ಎಲ್ಲಾ ಮಾದರಿಗೂ ಸಲ್ಲುವ ಕೆ.ಎಲ್.ರಾಹುಲ್​ರನ್ನು ಹೊಂದಿರುವುದು ಭಾರತದ ಅದೃಷ್ಟ: ಸಬಾ ಕರೀಮ್

author img

By

Published : Oct 14, 2021, 10:09 AM IST

KL Rahul

ಭಾರತ ತಂಡ ಮೂರು ಮಾದರಿಯ ಕ್ರಿಕೆಟ್‌ನಲ್ಲೂ ಆಡಬಲ್ಲ ರಾಹುಲ್​ ಅವರಂತಹ ಬ್ಯಾಟರ್ ಪಡೆದಿರುವುದಕ್ಕೆ ಅದೃಷ್ಟ ಮಾಡಿದೆ. ಅವರು ಟೆಸ್ಟ್​ನ್​ಲ್ಲಿ ರನ್​ಗಳಿಸಿದ್ದಾರೆ, ಏಕದಿನ ಮತ್ತು ಟಿ20 ಕ್ರಿಕೆಟ್​ನಲ್ಲೂ ಉತ್ತಮ ರನ್​ಗಳಿಸುವ ಮೂಲಕ ತಾವು ಎಂತಹ ಸ್ಫೋಟಕ ಬ್ಯಾಟರ್ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ ಎಂದು ಕರೀಮ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಮುಂಬೈ: ​ ಕೆ.ಎಲ್. ರಾಹುಲ್ ಅವರಂತಹ​ ಎಲ್ಲ ಮಾದರಿಯ ಕ್ರಿಕೆಟ್​ನಲ್ಲೂ ಆಡುವ ಅತ್ಯುತ್ತಮ ಬ್ಯಾಟರ್​ ಪಡೆದಿರುವುದು ಭಾರತ ತಂಡದ ಅದೃಷ್ಟ ಎಂದು ಟೀಮ್ ಇಂಡಿಯಾ ಮಾಜಿ ಕ್ರಿಕೆಟಿಗ ಸಬಾ ಕರೀಮ್ ಕನ್ನಡಿಗನ ಬಗ್ಗೆ​ ಪ್ರಶಂಸೆ ವ್ಯಕ್ತಪಡಿಸಿದರು.

ಕೆ.ಎಲ್.ರಾಹುಲ್​ ಆಡಿರುವ 13 ಐಪಿಎಲ್‌ ಪಂದ್ಯಗಳಲ್ಲಿ 6 ಅರ್ಧಶತಕದ ಸಹಿತ 626 ರನ್​ಗಳಿಸಿ ಆರೆಂಜ್​ ಕ್ಯಾಪ್​ ಪಡೆದಿದ್ದಾರೆ. ಕೊನೆಯ ಲೀಗ್​ ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಅವರು ಕೇವಲ 42 ಎಸೆತಗಳಲ್ಲಿ 7 ಬೌಂಡರಿ ಮತ್ತು 8 ಸಿಕ್ಸರ್​ಗಳ ನೆರವಿನಿಂದ ಅಜೇಯ 98 ರನ್​ಗಳಿಸಿ ಪಂಜಾಬ್ 135 ರನ್​ಗಳ ಗುರಿಯನ್ನು ಕೇವಲ 13 ಓವರ್​ಗಳಲ್ಲಿ ತಲುಪಿ 6 ವಿಕೆಟ್​ಗಳ ಜಯ ಸಾಧಿಸಲು ನೆರವಾಗಿದ್ದರು.

ಸ್ಫೋರ್ಟ್ಸ್​ಕೀಡಾದಲ್ಲಿ ಮಾತನಾಡಿದ ಕರೀಮ್, ಭಾರತ ತಂಡ ಮೂರು ಮಾದರಿಯಲ್ಲಿ ಆಡಬಲ್ಲ ರಾಹುಲ್​ ಅಂತಹ ಬ್ಯಾಟರ್ ಪಡೆದಿರುವುದಕ್ಕೆ ಅದೃಷ್ಟ ಮಾಡಿದೆ. ಅವರು ಟೆಸ್ಟ್​ನ​ಲ್ಲಿ ರನ್​ಗಳಿಸಿದ್ದಾರೆ, ಏಕದಿನ ಮತ್ತು ಟಿ20 ಕ್ರಿಕೆಟ್​ನಲ್ಲೂ ಉತ್ತಮ ರನ್​ಗಳಿಸುವ ಮೂಲಕ ತಾವು ಎಂತಹ ಸ್ಫೋಟಕ ಬ್ಯಾಟರ್ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.

ಇದು ಕೆ.ಎಲ್.ರಾಹುಲ್​ ಎಂಬ ಆಟಗಾರನೊಳಗೆ ಅದೆಂಥಾ ಕಲೆ ಅಡಗಿದೆ, ಅವರು ಎಂತಹ ಶಾಟ್​ಗಳನ್ನು ಪ್ರಯೋಗ ಮಾಡಬಲ್ಲರು ಎಂಬುದನ್ನು ತೋರಿಸುತ್ತದೆ​. ಇಂತಹ ಬ್ಯಾಟರ್​ಗಳು ಯಾವುದೇ ತಂಡದಲ್ಲಿದ್ದರೆ ಕಷ್ಟವಲ್ಲಿದೆ? ಅವರು ಪೇಸ್​ಗೆ ತಕ್ಕಂತೆ ಸುಲಭವಾಗಿ ರನ್​ಗಳಿಸಬಲ್ಲರು ಎಂದು ಕರೀಮ್​ ಹೇಳಿದ್ದಾರೆ.

ಇದೇ ಸಂದರ್ಭದಲ್ಲಿ ಮುಂಬೈ ಇಂಡಿಯನ್ಸ್ ಪರ ಕೊನೆಯ ಪಂದ್ಯದಲ್ಲಿ ಕೇವಲ 32 ಪಂದ್ಯಗಳಲ್ಲಿ 84 ರನ್​ಗಳಿಸಿದ ಇಶಾನ್​ ಕಿಶನ್​ ಬಗೆಗೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮುಂಬೈ ಪರ ಆರಂಭಿಕನಾಗಿ ಕಣಕ್ಕಿಳಿದ ಆತ ಸತತ 2 ಅರ್ಧಶತಕ ಬಾರಿಸಿ ವಿಶ್ವಕಪ್​ಗೂ ಮುನ್ನ ಫಾರ್ಮ್​ಗೆ ಮರಳಿದ್ದಾರೆ. ಅವರು ಭಯವಿಲ್ಲದೆ ಬ್ಯಾಟಿಂಗ್ ಮಾಡುವುದು ಭಾರತ ತಂಡಕ್ಕೆ ಅನುಕೂಲವಾಗಲಿದೆ ಎಂದು ಅವರು​ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ಕನ್ನಡಿಗನ ಹಿಂದೆ ಫ್ರಾಂಚೈಸಿಗಳ ದಂಡು..: ಅನ್‌ಲಕ್ಕಿ ಪಂಜಾಬ್​ ಬಿಟ್ಟು ಬರಲಿದ್ದಾರಾ ರಾಹುಲ್?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.