ಭುವನ ಸುಂದರಿ ಸ್ಪರ್ಧೆ 2023: ಭಾರತ ಪ್ರತಿನಿಧಿಸುತ್ತಿರುವ ಶ್ವೇತಾ ಶಾರ್ದಾ ಆಕರ್ಷಕ ಫೋಟೋಗಳಿಲ್ಲಿವೆ

Miss Universe contestant Shweta Sharda: 72ನೇ ಭುವನ ಸುಂದರಿ ಹೆಸರು ಇನ್ನೇನು ಕೆಲವೇ ಗಂಟೆಗಳಲ್ಲಿ ಘೋಷಣೆ ಆಗಲಿದೆ. ಈ ಹೆಸರಿಗಾಗಿ ಇಡೀ ವಿಶ್ವವೇ ಎದುರು ನೋಡುತ್ತಿದೆ. ಬ್ಯೂಟಿ ವಿತ್​ ಬ್ರೈನ್​ ಯಾರೆಂಬುದನ್ನು ತಿಳಿಯಲು ಸಾಕಷ್ಟು ಮಂದಿ ಕಾತರರಾಗಿದ್ದಾರೆ. ವಿಶ್ವದ 90 ರಾಷ್ಟ್ರಗಳು ಭುವನ ಸುಂದರಿ 2023 ಸ್ಪರ್ಧೆಯಲ್ಲಿ ಭಾಗಿ ಆಗಿವೆ. ಭಾರತವನ್ನು ರೂಪದರ್ಶಿ ಶ್ವೇತಾ ಶಾರ್ದಾ ಪ್ರತಿನಿಧಿಸುತ್ತಿದ್ದಾರೆ. 23ರ ಹರೆಯದ ಶ್ವೇತಾ ರೂಪದರ್ಶಿ, ನರ್ತಕಿಯಾಗಿ ಜನಮನ್ನಣೆ ಗಳಿಸಿದ್ದಾರೆ. ಆಗಸ್ಟ್​ನಲ್ಲಿ ಮುಂಬೈನಲ್ಲಿ ನಡೆದ ಮಿಸ್ ದಿವಾ ಯೂನಿವರ್ಸ್ 2023 ಸ್ಪರ್ಧೆಯಲ್ಲಿ ಗೆದ್ದಿರುವ ಶ್ವೇತಾ ಸದ್ಯ ಗ್ಲೋಬಲ್​ ಬ್ಯೂಟಿ ಕಾಂಪಿಟೇಶನ್​ನಲ್ಲಿ ಭಾಗಿಯಾಗಿ ಗಮನ ಸೆಳೆದಿದ್ದಾರೆ. ಮಿಸ್ ದಿವಾ ಯೂನಿವರ್ಸ್ 2023 ರಲ್ಲಿ ವಿಜೇತರಾಗುವ ಮೂಲಕ ಮಿಸ್ ಯೂನಿವರ್ಸ್ 2023 ಸ್ಪರ್ಧೆಯಲ್ಲಿ ಭಾಗಹಿಸುವ ಅವಕಾಶ ಪಡೆದಿದ್ದಾರೆ. ಮೂಲತಃ ಚಂಡೀಗಢದವರಾದ ಶ್ವೇತಾ ಶಾರ್ದಾ ತಮ್ಮ 16ನೇ ವಯಸ್ಸಿಗೆ ಮುಂಬೈಗೆ ಆಗಮಿಸಿದರು. ಇಂದಿರಾಗಾಧಿ ನ್ಯಾಷನಲ್​ ಓಪನ್​ ಯೂನಿವರ್ಸಿಟಿಯಲ್ಲಿ ಶಿಕ್ಷಣ ಪಡೆದಿದ್ದಾರೆ. ಮಾಡೆಲಿಂಗ್​, ಡ್ಯಾನ್ಸ್​ ಕ್ಷೇತ್ರದಲ್ಲಿ ಈಗಾಲೇ ಗುರುತಿಸಿಕೊಂಡಿದ್ದಾರೆ. ಪಾಪ್ಯುಲರ್​ ಪ್ರೋಗ್ರಾಮ್​ಗಳಾದ ಡ್ಯಾನ್ಸ್ ಪ್ಲಸ್​, ಡ್ಯಾನ್ಸ್​ ದೀವಾನೆ, ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್​ನಲ್ಲಿಯೂ ಭಾಗಿಯಾಗಿದ್ದಾರೆ. ಇದೀಗ ಭುವನ ಸುಂದರಿ 2023 ವೇದಿಕೆಯಲ್ಲಿದ್ದು, ಶ್ವೇತಾ ಶಾರ್ದಾ ಗೆಲುವಿಗೆ ಭಾರತೀಯರು ಪ್ರಾರ್ಥಿಸುತ್ತಿದ್ದಾರೆ.