'ಸಪ್ತಮಿ' ಕೆನ್ನೆಯ ಮೇಲೆ ಬಂದು ನಾಟಿದೆ ನಾಚಿಕೆ ಮುಳ್ಳು.. ಲೀಲಾಳ ಹೊಸ ಫೋಟೋಗೆ ಫ್ಯಾನ್ಸ್​ ಹೀಗಂದ್ರು

'ಕಾಂತಾರ'.. ಸ್ಯಾಂಡಲ್​ವುಡ್​ನ ಅತ್ಯದ್ಭುತ ಸಿನಿಮಾ. ಇಲ್ಲಿ ಬರುವ ಪಾತ್ರಗಳು ಹಾಗೂ ಅದಕ್ಕೆ ಬಣ್ಣ ಹಚ್ಚಿದ ಕಲಾವಿದರ ಬಗ್ಗೆ ಹೆಚ್ಚಿನ ಪರಿಚಯದ ಅಗತ್ಯವಿಲ್ಲ. ರಿಷಬ್​ ಶೆಟ್ಟಿ ನಿರ್ದೇಶಿಸಿ, ನಟಿಸಿರುವ ಈ ಸಿನಿಮಾದಿಂದ ಸ್ಯಾಂಡಲ್​ವುಡ್​ಗೆ ಪರಿಚಯವಾದ ಚೆಲುವೆ ಸಪ್ತಮಿ ಗೌಡ. ಲೀಲಾ ಪಾತ್ರಧಾರಿಯಾಗಿ ಮಿಂಚಿ, ಕನ್ನಡಿಗರ ಮನೆ ಮಗಳಾಗಿ ಸ್ಥಾನ ಪಡೆದುಕೊಂಡಿದ್ದಾರೆ. 'ಕಾಂತಾರ'ದ ನಂತರ ಕೈ ತುಂಬಾ ಆಫರ್​ ಗಿಟ್ಟಿಸಿಕೊಂಡಿರುವ ಬೆಡಗಿಗೆ ಫೋಟೋಶೂಟ್​ನಲ್ಲೂ ಸಖತ್​ ಕ್ರೇಜ್​ ಇದೆ. ಸ್ಟೈಲಿಶ್​ ಲುಕ್​ನಲ್ಲಿ ಕ್ಯಾಮರಾ ಮುಂದೆ ನಿಂತು ಮೈ ಬಳುಕಿಸೋದು ಅಂದ್ರೆ ಎಲ್ಲಿಲ್ಲದ ಖುಷಿ. ಇವರ ಇನ್​ಸ್ಟಾ ಓಪನ್​ ಮಾಡಿದರೆ ಸಾಕು, ಬಗೆ ಬಗೆಯ ಫೋಟೋಗಳನ್ನು ಕಾಣಬಹುದು. ಇತ್ತೀಚೆಗೆ ಇವರು ಹಂಚಿಕೊಂಡಿರುವ ಹೊಸ ಫೋಟೋಗಳು ಸೋಷಿಯಲ್​ ಮೀಡಿಯಾದಲ್ಲಿ ಜಾಗ ಗಿಟ್ಟಿಸಿಕೊಂಡಿವೆ. ಶ್ವೇತ ವರ್ಣದ ಸ್ಟೈಲಿಶ್​ ದಿರಿಸಿನಲ್ಲಿ ನೋಡುಗರನ್ನು ಆಕರ್ಷಿಸಿದ್ದಾರೆ. ತುಂಬಾ ಮುದ್ದಾಗಿ ಕಾಣುತ್ತಿದ್ದಾರೆ. ಅಭಿಮಾನಿಗಳು ನಟಿಯ ಅಂದವನ್ನು ಕಮೆಂಟ್​ ಮೂಲಕ ಹಾಡಿ ಹೊಗಳುತ್ತಿದ್ದಾರೆ. ಈ ಫೋಟೋಗಳು 50 ಸಾವಿರಕ್ಕೂ ಹೆಚ್ಚು ಲೈಕ್ಸ್​ಗಳನ್ನು ಪಡೆದುಕೊಂಡಿದೆ. ನೀವೂ ಕೂಡ ಸಪ್ತಮಿಯ ಚೆಲುವನ್ನು ನೋಡಿ, ಕಣ್ತುಂಬಿಕೊಳ್ಳಿ.. (ಫೋಟೋ ಕೃಪೆ: ಸಪ್ತಮಿ ಗೌಡ ಅಧಿಕೃತ ಇನ್​ಸ್ಟಾಗ್ರಾಮ್​ ಖಾತೆ)