ಹೈದರಾಬಾದ್​: ಬಾಲಿವುಡ್​ ಖಾನ್​ಗಳಾದ ಸಲ್ಮಾನ್​ ಮತ್ತು ಶಾರುಖ್​ ಖಾನ್​ಗೆ ಇಂದು ಅಂದರೆ, ಜನವರಿ 25 ಬಲು ವಿಶೇಷವಾಗಿದೆ. ಕಾರಣ ನಾಲ್ಕು ವರ್ಷಗಳ ಸುದೀರ್ಘ ಅಂತರದ ಬಳಿಕ ಕಿಂಗ್​ ಖಾನ್​ ಅಭಿನಯದ 'ಪಠಾಣ್'​ ಸಿನಿಮಾ ಬಿಡುಗಡೆಯಾಗಿದೆ. ಇತ್ತ ನಟ ಸಲ್ಮಾನ್​ ಖಾನ್​ ಅಭಿನಯದ 'ಕಿಸಿ ಕಾ ಬಾಯ್​ ಕಿಸಿ ಕಿ ಜಾನ್'​ ಚಿತ್ರದ ಟೀಸರ್​ ಕೂಡ ಬಿಡುಗಡೆಯಾಗಿದೆ. ಮತ್ತೊಂದು ವಿಶೇಷ ಎಂದರೆ, ಈ ಚಿತ್ರದ ಟೀಸರ್​ ಅನ್ನು ಪಠಾಣ್​ ಸಿನಿಮಾದ ವೇಳೆ ಥಿಯೇಟರ್​ನಲ್ಲಿ ಕಂಡು ಬಂದಿದೆ. ರೋಮ್ಯಾಂಟಿಕ್​ ಆಕ್ಷನ್​ ಚಿತ್ರದಲ್ಲಿ ನಟ ಸಲ್ಮಾನ್​ ಖಾನ್​ಗೆ ನಟಿ ಪೂಜಾ ಹೆಗ್ಡೆ ಜೊತೆಯಾಗಿದ್ದಾರೆ. 40 ಸೆಕೆಂಡ್​ನ ಈ ಟೀಸರ್​ನಲ್ಲಿ ನಟ ಸಲ್ಮಾನ್​ ಫೈಟಿಂಗ್​ ಸೀನ್​ಗಳು ಇದ್ದು, ಕಟ್ಟದಿಂದ ಕಟ್ಟಡಕ್ಕೆ ಹಾರುತ್ತ, ಎದುರಾಳಿಗಳನ್ನು ಹೊಡೆಯುವ ದೃಶ್ಯ ಕಂಡು ಬಂದಿದೆ.

ಇನ್ನು ಈ ಟೀಸರ್​ಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಸಲ್ಮಾನ್​ ಖಾನ್​ಗೆ ಸಾಮಾಜಿಕ ಜಾಲತಾಣದಲ್ಲಿ ಮೆಚ್ಚುಗೆ ಮಳೆ ಸುರಿದಿದೆ. ಈ ಚಿತ್ರದಲ್ಲಿ ನಟ ಸಲ್ಮಾನ್​ ಹೊಸ ಅವತಾರದಲ್ಲಿ ಕಂಡು ಬರುತ್ತಿದ್ದಾರೆ ಎಂದು ಅಭಿಮಾನಿಯೊಬ್ಬರು ತಿಳಿಸಿದ್ದಾರೆ. ಮತ್ತೊಬ್ಬ ಅಭಿಮಾನಿ, ಇದನ್ನು ನಾನು ನಿರೀಕ್ಷಿಸಿರಲಿಲ್ಲ. ಆದರೆ, ಇದು ಮಾಸ್​ ಟೀಸರ್​. ಚಿತ್ರ ಎಲ್ಲೆಡೆ ಬ್ಲಾಕ್​ ಬಸ್ಟರ್​ ಆಗಲಿದೆ ಎಂದಿದ್ದಾರೆ. ಇನ್ನು ಚಿತ್ರದಲ್ಲಿ ನಟಿ ಶೆಹನಾಜ್​ ಗಿಲ್​ ಕೂಡ ನಟಿಸಿದ್ದು, ದಕ್ಷಿಣ ಭಾರತದ ಲುಕ್​ನಲ್ಲಿ ಮಿಂಚಿದ್ದಾರೆ.

