ಮುಂಬೈ (ಮಹಾರಾಷ್ಟ್ರ): ಸಾಯಿ ಇನ್ಫ್ರಾ ಎಂಟರ್‌ಟೈನ್‌ಮೆಂಟ್ ಮತ್ತು ಮೆರಾಕಿಯಾಂಜ್ ಮೀಡಿಯಾ ಹೌಸ್ನ ಸಹಯೋಗದಲ್ಲಿ ಚಿತ್ರ ತಾರೆಯರನ್ನೇ ಒಳಗೊಂಡ ಸಿನಿ ಸ್ಟಾರ್ ಕ್ರಿಕೆಟ್ ಲೀಗ್ನ ಮೊದಲ ಆವೃತ್ತಿಯನ್ನು ಅನಾವರಣಗೊಳಿಸಲಾಯಿತು. ಮಹಿಳಾ ಸಬಲೀಕರಣ, ಫಿಟ್ನೆಸ್ ಮತ್ತು ಮನರಂಜನೆ ಉದ್ದೇಶ ಇಟ್ಟುಕೊಂಡು ಈ ಲೀಗ್ ಅನ್ನು ಹುಟ್ಟುಹಾಕಲಾಗಿದೆ.
ಈ ಸಿನಿ ಸ್ಟಾರ್ ಕ್ರಿಕೆಟ್ ಲೀಗ್ 10-ಕಂತುಗಳ ಸರಣಿಯಾಗಿದ್ದು, ಕಿರುತೆರೆ ಮತ್ತು ಹಿರಿತೆರೆ ಉದ್ಯಮದ ದಿವಾಸ್‌ನೊಂದಿಗೆ ಪ್ರಾರಂಭವಾಗಲಿದೆ. ಮಹಿಳಾ ಸಬಲೀಕರಣದ ಸುತ್ತ ಕೇಂದ್ರೀಕೃತವಾಗಿರುವ ಮೊದಲ ಆವೃತ್ತಿಯು ಎಲ್ಲ ಮಹಿಳಾ ತಂಡಗಳನ್ನು ಹೊಂದಿರುವುದು ವಿಶೇಷ.
ಲೀಗ್ಗಾಗಿ 6 ತಂಡಗಳನ್ನು ರಚಿಸಲಾಗಿದ್ದು, ಆ ಆರು ತಂಡಗಳಿಗೂ ನಾಯಕರನ್ನು ನೇಮಿಸಲಾಯಿತು. ಸನಾ ಸುಲ್ತಾನ್ ಖಾನ್, ಪ್ರಾಚಿ ತೆಹ್ಲಾನ್, ಸಯಂತನಿ ಗೋಶ್, ಬೆನಾಫ್ಶಾ ಸೂನಾವಾಲ್ಲಾ, ಜಸ್ವಿರ್ ಕೌರ್ ಮತ್ತು ಶಿವಾನಿ ಸುರ್ವೆಯಂತಹ ಹೆಸರಾಂತ ಸೆಲೆಬ್ರಿಟಿಗಳನ್ನು ಈ ತಂಡಗಳ ನಾಯಕರನ್ನಾಗಿ ಇದೇ ವೇಳೆ ಘೋಷಿಸಲಾಯಿತು.
