ಈ ಬಾರಿ ಕೆಕೆಆರ್​​ ಐಪಿಎಲ್ ಗೆಲ್ಲುವ ಅರ್ಹ ತಂಡವಾಗಿತ್ತು: ಮಹೇಂದ್ರ ಸಿಂಗ್​ ಧೋನಿ

author img

By

Published : Oct 16, 2021, 1:42 AM IST

Updated : Oct 16, 2021, 3:24 AM IST

If any team deserved to win the IPL this year, I feel it was KKR

ನಾವು ದಕ್ಷಿಣ ಆಫ್ರಿಕಾದಲ್ಲಿ ಆಡಿದಾಗಲೂ ಉತ್ತಮ ಬೆಂಬಲ ಸಿಕ್ಕಿದೆ, ಚೆನ್ನೈನ ಚಿಪಾಕ್​ ಕ್ರೀಡಾಂಗಣದಲ್ಲಿ ಇದ್ದಂತೆಯೇ ಅನಿಸುತ್ತಿದೆ. ಎಲ್ಲರಿಗೂ ಧನ್ಯವಾದಗಳು, ಮುಂದಿನ ವರ್ಷ ಮರಳಿ ಚೆನ್ನೈನಲ್ಲಿ ಅಭಿಮಾನಿಗಳ ಎದುರು ಆಡುವ ಅವಕಾಶ ಸಿಗುವಂತಾಗಲಿ ಎಂದು ಧೋನಿ ಆಶಯ ವ್ಯಕ್ತಪಡಿಸಿದರು.

ದುಬೈ: '14ನೇ ಆವೃತ್ತಿಯ ಐಪಿಎಲ್ ಗೆಲ್ಲಲು ಯಾವುದೇ ತಂಡ ಅರ್ಹವಾಗಿದ್ದರೆ, ಅದು ಕೆಕೆಆರ್ ಎಂದು ನನಗೆ ಅನಿಸುತ್ತದೆ. ಟೂರ್ನಿಯ ನಡುವೆ ಲಭಿಸಿದ ವಿರಾಮವು ಕೋಲ್ಕತ್ತಾ ಯಶಸ್ಸಿಗೆ ನೆರವಾಗಿದೆ ಎಂದು ನಾನು ಭಾವಿಸುತ್ತೇನೆ' ಎಂದು ಚಾಂಪಿಯನ್​ ಚೆನ್ನೈ ಸೂಪರ್​ ಕಿಂಗ್ಸ್​ ನಾಯಕ ಮಹೇಂದ್ರ ಸಿಂಗ್​ ಧೋನಿ ಹೇಳಿದರು.

14ನೇ ಆವೃತ್ತಿಯ ಐಪಿಎಲ್​ ಫೈನಲ್​ ಪಂದ್ಯದಲ್ಲಿ ಕೆಕೆಆರ್​ ವಿರುದ್ಧ 27 ರನ್​ಗಳಿಂದ ಗೆದ್ದ ಸಿಎಸ್​ಕೆ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ. ಪಂದ್ಯದ ಬಳಿಕ ಮಾತನಾಡಿದ ಧೋನಿ, ಕೆಕೆಆರ್​ ಕಮ್​ಬ್ಯಾಕ್​ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಸಿಎಸ್‌ಕೆ ಗೆಲುವಿನ ಬಗ್ಗೆ ಮಾತನಾಡುವ ಮೊದಲು, ನಾನು ಕೆಕೆಆರ್ ಬಗ್ಗೆ ಮಾತನಾಡುವುದು ಮುಖ್ಯ. ಐಪಿಎಲ್​ ಮೊದಲ ಹಂತದ ಬಳಿಕ ಕೋಲ್ಕತ್ತಾ ತಂಡವಿದ್ದ ಸ್ಥಾನ ನೋಡಿದರೆ ಕಮ್​ಬ್ಯಾಕ್​ ಮಾಡಿರುವುದನ್ನು ಸಾಧಿಸುವುದು ತುಂಬಾ ಕಷ್ಟ. ಹೀಗಾಗಿ ಈ ಬಾರಿ ಕೆಕೆಆರ್​​ ಐಪಿಎಲ್ ಗೆಲ್ಲುವ ಅರ್ಹ ತಂಡವಾಗಿತ್ತು ಎಂದರು.

