಔನ್ಸ್ಗೆ 3,504.12 ಅಮೆರಿಕನ್ ಡಾಲರ್ ಆಗಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಗರಿಷ್ಠ ಏರಿಕೆ: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಮೊದಲ ಬಾರಿಗೆ ಚಿನ್ನದ ಬೆಲೆ ಔನ್ಸ್ಗೆ 3,500 ರೂ. ದಾಟಿದ್ದು, ಜಾಗತಿಕ ಆರ್ಥಿಕ ಮಾರುಕಟ್ಟೆಯಲ್ಲಿ ಅನಿಶ್ಚಿತತೆ ಮತ್ತು ಅಮೆರಿಕ ಚೀನಾದ ನಡುವಿನ ವ್ಯಾಪಾರ ಯುದ್ಧದ ನಡುವೆ ದೇಶಿಯ ಮಾರುಕಟ್ಟೆಯಲ್ಲಿ 97,000 ಮಟ್ಟಕ್ಕೆ ಏರಿಕೆ ಕಂಡಿದೆ ಎಂದು ಮೆಹ್ತಾ ಈಕ್ವಿಟಿಸ್ ಲಿಮಿಟೆಡ್ನ ರಾಹುಲ್ ಕಲಂತ್ರಿ ತಿಳಿಸಿದ್ದಾರೆ.
ಫೆಡರಲ್ ರಿಸರ್ವ್ ಬಡ್ಡಿ ದರವನ್ನು ಕಡಿತಗೊಳಿಸುವುದಾಗಿ ಟ್ರಂಪ್ ಸೋಮವಾರ ಪುನರುಚ್ಚರಿಸಿದ್ದಾರೆ. ತಕ್ಷಣಕ್ಕೆ ಬಡ್ಡಿದರಗಳನ್ನು ಕಡಿತಗೊಳಿಸದಿದ್ದರೆ ಅಮೆರಿಕದ ಆರ್ಥಿಕತೆ ನಿಧಾನವಾಗಬಹುದು ಎಂದು ಕೂಡ ಟ್ರಂಪ್ ತಿಳಿಸಿದ್ದರು.
ಜಾಗತಿಕ ಮಾರುಕಟ್ಟೆಯಲ್ಲಿ ಅನಿಶ್ಚಿತತೆ ನಡುವೆ ಬಂಗಾರದ ಬೆಲೆಯಲ್ಲಿ ಏರಿಳಿತ ಕಂಡಿದೆ. ಡಾಲರ್ ಸೂಚ್ಯಂಕಗಳು ಕೂಡ 3 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಇಳಿದಿದೆ ಎಂದು ಫೆಡರಲ್ ರಿಸರ್ವ್ ಅಧ್ಯಕ್ಷ ಜೆರೋಮ್ ಪೊವೆಲ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಚಿನ್ನ- ಬೆಳ್ಳಿ ಬೆಲೆಯಲ್ಲಿ ಮತ್ತೆ ಭಾರಿ ಏರಿಕೆ: ಲಕ್ಷದ ಹತ್ತಿರ ಬಂದೇ ಬಿಟ್ಟಿತು ಹಳದಿ ಲೋಹದ ದರ; ಬೆಂಗಳೂರಲ್ಲಿ ಇಷ್ಟಿದೆ ಬೆಲೆ!
ಇದನ್ನೂ ಓದಿ: ಮಾರುಕಟ್ಟೆಯಲ್ಲಿವೆ ಒರಿಜಿನಲ್ನಂತೆಯೇ ಕಾಣುವ ನಕಲಿ ನೋಟುಗಳು: ಫೇಕ್ ಪತ್ತೆಗೆ ಈ ವ್ಯತ್ಯಾಸ ಗಮನಿಸಿದ್ರೆ ಸಾಕು!
