ಹೈದರಾಬಾದ್​: ಇಂದಿನಿಂದ ಗೋವಾದಲ್ಲಿ ಬಹುನಿರೀಕ್ಷಿತ ಭಾರತೀಯ ಅಂತಾರಾಷ್ಟ್ರೀಯ ಸಿನಿಮೋತ್ಸವ ಆರಂಭವಾಗಿದೆ. ಎಂಟು ದಿನಗಳ ಕಾಲ ನಡೆಯುವ ಈ ಅದ್ಧೂರಿ ಕಾರ್ಯಕ್ರಮದಲ್ಲಿ ಬಾಲಿವುಡ್​ ನಟ, ನಿರ್ದೇಶಕರು ಮತ್ತು ಗಾಯಕರು ಭಾಗಿಯಾಗಲಿದ್ದು, ತಮ್ಮ ಕಲಾ ಪ್ರದರ್ಶನವನ್ನು ಕೂಡ ನೀಡಲಿದ್ದಾರೆ. ಈ ಸಿನಿಮೋತ್ಸವ ಕುರಿತಾದ ಕೆಲವು ಆಸಕ್ತಿಕರ ವಿಚಾರಗಳು ಇಲ್ಲಿವೆ.

ಈ ಸಿನಿಮೋತ್ಸವವೂ ