ಚೇಸಿಂಗ್ ಸ್ಟಾರ್​ ವಿರಾಟ್​​ ಕೊಹ್ಲಿ ಬ್ಯಾಟ್​ನಿಂದ ಬರಬೇಕಾದ ದಾಖಲೆಗಳಿವು...

ಏಕದಿನ ಕ್ರಿಕೆಟ್​ ಮಾದರಿಯಲ್ಲಿ ಈಗಾಗಲೇ 50 ಶತಕ ಸಿಡಿಸಿ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್​ ಅವರ ದಾಖಲೆಯನ್ನು ಭಗ್ನಗೊಳಿಸಿರುವ ಚೇಸಿಂಗ್ ಸ್ಟಾರ್​ ವಿರಾಟ್​​ ಕೊಹ್ಲಿ, ಭವಿಷ್ಯದಲ್ಲಿ ಮಾಡಬೇಕಾಗಿರುವ ದಾಖಲೆಗಳು ಯಾವವು ಗೊತ್ತಾ? ವಿಶ್ವದ ಅತ್ಯದ್ಭುತ ಕ್ರಿಕೆಟ್​ ಪಟು ಆಗಲು ಇನ್ನೆಷ್ಟು ಹೆಜ್ಜೆ ಬೇಕು? ಹೀಗೆ ಬ್ಯಾಟ್​ ಬೀಸಿದರೆ ಬಹಳ ದಿನ ಕಾಯಬೇಕಿಲ್ಲ ಎನ್ನುತ್ತಾರೆ ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಮುಖ್ಯ ಕೋಚ್ ರವಿಶಾಸ್ತ್ರಿ. ಟೆಸ್ಟ್​ ಹಾಗೂ ಏಕದಿನ ಮಾದರಿಯಲ್ಲಿ 100 ಶತಕಗಳನ್ನು ಸಿಡಿಸಿ ಅಗ್ರಸ್ಥಾನದಲ್ಲಿರುವ ಸಚಿನ್ ತೆಂಡೂಲ್ಕರ್​​ ಅವರ ದಾಖಲೆ ಮುರಿಯುವುದು ಕೊಹ್ಲಿ ಮುಂದಿರುವ ಗುರಿ. ಹೀಗೆ ಬ್ಯಾಟ್​ ಬೀಸಿದರೆ ಸದ್ಯದಲ್ಲೇ ಸಚಿನ್ ಹೆಸರಿನಲ್ಲಿರುವ ಈ ದಾಖಲೆಗಳನ್ನು ಹಿಂದಿಕ್ಕುವ ಸಾಧ್ಯತೆಗಳಿವೆ. ಏಕದಿನ ಕ್ರಿಕೆಟ್​ ಮಾದರಿಯಲ್ಲಿ 49 ಹಾಗೂ ಟೆಸ್ಟ್​ನಲ್ಲಿ 51 ಶತಕಗಳನ್ನು ಸಿಡಿಸಿರುವ ಸಚಿನ್ ವೃತ್ತಿ ಬದುಕಿನ ಟಾಪ್​ ಆಟಗಾರರಾಗಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ 50 ಶತತಕಗಳ ಜೊತೆ ಟೆಸ್ಟ್ ಕ್ರಿಕೆಟ್‌ನಲ್ಲೂ 29 ಹಾಗೂ T20ಯಲ್ಲಿ1 ಶತಕ ಸಿಡಿಸಿರುವ ವಿರಾಟ್ ಕೊಹ್ಲಿ, ಒಟ್ಟು 80 ಅಂತಾರಾಷ್ಟ್ರೀಯ ಶತಕಗಳನ್ನು ಸಿಡಿಸಿದ್ದಾರೆ. ಉತ್ತಮ ಫಾರ್ಮ್‌ನಲ್ಲಿರುವ ಈ ಸ್ಟಾರ್ ಪಟು ಮುಂದಿನ 10 ಇನ್ನಿಂಗ್ಸ್‌ನಲ್ಲಿ ಬಹುಶಃ ನೀವು ಐದು ಶತಕಗಳನ್ನು ನೋಡಬಹುದು. 3-4 ವರ್ಷ ಅವರ ಲಯ​ ಇದೇ ರೀತಿ ಇರಬಹುದು. ಬಹು ಬೇಗನೆ ಶತಕಗಳನ್ನು ಬರೆಯಬಹುದು ಎನ್ನುತ್ತಾರೆ ರವಿಶಾಸ್ತ್ರಿ.