ಚಿಕ್ಕಬಳ್ಳಾಪುರ: ಆಗಸ್ಟ್​ 2ರಂದು ಕೆಲಸ ಮುಗಿಸಿ ರಾತ್ರಿ ಮನೆಗೆ ಹಿಂತಿರುಗಿದ್ದ ವ್ಯಕ್ತಿಯನ್ನು ಅಡ್ಡಗಟ್ಟಿ ಬ್ಯಾಟ್​ ಮತ್ತು ವಿಕೆಟ್​ನಿಂದ ಹೊಡೆದು ಹತ್ಯೆ ಮಾಡಿರುವ ಘಟನೆ ಬಾಗೇಪಲ್ಲಿ ತಾಲೂಕಿನ ಆಧಗಾನಹಳ್ಳಿ ಕ್ರಾಸ್​ ಬಳಿ ನಡೆದಿದ್ದು, ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.

ಶ್ರೀನಿವಾಸ್ ಎಂಬುವರು ಹತ್ಯೆಯಾದ ವ್ಯಕ್ತಿ. ನವೀನ್ (23), ವೆಂಕಟರಾಮು(19) ಪ್ರಕರಣದ ಆರೋಪಿಗಳು. ಶ್ರೀನಿವಾಸ್ ಪತ್ನಿ ನವೀನ್ ಎಂಬುವವನ ಜೊತೆ ಸಲುಗೆಯಿಂದ ಇರುವ ಕಾರಣ ಅನುಮಾನಗೊಂಡ ಶ್ರೀನಿವಾಸ್​ ನವೀನ್​ ಜೊತೆ ಜಗಳವಾಡಿರುತ್ತಾರೆ.

ಇದರಿಂದ ಕೆರಳಿದ ನವೀನ್​ ತನ್ನ ಸ್ನೇಹಿತ ವೆಂಕಟರಾಮು ಜೊತೆ ಸೇರಿ ಬಾಗೇಪಲ್ಲಿಯ ಟೋಲ್ ಪ್ಲಾಜಾ ಬಳಿ ರಾತ್ರಿ ಕೆಲಸ ಹೋಗುತ್ತಿದ್ದ ವೇಳೆ ಶ್ರೀನಿವಾಸ್​ನನ್ನು ಅಡ್ಡಗಟ್ಟಿ ವಿಕೆಟ್ ಮತ್ತು ಬ್ಯಾಟ್​ನಲ್ಲಿ ಹೊಡೆದು ಕೊಲೆ ಮಾಡಿದ್ದಾರೆ.

ಘಟನೆ ಕುರಿತು ಬಾಗೇಪಲ್ಲಿ ಪೊಲೀಸ್​ ಠಾಣೆಯಲ್ಲಿ ಶ್ರೀನಿವಾಸ್​ ತಾಯಿ ದೂರು ನೀಡಿದ್ದು, ಪ್ರಕರಣ ದಾಖಲಾದ 24 ಗಂಟೆಯಲ್ಲಿ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಇದನ್ನೂ ಓದಿ: ಅಕ್ರಮ ಸಂಬಂಧದ ಶಂಕೆ: ಪತ್ನಿ - ಮಗಳ ಶಿರಚ್ಛೇದ ಮಾಡಿದ ಪಾಪಿ