ನವದೆಹಲಿ: ಅಚ್ಚರಿಯ ಬೆಳವಣಿಗೆಯೊಂದರಲ್ಲಿ ಮೆಟಾ ಒಡೆತನದ ವಾಟ್ಸ್ ಆ್ಯಪ್ ಚಲನಚಿತ್ರ ನಿರ್ಮಾಣ ಉದ್ಯಮಕ್ಕೆ ಕಾಲಿಡಲಿದೆ ಎಂಬ ಮಾಹಿತಿ ಬಂದಿದೆ. ವಾಟ್ಸ್ ಆ್ಯಪ್ ತನ್ನ ಮೊದಲ ಒರಿಜಿನಲ್ ಶಾರ್ಟ್ ಫಿಲ್ಮ್ ನೈಜಾ ಓಡಿಸ್ಸಿ (Naija Odyssey) ಅನ್ನು ಅಮೆಜಾನ್ ಪ್ರೈಮ್ ವಿಡಿಯೋ ಮತ್ತು ಯೂಟ್ಯೂಬ್ಗಳಲ್ಲಿ ಬಿಡುಗಡೆ ಮಾಡಲಿದೆ. 12 ನಿಮಿಷದ ಶಾರ್ಟ್ ಫಿಲ್ಮ್ ಎನ್ಬಿಎ ಆಟಗಾರ ಗಿಯಾನಿಸ್ ಅಂಟೆಟೊಕೊಂಪೊ ಅವರ ಕತೆಯನ್ನು ಹೇಳಲಿದೆ. ಗ್ರೀಸ್ನಲ್ಲಿ ಹುಟ್ಟಿದ ಆಟಗಾರ ಗಿಯಾನಿಸ್ ತಂದೆ-ತಾಯಿ ನೈಜೀರಿಯಾದವರು.
ದಿ ಗ್ರೀಕ್ ಫ್ರೀಕ್. ಅದು ನಾನಲ್ಲ, ಅದರಲ್ಲಿರುವುದೆಲ್ಲ ನಾನಲ್ಲ. ನೈಜಾ ಓಡಿಸ್ಸಿ, ಗಿಯಾನಿಸ್ ಅವರ ಬಹು ಸಂಸ್ಕೃತಿಗಳ ಕತೆ. ವಾಟ್ಸ್ಆ್ಯಪ್ ನಿಂದ. ಸೆಪ್ಟೆಂಬರ್ 21ರಂದು ಪ್ರೈಮ್ ವಿಡಿಯೋ ಮೇಲೆ ಸ್ಟ್ರೀಮಿಂಗ್ ಎಂದು ವಾಟ್ಸ್ಆ್ಯಪ್ ಟ್ವೀಟ್ ಮಾಡಿದೆ.
ಅಂಟೆಟೊಕೊಂಪೊ ಇತ್ತೀಚೆಗೆ ವಾಟ್ಸ್ಆ್ಯಪ್ ನೊಂದಿಗೆ ಜಾಹೀರಾತು ಒಪ್ಪಂದವೊಂದನ್ನು ಮಾಡಿಕೊಂಡಿದೆ. ಹೀಗಾಗಿ ನೈಜಾ ಓಡಿಸ್ಸಿ ಇದು ವಾಟ್ಸ್ ಆ್ಯಪ್ ಅನ್ನು ಪ್ರಚಾರ ಮಾಡುವ ತಂತ್ರವಾಗಿರಬಹುದು ಎನ್ನಲಾಗಿದೆ. ನಮ್ಮ ಬಹುಮುಖಿ ಜೀವನವನ್ನು ವಾಟ್ಸ್ಆ್ಯಪ್ ಹೇಗೆ ಸುಖಮಯಗೊಳಿಸುತ್ತದೆ ಎಂಬುದನ್ನು ನೈಜಾ ಓಡಿಸ್ಸಿ ಕತೆ ಹೇಳಲಿದೆ ಎನ್ನಲಾಗಿದೆ.
12 ನಿಮಿಷಗಳ ಚಲನಚಿತ್ರವು ಅದರ ಯೂಟ್ಯೂಬ್ ಚಾನೆಲ್ ಸೇರಿದಂತೆ ವಾಟ್ಸ್ಆ್ಯಪ್ ನ ಸಾಮಾಜಿಕ ಮಾಧ್ಯಮ ಖಾತೆಗಳಲ್ಲಿಯೂ ಬಿಡುಗಡೆಯಾಗಲಿದೆ.
ಇದನ್ನು ಓದಿ:ಹೊಸ ಫೀಚರ್ಸ್ ಪರಿಚಯಿಸುತ್ತಿರುವ ಸ್ನ್ಯಾಪ್‌ಚಾಟ್‌: ವಿಶೇಷತೆ ಏನ್ ಗೊತ್ತಾ ?
