ಉಕ್ರೇನ್‌ ಮೇಲೆ ಯುದ್ಧ ಮಾಡ್ತಿರೋ ರಷ್ಯಾ ಸೇನೆಗೆ ಇನ್ನೂ ಸಿಕ್ಕಿಲ್ಲ 'ಏರ್‌ ಸುಪೀರಿಯಾರಿಟಿ': ಅಮೆರಿಕ

author img

By

Published : Mar 22, 2022, 7:10 AM IST

US: Russia does not have air superiority yet

ಕಳೆದ 25 ದಿನಗಳಿಂದ ಉಕ್ರೇನ್‌ ಮೇಲೆ ಯುದ್ಧ ಮಾಡುತ್ತಿರುವ ರಷ್ಯಾ ಸೇನೆ ಯುದ್ಧ ವಿಮಾನಗಳ ಹಾರಾಟ ಹೆಚ್ಚಿಸಿದೆ. ಆದರೆ ಎದುರಾಳಿ ವಾಯುಪಡೆಯ ಮೇಲೆ ಯುದ್ಧತಂತ್ರದ ಪ್ರಾಬಲ್ಯವನ್ನು (ವಾಯು ಶ್ರೇಷ್ಠತೆ) ಸ್ಥಾಪಿಸುವ ಮೂಲಕ ಶತ್ರು ವಾಯುಪ್ರದೇಶದ ನಿಯಂತ್ರಣವನ್ನು ವಶಪಡಿಸಿಕೊಳ್ಳಲು ಸಾಧ್ಯವಾಗಿಲ್ಲ.

ವಾಷಿಂಗ್ಟನ್: ಕಳೆದ ಎರಡು ದಿನಗಳಿಂದ ಉಕ್ರೇನ್ ಮೇಲೆ ರಷ್ಯಾ ಸೇನಾ ಯುದ್ಧ ವಿಮಾನಗಳ ಹಾರಾಟದ ಸಂಖ್ಯೆಯನ್ನು ಹೆಚ್ಚಿಸಿದ್ದು, ಹಿಂದಿನ 24 ಗಂಟೆಗಳಲ್ಲಿ 300 ವಿಮಾನಗಳ ಹಾರಾಟ ಹೆಚ್ಚಳವಾಗಿದೆ ಎಂದು ಅಮೆರಿಕದ ಹಿರಿಯ ರಕ್ಷಣಾ ಅಧಿಕಾರಿ ಹೇಳಿದ್ದಾರೆ.

ತೀವ್ರ ಪ್ರತಿರೋಧ ನೀಡುತ್ತಿರುವ ಉಕ್ರೇನ್ ಕೂಡ ವಿಮಾನಗಳ ವೇಗವನ್ನು ಹೆಚ್ಚಿಸಿದೆ. ಆದರೆ ಎಷ್ಟು ವಿಮಾನಗಳನ್ನು ಜಾಸ್ತಿ ಮಾಡಿದೆ ಎಂಬುದರ ಸಂಖ್ಯೆ ನೀಡಲು ನಿರಾಕರಿಸಿದೆ ಎಂದಿದ್ದಾರೆ. ರಕ್ಷಣಾ ವಲಯದಲ್ಲಿ ಜಗತ್ತಿನ ಬಲಿಷ್ಠ ರಾಷ್ಟ್ರವಾಗಿರುವ ರಷ್ಯಾ ಹೆಚ್ಚಿನ ವಿಮಾನಗಳನ್ನು ಹೊಂದಿದೆ. ಆದರೆ, ಇನ್ನೂ ಏರ್‌ ಸುಪಿರಿಯಾರಿಟಿ (ವಾಯು ಶ್ರೇಷ್ಠತೆ) ಹೊಂದಿಲ್ಲ. ಹೆಚ್ಚಿನ ಸೇನಾ ಯುದ್ಧ ವಿಮಾನಗಳು ಆಕಾಶದಿಂದ ನೆಲದ ದಾಳಿಗಳನ್ನು ಒಳಗೊಂಡಿರುತ್ತವೆ. ಆದರೆ ರೆಡಾರ್‌ ಕಾರ್ಯಾಚರಣೆಯ ಗುರಿಗಳ ಮೇಲೆ ಹಾಗೂ ಉಕ್ರೇನ್‌ ವಾಯುಪ್ರದೇಶದಲ್ಲಿ ರಷ್ಯಾ ಯುದ್ಧ ವಿಮಾನಗಳು ಹೆಚ್ಚು ಸಮಯ ಕಳೆಯಲು ಆಗುತ್ತಿಲ್ಲ ಎಂದು ಅಧಿಕಾರಿ ವಿವರಿಸಿದ್ದಾರೆ.

