ಬೆಂಗಳೂರು: ಸ್ಮಾರ್ಟ್ಫೋನ್ಗಳಂತೆ ಈಗ ಸ್ಮಾರ್ಟ್ವಾಚ್ಗಳಿಗೆ ಬಹುಬೇಡಿಕೆ ಇದೆ. ಒನ್ಪ್ಲಸ್ ನಾರ್ಡ್ ಮೊಬೈಲ್ಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿವೆ. ಇನ್ನು ಮುಂದೆ ಆ ಕಂಪನಿಯ ಸ್ಮಾರ್ಟ್ವಾಚ್ಗಳು ಕೂಡ ಜನರ ಕೈ ಸೇರಲಿವೆ.
ವಿಶ್ವದ ಸ್ಮಾರ್ಟ್ಫೋನ್ ಬ್ರಾಂಡ್ ಆದ ಒನ್ಪ್ಲಸ್ ನಾರ್ಡ್ ಸ್ಮಾರ್ಟ್ವಾಚ್ ಮಾರುಕಟ್ಟೆಗೂ ಪ್ರವೇಶಿಸುವುದಾಗಿ ಸೋಮವಾರ ಘೋಷಿಸಿದೆ. ಶೀಘ್ರದಲ್ಲೇ ಭಾರತದಲ್ಲಿ ತನ್ನ ಮೊದಲ ವಾಚ್ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿದೆ. ಒಂದು ಅಂದಾಜಿನ ಪ್ರಕಾರ ಅಕ್ಟೋಬರ್ ಮೊದಲ ವಾರದಲ್ಲಿ ನಾರ್ಡ್ ಸ್ಮಾರ್ಟ್ ವಾಚ್ ಭಾರತದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.
ನಾರ್ಡ್ ಸ್ಮಾರ್ಟ್ವಾಚ್ ಮಾರುಕಟ್ಟೆಯ ಮೇಲೆ ಹಿಡಿತ ಸಾಧಿಸಲು ಬಯಸುತ್ತದೆ. ಅತ್ಯುತ್ತಮವಾದ ತಂತ್ರಜ್ಞಾನವನ್ನು ವಿಶ್ವದ ಎಲ್ಲ ರೀತಿಯ ಬಳಕೆದಾರರಿಗೆ ಸಿಗುವಂತೆ ಮಾಡುವ ಗುರಿಯನ್ನು ಹೊಂದಲಾಗಿದೆ ಎಂದು ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ.
ಗ್ರಾಹಕರಿಗಾಗಿ ನಾರ್ಡ್ ಬಡ್ಸ್, ನಾರ್ಡ್ ಬಡ್ಸ್ ಸಿಇ ಮತ್ತು ನಾರ್ಡ್ ವೈಯರ್ ಇಯರ್‌ಫೋನ್‌ಗಳನ್ನು ಪರಿಚಯಿಸಿದೆ. ಇದು 6.3 ಮಿಲಿಯನ್ ಗ್ರಾಹಕರನ್ನು ಹೊಂದಿದೆ. ಇದರಲ್ಲಿ ಭಾರತದ ಗ್ರಾಹಕರೇ ಶೇ.15 ರಷ್ಟು ಇದ್ದಾರೆ. ಇದು ನಾರ್ಡ್ ಕಂಪನಿಯ ಇದುವರೆಗಿನ ಅತ್ಯಧಿಕ ಸಂಖ್ಯೆಯ ಗ್ರಾಹಕರಾಗಿದ್ದಾರೆ. ಹೀಗಾಗಿ ಈ ಎಲ್ಲ ಗ್ರಾಹಕರನ್ನು ಸ್ಮಾರ್ಟ್ ವಾಚ್ ಮಾರುಕಟ್ಟೆಗೆ ಸೆಳೆಯಲು ಕಂಪನಿ ಮುಂದಾಗಿದೆ.
ಮಾರುಕಟ್ಟೆ ಸಂಶೋಧನಾ ಸಂಸ್ಥೆಯಾದ ಕ್ಯಾನಲಿಸ್ ಪ್ರಕಾರ, ವಾಚ್ ಧರಿಸುವ ಗ್ರಾಹಕರಲ್ಲಿ ಭಾರತವು ಚೀನಾ ಮತ್ತು ಅಮೆರಿಕದ ಬಳಿಕ ಮೂರನೇ ಸ್ಥಾನದಲ್ಲಿದೆ. ಮೊದಲ ತ್ರೈಮಾಸಿಕದಲ್ಲಿ ಶೇಕಡಾ 15 ರಷ್ಟು ಗ್ರಾಹಕರು ವಾಚ್ ಖರೀದಿ ಮಾಡಿದ್ದರು. ಬಳಿಕ ಇದು ಶೇಕಡಾ 30ಕ್ಕೆ ಹೆಚ್ಚಿತು. ಸ್ಥಳೀಯ ಉತ್ಪಾದನಾ ಕಂಪನಿಗಳು ಕಡಿಮೆ ದರದಲ್ಲಿ ವಾಚ್ ಮಾರುಕಟ್ಟೆಗೆ ತಂದ ಬಳಿಕ ಇದರ ಅಂತರ ತುಸು ಕಡಿಮೆಯಾಯಿತು ಎಂದು ಸಂಸ್ಥೆ ತಿಳಿಸಿದೆ.
ಓದಿ: ಚಿತ್ರರಂಗಕ್ಕೆ ವಾಟ್ಸ್ಆ್ಯಪ್ ಎಂಟ್ರಿ: ಸೆ.21 ರಂದು ಶಾರ್ಟ್ಫಿಲ್ಮ್ ಬಿಡುಗಡೆ
