CPL 2022: ಒಂದೇ ಓವರ್​​ನಲ್ಲಿ 5 ಸಿಕ್ಸರ್​​ ಸಿಡಿಸಿದ ಸ್ಮಿತ್: 3 ಓವರ್​​​​ಗಳಲ್ಲಿ 74 ರನ್​​​​ಗಳಿಸಿದ ತಂಡ!

author img

By

Published : Sep 22, 2022, 2:09 PM IST

Odean Smith smashes five sixes

ಕೆರಿಬಿಯನ್​ ಪ್ರೀಮಿಯರ್ ಲೀಗ್​​ನಲ್ಲಿ ಒಡಿಯನ್​ ಸ್ಮಿತ್​ ಅಕ್ಷರಶಃ ಅಬ್ಬರಿಸಿದ್ದು, ಒಂದೇ ಓವರ್​​ನಲ್ಲಿ 5 ಸಿಕ್ಸರ್ ಸಿಡಿಸಿದ್ದಾರೆ.

ವೆಸ್ಟ್​ ಇಂಡೀಸ್​: ಕ್ರಿಕೆಟ್ ದುನಿಯಾದಲ್ಲಿ ಹೊಸ ಹೊಸ ದಾಖಲೆ ಸೃಷ್ಟಿಯಾಗುವುದು, ಬ್ರೇಕ್​ ಆಗುವುದು ಸಾಮಾನ್ಯ. ಆದರೆ, ಕೆಲವೊಂದು ಸಂದರ್ಭಗಳಲ್ಲಿ ಆಟಗಾರರಿಂದ ಮೂಡಿ ಬರುವ ಅತ್ಯುತ್ತಮ ಪ್ರದರ್ಶನ ಪಂದ್ಯದ ಚಿತ್ರಣವನ್ನೇ ಬದಲಿಸಿ ಬಿಡುತ್ತವೆ. ಸದ್ಯ ಅಂತಹದ್ದೊಂದು ಪ್ರದರ್ಶನ ಕೆರಿಬಿಯನ್​​ ಪ್ರೀಮಿಯರ್ ಲೀಗ್​​ನಲ್ಲಿ ಮೂಡಿ ಬಂದಿದೆ.

ಜಮೈಕಾ ತಲ್ಲವಾಸ್ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ 8ನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು ಕಣಕ್ಕಿಳಿದ ಒಡಿಯನ್​ ಸ್ಮಿತ್​​​ ಕೇವಲ 16 ಎಸೆತಗಳಲ್ಲಿ ಭರ್ಜರಿ 42 ರನ್​​​ಗಳಿಸಿದರು. ಇದರ ಜೊತೆಗೆ ಒಂದೇ ಓವರ್​​ನಲ್ಲಿ ದಾಖಲೆಯ 5 ಸಿಕ್ಸರ್​ ಸಿಡಿಸಿದ್ದಾರೆ. ​ಡೆತ್​​ ಓವರ್​​​ಗಳಲ್ಲಿ ಬ್ಯಾಟ್​ ಬೀಸಿದ ಒಡಿಯನ್​ ಸ್ಮಿತ್​ ಎದುರಾಳಿ ಬೌಲರ್​​​ಗಳ ವಿರುದ್ಧ ಅಕ್ಷರಶಃ ಅಬ್ಬರಿಸಿದರು. ಈ ಮೂಲಕ ಜಮೈಕಾ ವಿರುದ್ಧ 12 ರನ್​​​​ಗಳ ರೋಚಕ ಗೆಲುವು ದಾಖಲು ಮಾಡಿದೆ.

ಇದನ್ನೂ ಓದಿ: 18 ಬೌಂಡರಿ, 4 ಸಿಕ್ಸರ್‌, 143 ರನ್! 11 ಎಸೆತಗಳಲ್ಲೇ 43 ರನ್‌: ಹರ್ಮನ್‌ ಕೌರ್‌ ಬ್ಯಾಟಿಂಗ್ ವೈಭವ!

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಅಮೆಜಾನ್​ ತಂಡ ಆರಂಭದ 15 ಓವರ್​​​​​ಗಳಲ್ಲಿ 6 ವಿಕೆಟ್​ನಷ್ಟಕ್ಕೆ 97ರನ್​​​ಗಳಿಕೆ ಮಾಡಿತ್ತು. ಇದಾದ ಬಳಿಕ ಮೈದಾನಕ್ಕಿಳಿದ ಒಡಿಯನ್​ ಸ್ಮಿತ್​ ಪಂದ್ಯದ ಚಿತ್ರಣ ಸಂಪೂರ್ಣವಾಗಿ ಬದಲಿಸಿದರು. 18ನೇ ಓವರ್​​ನಲ್ಲಿ ಬರೋಬ್ಬರಿ 5 ಸಿಕ್ಸರ್​ ಸಿಡಿಸಿದರು. ಹೀಗಾಗಿ, ಕೊನೆಯ ಮೂರು ಓವರ್​​​ಗಳಲ್ಲಿ ತಂಡಕ್ಕೆ 74ರನ್​ ಹರಿದು ಬಂದವು. ಹೀಗಾಗಿ ತಂಡ 20 ಓವರ್​​​​ಗಳಲ್ಲಿ 8 ವಿಕೆಟ್ ​ನಷ್ಟಕ್ಕೆ 178 ರನ್​​​​ಗಳಿಸಿತು. 179 ರನ್​ಗಳ ಗುರಿ ಬೆನ್ನತ್ತಿದ ಜಮೈಕಾ ಉತ್ತಮ ಆರಂಭದ ಹೊರತಾಗಿ ಸಹ 166ರನ್​​ ಮಾತ್ರ ಗಳಿಕೆ ಮಾಡಿತು. ಹೀಗಾಗಿ, 12ರನ್​​​ಗಳ ಸೋಲು ಕಂಡಿದೆ. ಕೊನೆ ಓವರ್​ ಮಾಡಿದ ಒಡಿಯನ್​ ಸ್ಮಿತ್​​ ಎರಡು ವಿಕೆಟ್ ಪಡೆದುಕೊಂಡು ಮಿಂಚಿದರು. ಬ್ಯಾಟಿಂಗ್​ ಹಾಗೂ ಬೌಲಿಂಗ್​​ನಲ್ಲಿ ಮಿಂಚಿದ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಲಾಯಿತು.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.