ಫಿಫಾ ವಿಶ್ವಕಪ್​: ಮತ್ತೊಂದು ಅಚ್ಚರಿಯ ಫಲಿತಾಂಶ, ಮೊರಾಕ್ಕೊ ಕ್ರೊವೇಷಿಯಾ ಪಂದ್ಯ ಡ್ರಾ

author img

By

Published : Nov 23, 2022, 8:41 PM IST

morocco-holds-croatia

ಫಿಫಾ ವಿಶ್ವಕಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫಲಿತಾಂಶ ಬಂದಿದೆ. ಗೆಲ್ಲುವ ನೆಚ್ಚಿನ ತಂಡವಾಗಿದ್ದ ಕ್ರೊವೇಷಿಯಾ, ಮೊರಾಕ್ಕೊ ವಿರುದ್ಧ ಗೋಲು ಗಳಿಸಲಾಗದೇ ಪಂದ್ಯವನ್ನು ಡ್ರಾ ಮಾಡಿಕೊಂಡಿತು. ಬಲಿಷ್ಠ ತಂಡದ ವಿರುದ್ಧ ಮೊರಾಕ್ಕೊ ಸಮಬಲ ಸಾಧಿಸಿ ಸಂಭ್ರಮಿಸಿತು.

ಅಲ್​ಖೋರ್(ಕತಾರ್): ಅರಬ್​ ರಾಷ್ಟ್ರ ಕತಾರ್​ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್​ ಅಚ್ಚರಿ ಫಲಿತಾಂಶಗಳಿಗೆ ಸಾಕ್ಷಿಯಾಗುತ್ತಿದೆ. ನಿನ್ನೆಯಷ್ಟೇ ವಿಶ್ವಶ್ರೇಷ್ಠ ತಂಡವಾದ ಅರ್ಜೆಂಟೀನಾಗೆ, ಬಾಲಂಗೋಚಿ ಸೌದಿ ಅರೇಬಿಯಾ ಶಾಕ್​ ನೀಡಿದ ಬಳಿಕ ಇಂದು ನಡೆದ 2018 ರ ಫೈನಲಿಸ್ಟ್​ ತಂಡವಾದ ಕ್ರೊವೇಷಿಯಾ ವಿರುದ್ಧ ಮೊರಾಕ್ಕೊ 0-0 ಯಲ್ಲಿ ಡ್ರಾ ಸಾಧಿಸಿ ಬೀಗಿದೆ.

ಪಂದ್ಯದಲ್ಲಿ ಕ್ರೊವೇಷಿಯಾ ತಂಡ ಹಲವು ಬಾರಿ ಗೋಲು ಗಳಿಸಲು ಸತತ ಪ್ರಯತ್ನ ನಡೆಸಿತು. ಆದರೆ, ಮೊರಾಕ್ಕೊದ ಗೋಲ್​ಕೀಪರ್​ ಇದಕ್ಕೆ ಅವಕಾಶವೇ ನೀಡಲಿಲ್ಲ. ಕ್ರೊವೇಷಿಯಾ ತಂಡದ ನಾಯಕ ಲೂಕಾ ಮಾಡ್ರಿಕ್‌ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದರು.

ಅಂತಿಮ ವಿಶ್ವಕಪ್​ ಆಡುತ್ತಿರುವ ಲೂಕಾ ಮಾಡ್ರಿಕ್‌ 2ನೇ ಅವಧಿಯ ಆರಂಭದಲ್ಲಿಯೇ ಗೋಲು ಗಳಿಸುವ ಯತ್ನ ಅದ್ಭುತವಾಗಿತ್ತು. ಇದರಿಂದಾಗಿ ಲೂಕಾ ಪಂದ್ಯದ ಶ್ರೇಷ್ಠ ಆಟಗಾರ ಪ್ರಶಸ್ತಿಯನ್ನು ಪಡೆದರು. ಗ್ರೂಪ್​ ಎಫ್​ನಲ್ಲಿರುವ ಮೊರಾಕ್ಕೊ ಮುಂದಿನ ಪಂದ್ಯದಲ್ಲಿ 2ನೇ ಶ್ರೇಯಾಂಕದ ಬೆಲ್ಜಿಯಂ ತಂಡವನ್ನು ಎದುರಿಸಿದರೆ, ಕ್ರೊಯೇಷಿಯಾ, ಕೆನಡಾ ವಿರುದ್ಧ ಕಣಕ್ಕಿಳಿಯಲಿದೆ.

ಓದಿ: FIFA World Cup 2022: ಅಚ್ಚರಿಯ ಫಲಿತಾಂಶದ ಪಟ್ಟಿಗೆ ಸೇರಿಕೊಂಡ ಅರ್ಜೆಂಟೀನಾ! ಫೀಫಾ ವಿಶ್ವಕಪ್​ನ​ ಆಘಾತಕಾರಿ ಘಟನೆಗಳಿವು

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.