ಸಲ್ಮಾನ್​ ಖಾನ್​ ಸೊಸೆ ಸ್ಟನ್ನಿಂಗ್​ ಲುಕ್​ಗೆ ಫ್ಯಾನ್ಸ್​ ಫಿದಾ.. ಚೊಚ್ಚಲ ಸಿನಿಮಾ ಪ್ರಚಾರದಲ್ಲಿ ಅಲಿಜೆ ಬ್ಯುಸಿ

ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಅವರ ಸೋದರ ಸೊಸೆ ಅಲಿಜೆ ಅಗ್ನಿಹೋತ್ರಿ ಸಿನಿಮಾ ಜಗತ್ತಿಗೆ ಪದಾರ್ಪಣೆ ಮಾಡಲು ಸಿದ್ಧವಾಗಿದ್ದು, ಅವರ ಮುಂಬರುವ ಚಿತ್ರ ಫಾರೆ ಬಿಡುಗಡೆಗೆ ಸಿದ್ಧವಾಗಿದೆ. ಈ ಹಿಂದಿನಿಂದಲೇ ಅಲಿಜೆ ಅಗ್ನಿಹೋತ್ರಿ ಸಾಮಾಜಿಕ ಜಾಲತಾಣಗಳಲ್ಲಿ ಜನಪ್ರಿಯವಾಗಿರುವ ಉದಯೋನ್ಮುಖ ತಾರೆ. ಇದಿಗ ಸೋಶಿಯಲ್​ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಅಲಿಜೆ ತಮ್ಮ ಚೊಚ್ಚಲ ಚಿತ್ರದ ಪ್ರಚಾರ ಕಾರ್ಯಕ್ಕಾಗಿ ಸಜ್ಜಾಗುತ್ತಿದ್ದಾರೆ. ಹಾಗಾಗಿ ತಮ್ಮ ಇತ್ತೀಚಿನ ಕೆಲವು ಸ್ಟನ್ನಿಂಗ್​ ಫೋಟೋಗಳನ್ನು ಅಲಿಜೆ ಹಂಚಿಕೊಂಡಿದ್ದಾರೆ. ಕ್ಯಾಶುವಲ್​ ಡ್ರೆಸ್​ ಅಥವಾ ಸೀರೆ ಯಾವುದೇ ಆಗಿರಲಿ, ಮಾಡರ್ನ್​ ಹಾಗೂ ಸಾಂಪ್ರದಾಯಿಕ ಎರಡೂ ಉಡುಗೆ ಶೈಲಿಗೆ ಹೊಂದಿಕೊಳ್ಳುವ ಅಲಿಜೆ. ಫ್ಯಾಶನ್​ ಇಂಪ್ರೆಶನ್​ ಆಗಿ ಅಭಿಮಾನಿಗಳ ಹೃದಯ ಗೆದ್ದಿರುವ ಚೆಲುವೆ. ಅಲಿಜೆ ಚೊಚ್ಚಲ ಸಿನಿಮಾ ಫಾರೆ ಇದೇ ನವೆಂಬರ್​ 24 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಸೌಮೇಂದ್ರ ಪಾಧಿ ಆ್ಯಕ್ಷನ್​ ಕಟ್​ ಹೇಳಿರುವ ಈ ಸಿನಿಮಾಗೆ ಅಲ್ವಿರಾ ಅಗ್ನಿಹೋತ್ರಿ ಜೊತೆಗೆ ಅತುಲ್​ ಅಗ್ನಿಹೋತ್ರಿ, ನಿಖಿಲ್​ ನಮಿತ್​, ಸುನಿಲ್​ ಖೇತರ್ಪಾಲ್​ ಬಂಡವಾಳ ಹೂಡಿದ್ದಾರೆ. ಆಕರ್ಷಕ ಫೋಟೋಗಳನ್ನು ಅಭಿಮಾನಿಗಳ ಜೊತೆ ಅಲಿಜೆ ಹಂಚಿಕೊಳ್ಳುತ್ತಿದ್ದು, ಇತ್ತೀಚಿನ ಫೋಟೋಗಳು ಇಲ್ಲಿವೆ.