ಯಾದಗಿರಿ: ಪ್ರಯಾಣಿಕನ ಜೊತೆ ಬಸ್‌ ಹತ್ತಿದ್ದ ಮೇಕೆ ಮರಿಗಳಿಗೂ ಫುಲ್‌ ಟಿಕೆಟ್‌

author img

By

Published : Nov 18, 2021, 3:22 PM IST

Updated : Nov 18, 2021, 4:32 PM IST

bus-conductor-gave-full-ticker-to-goat

ಬಸ್​ನಲ್ಲಿ ಮೇಕೆ ಮರಿಗಳನ್ನು ಕರೆದುಕೊಂಡು ಹೋಗುತ್ತಿದ್ದ ಪ್ರಯಾಣಿಕರ ಜೊತೆಗೆ ಮೇಕೆಗಳಿಗೂ ಫುಲ್​ ಟಿಕೆಟ್​ (KSRTC Bus conductor issued full ticket to Goats) ನೀಡುವ ಮೂಲಕ ಕಂಡಕ್ಟರ್​​​ ಶಾಕ್​ ನೀಡಿದ್ದಾನೆ.

ಯಾದಗಿರಿ: ಕೆಎಸ್​ಆರ್​ಟಿಸಿ ಬಸ್​ನಲ್ಲಿ ಯಾದಗಿರಿಯಿಂದ ಸೇಡಂಗೆ ತೆರಳುತ್ತಿದ್ದ ಪ್ರಯಾಣಿಕರೊಬ್ಬರ ಜೊತೆಗೆ ಇದ್ದ ಮೇಕೆ ಮರಿಗಳಿಗೂ ಕಂಡಕ್ಟರ್​​ ಫುಲ್​​ ಟಿಕೆಟ್ ನೀಡಿದ ಪ್ರಸಂಗ ಜಿಲ್ಲೆಯಲ್ಲಿ ಜರುಗಿದೆ.


ರೈತರಾದ ಸುನೀಲ್ ಹಾಗೂ ರಾಮಲಿಂಗ ತಮ್ಮ ಮೇಕೆ ಮರಿಗಳನ್ನು ಯಾದಗಿರಿಯಿಂದ ಕಲಬುರಗಿ ಜಿಲ್ಲೆಯ ಸೇಡಂ ತಾಲೂಕಿನ ಕೊಡ್ಲಾ ಗ್ರಾಮಕ್ಕೆ ಬಸ್​ನಲ್ಲಿ ತೆಗೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ಕಂಡಕ್ಟರ್ ಎರಡು ಮೇಕೆ ಮರಿಗಳಿಗೆ ಫುಲ್ ಟಿಕೆಟ್ ನೀಡಿದ್ದಾನೆ.

ಕಂಡಕ್ಟರ್ ಬಳಿ ಮೇಕೆ ಮಾಲೀಕರು ಆಕ್ಷೇಪ ವ್ಯಕ್ತಪಡಿಸಿದರೂ 'ನಿಯಮವಿದೆ' ಎಂದು ಹೇಳಿದ್ದರಿಂದ ರೈತರು ತಮ್ಮ ಮೇಕೆಗಳಿಗೂ ಫುಲ್ ಟಿಕೆಟ್‌ಗೆ ಹಣ ಪಾವತಿ ಮಾಡಬೇಕಾಯಿತು.

ಕೆಎಸ್​ಆರ್​ಟಿಸಿ (KSRTC) ಬಸ್‍ನಲ್ಲಿ ಸಾಕು ಪ್ರಾಣಿ, ಪಕ್ಷಿಗಳನ್ನು ಕರೆದೊಯ್ಯಬೇಕಾದರೆ ಪ್ರಯಾಣಿಕರಂತೆ ಪ್ರಾಣಿಗಳಿಗೂ ಟಿಕೆಟ್ ಪಡೆಯಲೇಬೇಕು ಎಂಬ ನಿಯಮವಿದೆ.

Last Updated :Nov 18, 2021, 4:32 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.