ದಾವಣಗೆರೆ: ನವರಾತ್ರಿ ಹಬ್ಬದಲ್ಲಿ ಪ್ರಮುಖವಾಗಿ ನವದುರ್ಗೆಯರನ್ನು ವಿಶೇಷವಾಗಿ ಅಲಂಕರಿಸಿ, ಪೂಜಿಸಲಾಗುತ್ತದೆ. ಆದರೆ ಇಲ್ಲಿ ಮೇಕಪ್ ಆರ್ಟಿಸ್ಟ್ವೊಬ್ಬರು ದುರ್ಗಾ ದೇವಿಯ ರೀತಿ ವೇಷ ಹಾಕಿ, ಅವರೇ ಮೇಕಪ್ ಮಾಡಿಕೊಂಡಿದ್ದಾರೆ. ದಾವಣಗೆರೆ ವಿನೋಭನಗರದ ಮೇಕಪ್ ಆರ್ಟಿಸ್ಟ್ ರೂಪಾ ಸುರೇಶ್ ರಿಯಲ್ ದುರ್ಗಾದೇವಿಯ ರೀತಿ ಕಾಣಿಸುತ್ತಿದ್ದಾರೆ.
ಇದಲ್ಲದೇ ರೂಪಾ ಅವರು ಈ ಹಿಂದೆ ಬಾಲಕಿಗೆ ಲಕ್ಷ್ಮಿ ಅವತಾರದ ವೇಷ ಹಾಕುವ ಮೂಲಕ ಸುದ್ದಿಯಾಗಿದ್ದರು. ಇದೀಗ ನವರಾತ್ರಿ ನಿಮಿತ್ತ ದುರ್ಗಾ ದೇವಿಯ ವೇಷ ಹಾಕಿ, ಅದಕ್ಕೆ ಅವರೇ ವಿಶೇಷವಾದ ಟಚ್ ನೀಡಿದ್ದಾರೆ. ಇದಲ್ಲದೇ ರೂಪಾ ಅವರು ಕಾಳಿ ಅವತಾರ, ದುರ್ಗಿ, ಸರಸ್ವತಿ ರೀತಿ ಅಲಂಕಾರ ಮಾಡಿ ಸೈ ಎನಿಸಿಕೊಂಡಿದ್ದಾರೆ.
ಶಾಲಾ - ಕಾಲೇಜು ಮಕ್ಕಳಿಗೆ, ಅದರಲ್ಲೂ ವಿಶೇಷವಾಗಿ ರಾಷ್ಟ್ರೀಯ ಹಬ್ಬಗಳು ಸೇರಿದಂತೆ ವಿವಿಧ ಮಹನೀಯರ ದಿನಾಚರಣೆ ವೇಳೆಯಲ್ಲಿ, ಅವರಿಗೆ ವಿವಿಧ ಅವತಾರದಲ್ಲಿ ಮೇಕಪ್ ಮಾಡಿ ರೆಡಿ ಮಾಡುತ್ತಾರೆ. ಕಳೆದ ವರ್ಷ ದಸರಾ ಹಬ್ಬದಲ್ಲಿ ಇವರು ಕಾಳಿ ಅವತಾರದ ಮೇಕಪ್ ಮಾಡಿಕೊಂಡಿದ್ದರು.
ಇದನ್ನೂ ಓದಿ: ನವರಾತ್ರಿ ಹಬ್ಬದ ನಿಮಿತ್ತ ಮಂಗಳಮುಖಿಯರಿಗೆ ಬಾಗಿನ
