ಸ್ಯಾನ್ ಫ್ರಾನ್ಸಿಸ್ಕೋ: ಮೆಟಾ ಒಡೆತನದ ಇನ್ಸ್ಟಾಗ್ರಾಮ್ ತನ್ನ ಬಳಕೆದಾರರಿಗಾಗಿ ಹೊಸ ಫೀಚರ್ ಪರಿಚಯಿಸುವ ಕಾರ್ಯ ಪ್ರಗತಿಯಲ್ಲಿದ್ದು, ಟೆಸ್ಟಿಂಗ್ ನಡೆಸಲಾಗುತ್ತಿದೆ. "ಗಿಫ್ಟ್" ಹೆಸರಿನ ಫೀಚರ್ ಅನ್ನು ಬಳಕೆದಾರರಿಗೆ ಲಭ್ಯವಾಗುವಂತೆ ರೂಪಿಸಲಾಗುತ್ತಿದೆ. ಇದರ ಮೂಲಕ ರೀಲ್ಸ್ ಮಾಡಿ ಹಣವನ್ನು ಸಂಪಾದನೆ ಕೂಡ ಮಾಡಬಹುದಾಗಿದೆ.
ಈ ಹೊಸ ಮಾದರಿಯ ಫೀಚರ್ ಅನ್ನು ಆಂತರಿಕವಾಗಿ ಪ್ರಯೋಗ ನಡೆಸಲಾಗುತ್ತಿದೆ. ಇದನ್ನು ಮೊದಲ ಬಾರಿಗೆ ಅಪ್ಲಿಕೇಶನ್ ಸಂಶೋಧಕ ಅಲೆಸ್ಸಾಂಡ್ರೊ ಪಲುಜ್ಜಿ ಅವರು ಜುಲೈನಲ್ಲಿ ಗುರುತಿಸಿದರು. ಇದನ್ನು ಇನ್ಸ್ಟಾಗ್ರಾಮ್ನಲ್ಲಿ ಅಳವಡಿಸುವ ಬಗ್ಗೆ ಚರ್ಚೆ ನಡೆದು, ಆಂತರಿಕ ಪ್ರಯೋಗ ನಡೆಸಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ.
ಇದಲ್ಲದೇ ಕಂಟೆಂಟ್ ಅಪ್ರಿಶಿಯೇಷನ್(ವಿಷಯ ಮೆಚ್ಚುಗೆ) ಆಯ್ಕೆಯನ್ನೂ ನೀಡುವ ಗುರಿ ಇದೆ. ಹೊಸ ಫೀಚರ್ ಆದ ಗಿಫ್ಟ್ ಮೂಲಕ ಪೋಸ್ಟ್ ಮಾಡುವವರು ತಮ್ಮ ಅಭಿಮಾನಿಗಳಿಗೆ ನೇರವಾಗಿ ಇದನ್ನು ತಲುಪಿಸಬಹುದು. ಈ ಆಯ್ಕೆಯನ್ನು ಶೀಘ್ರವೇ ಬಳಕೆದಾರರಿಗೆ ಸಿಗಲಿದೆ ಎಂದು ತಿಳಿಸಿದೆ.
ಆಂತರಿಕ ಸೆಟ್ಟಿಂಗ್ನಲ್ಲಿ ಗಿಫ್ಟ್ ಅನ್ನು ಅಳವಡಿಸಲುವ ಕುರಿತಾಗಿ ಪ್ರಯೋಗ ನಡೆಸಲಾಗುತ್ತಿದೆ. ರೀಲ್‌ಗಳ ಕೆಳಭಾಗದಲ್ಲಿ ಇರುವ ಬಟನ್ ಮೂಲಕ ಬಳಕೆದಾರರು ಉಡುಗೊರೆಗಳನ್ನು ತಮ್ಮವರಿಗೆ ಕಳುಹಿಸಲು ಸಾಧ್ಯವಾಗುತ್ತದೆ.
2 ವರ್ಷಗಳ ಹಿಂದೆ ಸಾಮಾಜಿಕ ಮಾಧ್ಯಮ ಇನ್ಸ್ಟಾಗ್ರಾಮ್ ಬ್ಯಾಡ್ಜ್‌ಗಳನ್ನು ಪ್ರಾರಂಭಿಸಿತು. ಇದು ಲೈವ್ ವಿಡಿಯೋದ ಸಮಯದಲ್ಲಿ ವಿಡಿಯೋ ಮಾಡುವವರಿಗೆ ಬೆಂಬಲವನ್ನು ನೀಡಲು ಬಳಕೆದಾರರು ಇದನ್ನು ಬಳಸಿ ಬೆಂಬಲ ಸೂಚಿಸ ಬಹುದಾಗಿದೆ.
ಓದಿ: ಕಮ್ಯುನಿಟಿ ಚಾಟ್ಸ್: ಫೇಸ್ಬುಕ್, ಮೆಸೆಂಜರ್ನಲ್ಲಿ ಬರಲಿದೆ ರಿಯಲ್ ಟೈಮ್ ಮೆಸೇಜಿಂಗ್