ಮತ್ತೊಬ್ಬ ಅಭಿಮಾನಿ ಟೈಗರ್​ ಮತ್ತು ಪಠಾಣ್​ ಕಡೆಗೂ ಒಟ್ಟಿಗೆ ಎಂದು ಇಬ್ಬರ ನಟರ ಬಗ್ಗೆ ಮೆಚ್ಚುಗೆ ತಿಳಿಸಿದ್ದಾರೆ. ಈ ಚಿತ್ರ ಸಲ್ಮಾನ್​ ಖಾನ್​ ಅವರ ಮತ್ತೊಂದು ಬ್ಲಾಕ್​ ಬಸ್ಟರ್​ ಚಿತ್ರವಾಗಲಿದೆ. ಬಾಕ್ಸ್​ ಆಫೀಸ್​ ಕೊಳ್ಳೆ ಹೊಡೆಯಲಿದೆ ಎಂದು ಮತ್ತೊಮ್ಮ ಅಭಿಮಾನಿ ಸಾಮಾಜಿಕ ಜಾಲತಾಣದಲ್ಲಿ ಬರೆದಿದ್ದಾರೆ.

ಇನ್ನು ಈ ಚಿತ್ರದಲ್ಲಿ ತೆಲುಗು ನಟರ ದಂಡು ಕೂಡ ಕಾಣಬಹುದಾಗಿದೆ. ವೆಂಕಟೇಶ್​ ದಗ್ಗುಬಾಟಿ, ಪೂಜಾ ಹೆಗ್ಡೆ, ಜಗಪತಿ ಬಾಬು, ಭೂಮಿಕಾ ಚಾವ್ಲಾ, ವಿರೇಂದ್ರ ಸಿಂಗ್​​, ಅಭಿಮಾನ್ಯು ಸಿಂಗ್​​, ರಾಘವ್​ ಜುಯಲ್​ ಪ್ರಮುಖ ಪಾತ್ರದಲ್ಲಿದ್ದಾರೆ. ಜೊತೆಗೆ ಹಿಂದಿ ಕಿರುತೆರೆಯ ಪ್ರಖ್ಯಾತ ನಟಿಯಾಗಿ ಗುರುತಿಸಿಕೊಂಡಿರುವ ಶ್ವೇತಾ ತಿವಾರಿ ಮಗಳು ಪಾಲಕ್​ ತಿವಾರಿ ಮತ್ತು ಶೇಹನಾಜ್​ ಗಿಲ್​ ಇದೇ ಮೊದಲ ಬಾರಿಗೆ ಬೆಳ್ಳಿ ಪರದೆ ಮೇಲೆ ಮಿಂಚಲಿದ್ದಾರೆ.

ಈ ಚಿತ್ರದ ಟೈಟಲ್​ ಅನ್ನು ಈ ಮೊದಲು ಹಲವು ಬಾರಿ ಬದಲಾಯಿಸಾಗಿದೆ. ಈ ಕುರಿತು ಮಾತನಾಡಿರುವ ಸಲ್ಮಾನ್​, ಸೋದರ ಮಾವ ಅಯುಷ್​ ಶರ್ಮಾ, ಕಿಯಾತ್ಮಕ ಭಿನ್ನತೆ ಇರಬೇಕು ಎಂಬ ಕಾರಣಕ್ಕೆ ಶಿರ್ಷಿಕೆ ಬದಲಾಯಿಸಲಾಗಿದೆ. ಇನ್ನು ಈ ಚಿತ್ರ ಇದೇ ವರ್ಷ ಈದ್​​ಗೆ ಬಿಡುಗಡೆಯಾಗಲಿದೆ.

'ಕಿಸಿ ಕಾ ಬಾಯ್​ ಕಿಸಿ ಕಿ ಜಾನ್'​​ ಚಿತ್ರವನ್ನು ಫರ್ಹದ್​ ಸಮ್ಜಿ ನಿರ್ದೇಶಿಸಿದ್ದಾರೆ. ಈ ಚಿತ್ರಕ್ಕೆ ಸಲ್ಮಾನ್​ ಖಾನ್​ ಫಿಲ್ಮ್​ ಹಣ ಹೂಡಿದೆ. ಈ ಚಿತ್ರ ಸಾಹಸ, ಕಾಮಿಡಿ, ಡ್ರಾಮಾ, ರೋಮ್ಯಾನ್ಸ್​ ಮತ್ತು ಎಮೋಷನಲ್​ಗಳ ಸಂಗಮವಾಗಿದೆ ಎಂದು ಚಿತ್ರತಂಡ ತಿಳಿಸಿದೆ.

ಇದನ್ನೂ ಓದಿ: ಆ್ಯಕ್ಷನ್​ ಅವತಾರದಲ್ಲಿ ಕಿಂಗ್​ ಖಾನ್.. ಅಭಿಮಾನಿಗಳು ಏನಂದ್ರು ಗೊತ್ತಾ?