ಶಿವಮೊಗ್ಗ: ಛತ್ತೀಸ್‍ಗಡದ ರಾಯ್‍ಪುರ್‌ನಲ್ಲಿ ನಡೆದ ರಾಷ್ಟ್ರಮಟ್ಟದ ಕ್ವಾಡ್ ಸ್ಕೇಟಿಂಗ್ ಚಾಂಪಿಯನ್‍ಶಿಪ್‍ನಲ್ಲಿ ಕೇಂದ್ರೀಯ ವಿದ್ಯಾಲಯದ 3ನೇ ತರಗತಿ ವಿದ್ಯಾರ್ಥಿ ಕೆವಿನ್ ಜೆ. ಹೊನ್ನಳ್ಳಿ ಬೆಳ್ಳಿ ಮತ್ತು ಕಂಚಿನ ಪದಕ ಪಡೆದಿದ್ದಾರೆ.
ಇವರು ಜೂ. 17 ರಿಂದ 19 ರ ವರೆಗೆ ನಡೆದ ಚಾಂಪಿಯನ್‍ಶಿಪ್‍ನ ರಿಂಕ್ -1 (200 ಮೀ) ವಿಭಾಗದ ಸ್ಪರ್ಧೆಯಲ್ಲಿ ಬೆಳ್ಳಿಪದಕ ಹಾಗೂ ರಿಂಕ್- 3 (800ಮೀ) ವಿಭಾಗದ ಸ್ಪರ್ಧೆಯಲ್ಲಿ ಕಂಚಿನ ಪದಕ ಗಳಿಸಿದ್ದಾರೆ. ಮಂಜುಳ ಮತ್ತು ಜೋಸೆಫ್ ಆರ್. ಹೊನ್ನಳ್ಳಿಯವರ ಮಗನಾಗಿದ್ದು, ಬಾಲಕನ ಸಾಧನೆಗೆ ಶಾಲೆಯ ಪ್ರಾಂಶುಪಾಲರು, ಅಧ್ಯಾಪಕ ವರ್ಗ ಹಾಗೂ ಸಿಬ್ಬಂದಿ ಅಭಿನಂದನೆ ಸಲ್ಲಿಸಿದ್ದಾರೆ.
ಇದನ್ನೂ ಓದಿ :ರಣಜಿ ಫೈನಲ್ 2ನೇ ದಿನದಾಟ: ಮುಂಬೈಗೆ ಸರ್ಫರಾಜ್ ಶತಕದ ಬಲ, ಮಧ್ಯಪ್ರದೇಶ 1 ವಿಕೆಟ್ಗೆ 123
