ಮೈಸೂರು: ಮದ್ಯ ಸೇವಿಸಿದ ಬಳಿಕ ಗ್ರಾಹಕನಿಗೆ ಬಿಲ್ ಹಣ ಕೇಳಿದ ಸಪ್ಲೈಯರ್ನ್ನು ಟ್ಯಾಕ್ಸಿ ಚಾಲಕ ಚಾಕುವಿನಿಂದ ಇರಿದು ಕೊಲೆ ಮಾಡಿರುವ ಪ್ರಕರಣ ನಗರದ ಮಾನಂದವಾಡಿ ರಸ್ತೆಯಲ್ಲಿರುವ ಬಾರ್ವೊಂದರಲ್ಲಿ ಬುಧವಾರ ರಾತ್ರಿ ನಡೆದಿದೆ. ನಂದಕುಮಾರ್ (25) ಎಂಬಾತ ಮೃತ ಸಪ್ಲೈಯರ್.
ಸುಧಾಕರ್ ಎಂಬಾತ ಕೊಲೆಗೈದ ಆರೋಪಿ ಟ್ಯಾಕ್ಸಿ ಡ್ರೈವರ್ ಆಗಿದ್ದಾನೆ. ಬಾರ್ಗೆ ಬಂದ ಆರೋಪಿಯು ಕಂಠಪೂರ್ತಿ ಕುಡಿದಿದ್ದು, ಬಳಿಕ ಸಪ್ಲೇಯರ್ ಬಿಲ್ ಕೊಟ್ಟಾಗ ಹಣ ಕೊಡುವುದಿಲ್ಲ ಎಂದು ತಗಾದೆ ತೆಗೆದಿದ್ದಾನೆ. ಆಗ ಟ್ಯಾಕ್ಸಿ ಡ್ರೈವರ್ನನ್ನು ಅಲ್ಲಿದ್ದ ಬಾರ್ನ ಸಿಬ್ಬಂದಿ ಸಮಾಧಾನಪಡಿಸಿ ಹೊರಗೆ ಕಳುಹಿಸಿದ್ದರು. ಆದರೆ ಕೆಲ ಸಮಯದ ನಂತರ ಚಾಕು ತೆಗೆದುಕೊಂಡು ಬಾರ್ಗೆ ಬಂದ ಸುಧಾಕರ್ ಏಕಾಏಕಿ ಸಪ್ಲೈಯರ್ ನಂದಕುಮಾರ್ಗೆ ಇರಿದು ಪರಾರಿಯಾಗಿದ್ದಾನೆ.
ತಕ್ಷಣ ಬಾರ್ ಸಪ್ಲೈಯರ್ಅನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗುವಾಗಲೇ ಮಾರ್ಗ ಮಧ್ಯ ಸಾವನ್ನಪ್ಪಿದ್ದಾನೆ. ಸ್ಥಳಕ್ಕೆ ವಿದ್ಯಾರಣ್ಯಪುರ ಪೊಲೀಸರು ತೆರಳಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪರಾರಿಯಾಗಿರುವ ಟ್ಯಾಕ್ಸಿ ಡ್ರೈವರ್ ಪತ್ತೆಗಾಗಿ ಖಾಕಿ ಬಲೆ ಬೀಸಿದೆ.
ಇದನ್ನೂ ಓದಿ: ವಿಜಯಪುರದಲ್ಲಿ ಮಗು ಕಳ್ಳತನಕ್ಕೆ ಯತ್ನಿಸಿದ ಕಿರಾತಕ.. ಕಳ್ಳನನ್ನು ಬೆನ್ನಟ್ಟಿ ಪುತ್ರನನ್ನು ರಕ್ಷಿಸಿದ ತಾಯಿ
