ಡಬ್ಬಿಂಗ್ ವಿರೋಧದ ನಡುವೆಯೂ ಕಿರುತೆರೆ ವೀಕ್ಷಕರು ಅನೇಕ ಡಬ್ಬಿಂಗ್ ಧಾರಾವಾಹಿಗಳನ್ನು ಇಷ್ಟ ಪಟ್ಟು ನೋಡುತ್ತಿದ್ದಾರೆ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ರಾಧಾಕೃಷ್ಣ' ಬಹುತೇಕ ಕಿರುತೆರೆಪ್ರಿಯರ ಅಚ್ಚುಮೆಚ್ಚಿನ ಧಾರಾವಾಹಿಯಾಗಿದೆ.
ಜಗತ್ತಿನ ಮೊದಲ ಮಧುರ ಪ್ರೇಮ ಕಥೆಯಾಗಿರುವ 'ರಾಧಾಕೃಷ್ಣ' ಇತ್ತೀಚೆಗಷ್ಟೇ ಯಶಸ್ವಿ ನೂರು ಸಂಚಿಕೆಯನ್ನು ಪೂರೈಸಿತ್ತು. ಈ ಸಂತಸದ ಬೆನ್ನಲ್ಲೇ 'ರಾಧಾಕೃಷ್ಣ' ಧಾರಾವಾಹಿ ಇದೀಗ ಮಹಾ ತಿರುವು ಪಡೆಯಲಿದೆ. ಇದುವರೆಗೆ ರಾಧಾಕೃಷ್ಣರ ಹುಟ್ಟು ಬಾಲ್ಯ ,ಪ್ರೀತಿ ,ಕಂಸನ ದುಷ್ಟತನ ,ಕೃಷ್ಣನ ಹಲವು ಅವತಾರಗಳು ಪ್ರಸಾರವಾಗಿದ್ದವು. ಈ ಎಪಿಸೋಡ್ಗಳು ಜನರಿಗೆ ಬಹಳ ಇಷ್ಟವಾಗಿದ್ದವು. ಈ ವಾರ ಧಾರಾವಾಹಿಗೆ ರೋಚಕ ತಿರುವು ದೊರೆಯಲಿದೆ.
ರಾಧಾಕೃಷ್ಣರ ಪ್ರೀತಿ ಮದುವೆಯ ಹಂತಕ್ಕೆ ಬಂದು, ಮದುವೆ ನಡೆಯದೆ ನಿಂತು ಹೋಗುತ್ತದೆ. ಇವರಿಬ್ಬರೂ ದೂರಾಗುವುದು ಏಕೆ...?ನಂತರ ಇಬ್ಬರ ಬದುಕಿನಲ್ಲಿ ಏನಾಗಲಿದೆ..? ಎಂಬ ಕೌತುಕಕ್ಕೆ ಈ ವಾರ ತೆರೆ ಬೀಳಲಿದೆ. ಮುಂದಿನ ಎಪಿಸೋಡ್ಗಳನ್ನು ನೋಡಲು ವೀಕ್ಷಕರಂತೂ ಕಾತರದಿಂದ ಕಾಯುತ್ತಿದ್ದಾರೆ.
