ಸುಂದರ ಸೋಜಿಗ ಸಪ್ತಮಿ; ಮನಸೆಳೆದ 'ಲೀಲಾ'ಳ ಅಮೋಘ ಸೌಂದರ್ಯ

'ಸಪ್ತಮಿ ಗೌಡ..' ಈ ಚೆಲುವೆಯ ಬಗ್ಗೆ ಹೆಚ್ಚಿನ ಪರಿಚಯದ ಅಗತ್ಯವಿಲ್ಲ. 'ಕಾಂತಾರ' ಹೆಸರೊಂದೇ ಸಾಕು. ಲೀಲಾ ಪಾತ್ರಧಾರಿಯಾಗಿ ಮಿಂಚಿ, ಕನ್ನಡಿಗರ ಮನೆ ಮಗಳಾಗಿ ಸ್ಥಾನ ಪಡೆದುಕೊಂಡಿದ್ದಾರೆ. ಈ ಸಿನಿಮಾದ ನಂತರ ಕೈ ತುಂಬಾ ಆಫರ್​ ಗಿಟ್ಟಿಸಿಕೊಂಡಿರುವ ಬೆಡಗಿಗೆ ಫೋಟೋಶೂಟ್​ನಲ್ಲೂ ಸಖತ್​ ಕ್ರೇಜ್​ ಇದೆ. ಸ್ಟೈಲಿಶ್​ ಲುಕ್​ನಲ್ಲಿ ಕ್ಯಾಮರಾ ಮುಂದೆ ನಿಂತು ಮೈ ಬಳುಕಿಸೋದು ಅಂದ್ರೆ ಎಲ್ಲಿಲ್ಲದ ಖುಷಿ. ಇವರ ಇನ್​ಸ್ಟಾ ಓಪನ್​ ಮಾಡಿದರೆ ಸಾಕು, ಬಗೆ ಬಗೆಯ ಫೋಟೋಗಳನ್ನು ಕಾಣಬಹುದು. ತಮ್ಮ ಅಮೋಘ ಫ್ಯಾಷನ್​ ಸೆನ್ಸ್​ ಅನ್ನು ಫೋಟೋಶೂಟ್​ ಮೂಲಕವೇ ರಿವೀಲ್​ ಮಾಡುತ್ತಾರೆ. ಇತ್ತೀಚೆಗೆ ನೇರಳೆ ಬಣ್ಣದ ಸೀರೆಯುಟ್ಟು ಅಂದ ಪ್ರದರ್ಶಿಸಿದ್ದಾರೆ. ಅದಕ್ಕೆ ತಕ್ಕಂತೆ ಆಭರಣ ಧರಿಸಿ, ಕೂದಲನ್ನು ಹಾರಲು ಬಿಟ್ಟು, ಲೈಟ್​ ಮೇಕಪ್​ ಜೊತೆಗೆ ತುಂಬಾ ಸುಂದರವಾಗಿ ಕಾಣುತ್ತಿದ್ದಾರೆ. ಬಗೆ ಬಗೆಯ ಭಂಗಿಯಲ್ಲಿ ನಿಂತು ಫೋಟೋ ತೆಗೆಸಿಕೊಂಡಿದ್ದಾರೆ. ಸಪ್ತಮಿ ಮುದ್ದಾದ ಸೌಂದರ್ಯ ನೋಡುಗರನ್ನು ಆಕರ್ಷಿಸಿದೆ. ಅಭಿಮಾನಿಗಳು ನಟಿಯ ಅಂದವನ್ನು ಕಮೆಂಟ್​ ಮೂಲಕ ಹಾಡಿ ಹೊಗಳುತ್ತಿದ್ದಾರೆ. ಈ ಫೋಟೋಗಳು 40 ಸಾವಿರಕ್ಕೂ ಹೆಚ್ಚು ಲೈಕ್ಸ್​ಗಳನ್ನು ಪಡೆದುಕೊಂಡಿದೆ. (ಫೋಟೋ ಕೃಪೆ: ನಟಿ ಸಪ್ತಮಿ ಗೌಡ ಅಧಿಕೃತ ಇನ್​ಸ್ಟಾಗ್ರಾಮ್​ ಖಾತೆ)