ಇತರೆ ಸೆಲೆಬ್ರಿಟಿಗಳಾದ ಅಫ್ಸರ್ ಖಾನ್, ಅಮನ್‌ಪ್ರೀತ್ ಕೌರ್, ಅಂಜು ಜಾಧವ್, ಅನುಪ್ರಿಯಾ ಲಕ್ಷ್ಮಿ ಕಟೋಚ್, ಅನುಪ್ರಿಯಾ ಪರ್ಮಾರ್, ಅಸ್ಮಾ ಸೈಯದ್, ಗರಿಮಾ ಜೈನ್, ಜಿನಾಲ್ ಜೋಶಿ, ಕ್ರಿಶಾ ಸಿಂಗ್, ಕೀರ್ತಿ ಚೌಧರಿ, ಕೃತಿಕಾ ತುಲಾಸ್ಕರ್, ಮಾಧವಿ ನೇಮ್ಕರ್, ಮಹಿಮಾ ಗುಪ್ತಾ, ಮಾನ್ಸಿ ಸುರ್ವಸೆ, ಮುಸ್ಕಾನ್ ಲಾಲ್ವಾನಿ, ನಿಕ್ಕಿ ಚಾವ್ಲಾ, ನಿವೇದಿತಾ ಡೇ, ಪಾಲಕ್ ಪುರ್ಸ್ವಾನಿ, ಪ್ರಿಯಾಂಕಾ ಬೋರಾ, ಪ್ರಿಯಾಂಕಾ ತಿವಾರಿ, ರಜಪೂತ್ ಗೌರಿ, ರಶ್ಮಿ ಗುಪ್ತಾ, ಸನಯಾ ಪೀಠ್ವಾಲಾ, ಈ ಕ್ರಿಕೆಟ್ ಲೀಗ್ನ ಭಾಗವಾಗಿರುವ ಸಂಗೀತಾ ಕಪೂರ್, ಸತ್ಯಂವದಾ ಸಿಂಗ್, ಶಮಿನ್, ಸೃಷ್ಟಿ ಮಹೇಶ್ವರಿ, ಸುಶ್ಮಿತಾ ಸಿಂಗ್, ತಾನ್ಯಾ ಪುರೋಹಿತ್ ಮತ್ತು ವಂದನಾ ಲಾಲ್ವಾನಿ ಸೇರಿದಂತೆ ಹಲವರು ಈ ವೇಳೆ ಹಾಜರಿದ್ದು ಕಾರ್ಯಕ್ರವನ್ನು ಅದ್ಧೂರಿಗೊಳಿಸಿದರು.
ಇವರು ಮಾತ್ರವಲ್ಲದೇ, ಗದರ್: ದಿ ಹೀರೋ: ಎ ಲವ್ ಸ್ಟೋರಿ, ಅಪ್ನೆ, ಅಪ್ನೆ 2 ಮತ್ತು ಇತರ ಬ್ಲಾಕ್‌ಬಸ್ಟರ್ ಚಿತ್ರಗಳಿಗೆ ಹೆಸರುವಾಸಿಯಾದ ಚಲನಚಿತ್ರ ನಿರ್ದೇಶಕ ಅನಿಲ್ ಶರ್ಮಾ ಕೂಡ ಈ ಸಮಾರಂಭದಲ್ಲಿ ಉಪಸ್ಥಿತಿ ಇದ್ದರು. ಈವೆಂಟ್ ಅನ್ನು ನಟ ಮತ್ತು ನಿರೂಪಕ ಪ್ರೀತಮ್ ಸಿಂಗ್ ಅವರು ನಡೆಸಿಕೊಟ್ಟರು. ಇದೇ ವೇಳೆ ಸಿನಿ ಸ್ಟಾರ್ ಕ್ರಿಕೆಟ್ ಲೀಗ್ ಬಗ್ಗೆ ವಿವರವಾಗಿ ವಿವರಿಸಿದರು.
ತಂಡ ಹಾಗೂ ನಾಯಕರ ಹೆಸರು:
- ಮುಂಬೈ ಮಸ್ತಾನಿ ತಂಡಕ್ಕೆ ಬೆನಾಫ್ಶಾ ಸೂನಾವಾಲಾ ನಾಯಕಿ
- ರಾಯ್ಪೂರ್ ರಾನಿಸ್ ತಂಡಕ್ಕೆ ಸಯಂತನಿ ಘೋಷ್ ನಾಯಕಿ
- ಬೆಂಗಳೂರು ಬ್ಯಾಂಡಿಟ್ಸ್ ತಂಡಕ್ಕೆ ಶಿವಾನಿ ಸುರ್ವೆ ನಾಯಕಿ
- ಪಟಿಯಾಲ ಪಟಕಾಸ್ ತಂಡಕ್ಕೆ ಸನಾ ಖಾನ್ ನಾಯಕಿ
- ಡೆಲ್ಲಿ ಡೈಮಂಡ್ಸ್ ತಂಡಕ್ಕೆ ಪ್ರಾಚಿ ತೆಹ್ಲಾನ್ ನಾಯಕಿ
- ಜೋಧಪುರ್ ಜೋಧಾಸ್ ತಂಡಕ್ಕೆ ಜಸ್ವಿರ್ ಕೌರ್ ನಾಯಕಿ
ಸಿನಿ ಸ್ಟಾರ್ ಕ್ರಿಕೆಟ್ ಲೀಗ್ ಒಟ್ಟು 6 ತಂಡಗಳನ್ನು ಹೊಂದಿರುತ್ತದೆ. ಪ್ರತಿಯೊಂದು ತಂಡಕ್ಕೂ 9 ಆಟಗಾರರು ಇರಲಿದ್ದಾರೆ. ಅಂದರೆ ಒಟ್ಟು 54 ಮಹಿಳೆಯರು ಈ ಲೀಗ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶೀಘ್ರದಲ್ಲೇ ಘೋಷಿಸಲಾಗುವ ಪ್ರಸಿದ್ಧ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಈ ಪಂದ್ಯಗಳನ್ನು ಪ್ರಸಾರ ಮಾಡಲಾಗುತ್ತದೆಯಂತೆ.