ಪ್ರತಿ ಫೈನಲ್ ಕೂಡ ಸ್ಪೆಷಲ್​ :

ಸಿಎಸ್​ಕೆ ತಂಡದಲ್ಲಿ ನಾವು ಕೆಲವರನ್ನು ಬದಲಾಯಿಸಿದ್ದಲ್ಲದೆ, ಆಟಗಾರರನ್ನು ವಿಭಿನ್ನವಾಗಿ ಬಳಸಿದ್ದೇವೆ. ಈ ಜವಾಬ್ದಾರಿ ತೆಗೆದುಕೊಳ್ಳುವುದು ಮುಖ್ಯವಾಗಿತ್ತು. ಪ್ರತಿ ಪಂದ್ಯದಿಂದ ಮತ್ತೊಂದು ಪಂದ್ಯಕ್ಕೆ ನಾವು ಮ್ಯಾಚ್​ ವಿನ್ನರ್​ಗಳನ್ನು ಪಡೆದೆವು ಎಂದನಿಸುತ್ತದೆ. ಉತ್ತಮ ಫಾರ್ಮ್​ನಲ್ಲಿದ್ದವರು ಟೂರ್ನಿಯುದ್ದಕ್ಕೂ ರನ್​ ಪೇರಿಸಿದ್ದಾರೆ. ಪ್ರತಿ ಫೈನಲ್ ಕೂಡ ವಿಶೇಷತೆಯಿಂದ ಕೂಡಿರುತ್ತದೆ. ಅಂಕಿ-ಅಂಶಗಳ ಪ್ರಕಾರ ನಮ್ಮದು ಅತ್ಯಂತ ಸ್ಥಿರವಾದ ತಂಡ, ಆದರೆ ನಾವೂ ಕೂಡ ಫೈನಲ್‌ಗಳಲ್ಲಿ ಸೋಲು ಕಂಡಿದ್ದೇವೆ ಎಂದು ಹೇಳಿದರು.

'ಚಿಪಾಕ್'ನಲ್ಲಿದ್ದಂತೆ ಅನಿಸುತ್ತಿದೆ:

ಮುಂಬರುವ ವರ್ಷಗಳಲ್ಲಿ ಸಿಎಸ್​ಕೆ ಇನ್ನಷ್ಟು ಸುಧಾರಣೆ ಹೊಂದಲಿದೆ. ನಮ್ಮ ಅಭ್ಯಾಸದ ಅವಧಿಗಳು ಆಟಗಾರರೊಂದಿಗಿನ ಮಾತುಕತೆ, ಸಭೆಯಂತೆಯೇ ಇರುತ್ತವೆ ಎಂದ ಎಂಎಸ್​ಡಿ, ಅಭಿಮಾನಿಗಳಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ನಾವು ಈಗ ದುಬೈನಲ್ಲಿದ್ದೇವೆ, ಆದರೆ ನಾವು ದಕ್ಷಿಣ ಆಫ್ರಿಕಾದಲ್ಲಿ ಆಡಿದಾಗಲೂ ಉತ್ತಮ ಬೆಂಬಲ ಸಿಕ್ಕಿದೆ, ಚೆನ್ನೈನ ಚಿಪಾಕ್​ ಕ್ರೀಡಾಂಗಣದಲ್ಲಿ ಇದ್ದಂತೆಯೇ ಅನಿಸುತ್ತಿದೆ. ಎಲ್ಲರಿಗೂ ಧನ್ಯವಾದಗಳು, ಮುಂದಿನ ವರ್ಷ ಮರಳಿ ಚೆನ್ನೈನಲ್ಲಿ ಅಭಿಮಾನಿಗಳ ಎದುರು ಆಡುವ ಅವಕಾಶ ಸಿಗುವಂತಾಗಲಿ ಎಂದು ಧೋನಿ ಆಶಯ ವ್ಯಕ್ತಪಡಿಸಿದರು.

ಇದನ್ನೂ ಓದಿ: IPL 2021: ಫೈನಲ್​ನಲ್ಲಿ ಮುಗ್ಗರಿಸಿದ KKR... 4ನೇ ಬಾರಿಗೆ ಚಾಂಪಿಯನ್​ ಪಟ್ಟಕ್ಕೇರಿದ ಧೋನಿ ಪಡೆ

Last Updated :Oct 16, 2021, 3:24 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.