ವ್ಲಾಡಿಮಿರ್‌ ಪುಟಿನ್‌ ಸೇನೆಯ ಯುದ್ಧ ವಿಮಾನಗಳನ್ನು ಗುರಿಯಾಗಿಸಲು ಉಕ್ರೇನ್ ಸೇನೆ ತನ್ನ ಸಣ್ಣ, ದೀರ್ಘ - ಶ್ರೇಣಿಯ ವಾಯು ರಕ್ಷಣಾ ವ್ಯವಸ್ಥೆಗಳು ಹಾಗೂ ಡ್ರೋನ್‌ಗಳ ಬಳಕೆಯನ್ನು ಮುಂದುವರೆಸಿದೆ. ರಷ್ಯನ್ನರು ಉತ್ತರ ಕಪ್ಪು ಸಮುದ್ರದಲ್ಲಿ ನೌಕಾ ಚಟುವಟಿಕೆಯನ್ನು ಹೆಚ್ಚಿಸಿದ್ದಾರೆ. ಆದರೆ, ಒಡೆಸಾದ ಮೇಲೆ ದಾಳಿಯ ಯಾವುದೇ ಸೂಚನೆಗಳಿಲ್ಲ.

ಏನಿದು ಏರ್‌ ಸುಪೀರಿಯಾರಿಟಿ..?ಏರ್ ಸುಪೀರಿಯಾರಿಟಿ ಎನ್ನುವುದು ಎದುರಾಳಿ ವಾಯುಪಡೆಯ ಮೇಲೆ ಯುದ್ಧತಂತ್ರದ ಪ್ರಾಬಲ್ಯವನ್ನು (ವಾಯು ಶ್ರೇಷ್ಠತೆ) ಸ್ಥಾಪಿಸುವ ಮೂಲಕ ಶತ್ರು ವಾಯುಪ್ರದೇಶದ ನಿಯಂತ್ರಣವನ್ನು ವಶಪಡಿಸಿಕೊಳ್ಳುವುದು.

ವಾಯು ಶ್ರೇಷ್ಠತೆಯ ಹೋರಾಟಗಾರರು ಪ್ರಾಥಮಿಕವಾಗಿ ಚುರುಕುಬುದ್ಧಿಯ, ಲಘುವಾಗಿ ಶಸ್ತ್ರಸಜ್ಜಿತ ವಿಮಾನಗಳ ವಿರುದ್ಧ ವೈಮಾನಿಕ ಯುದ್ಧಗಳನ್ನು ನಿರ್ವಹಿಸುತ್ತಾರೆ (ಹೆಚ್ಚಾಗಿ ಶತ್ರು ಹೋರಾಟಗಾರರು) ಮತ್ತು ವಾಯುಪ್ರದೇಶದ ನಿಯಂತ್ರಣದ ಮೇಲಿನ ಯಾವುದೇ ಸವಾಲನ್ನು ನಿವಾರಿಸುತ್ತಾರೆ.

ಇದನ್ನೂ ಓದಿ: ಉಕ್ರೇನ್​ನಲ್ಲಿ ರಷ್ಯಾದ ನೌಕಾಪಡೆಯ ಹಿರಿಯ ಕಮಾಂಡರ್ ಸಾವು

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.