ತಾರೆಯರೇ ಸೇರಿಕೊಂಡು ಆಡುವ ಈ ಈವೆಂಟ್ ಅನ್ನು ನಿರ್ಮಿಸಲು ಸಂತೋಷವಾಗುತ್ತಿದೆ. ಇದು ಕ್ರೀಡೆ ಅಷ್ಟೇ ಅಲ್ಲ ಮಹಿಳಾ ಸಬಲೀಕರಣವನ್ನು ಬೆಂಬಲಿಸಲು ನಡೆಯುತ್ತಿರುವ ಲೀಗ್. ಈ 54 ಆಟಗಾರರು ತಮ್ಮ ಅತ್ಯುತ್ತಮ ಸಮಯವನ್ನು ಇಲ್ಲಿ ಕಳೆಯಲಿದ್ದಾರೆ. ಈ ಕ್ರೀಡೆಯಲ್ಲಿ ಭಾಗವಹಿಸಲು ಪ್ರೋತ್ಸಾಹಿಸುತ್ತದೆ ಎಂದು ಲೀಗ್ನ ಮುಖ್ಯಸ್ಥ ಜಿಗರ್ ಶಾ ಹೇಳಿದರು.
ಲೀಗ್ನ ನಿರ್ದೇಶಕ ಅಗಸ್ತ್ಯ ಮಂಜು ಮಾತನಾಡಿ, ಮನರಂಜನೆ, ಕ್ರೀಡೆ ಮತ್ತು ಫಿಟ್ನೆಸ್ ಅನ್ನು ಗಮನದಲ್ಲಿಟ್ಟುಕೊಂಡು ಈ ಈವೆಂಟ್ ಅನ್ನು ರೂಪಿಸಿಲಾಗಿದೆ. ಮಹಿಳಾ ಸಬಲೀಕರಣ ನಮ್ಮ ಮೊದಲ ಉದ್ಧೇಶ. ಸಿನಿ ಸ್ಟಾರ್ ಕ್ರಿಕೆಟ್ ಲೀಗ್ ಒಂದು ಈವೆಂಟ್ ಮತ್ತು ಶೋ ಆಗಿದ್ದು, ನಮಗೆಲ್ಲರಿಗೂ ಹೆಮ್ಮೆ. ದೇಶಕ್ಕಾಗಿ ಆಡುವ ವನಿತೆಯರಿಗೆ ನಾವು ಗೌರವ ಸಲ್ಲಿಸುತ್ತೇವೆ ಎಂದರು.
ತಮ್ಮ ತಮ್ಮ ತಂಡಗಳೊಂದಿಗೆ ಅಕ್ಟೋಬರ್11 ರಿಂದ ಅಭ್ಯಾಸವನ್ನು ಮಾಡಲಿವೆ. ನಂತರ ಅಕ್ಟೋಬರ್ 20ರಂದು ಈವೆಂಟ್‌ನ ಭವ್ಯವಾದ ಲಾಂಚ್ ಆಗಲಿದೆ. ನವೆಂಬರ್ 2022 ರಲ್ಲಿ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ (ಶೀಘ್ರದಲ್ಲೇ ಬಹಿರಂಗಗೊಳ್ಳಲಿದೆ) ಮೊದಲ ಸಂಚಿಕೆಯನ್ನು ಲೈವ್ ಆಗಿ ನೋಡಬಹುದು.
ಇದನ್ನೂ ಓದಿ: India and South Africa T20 Match: ತಿರುವನಂತಪುರಂಗೆ ಬಂದಿಳಿದ ಉಭಯ ತಂಡಗಳ ಆಟಗಾರರು
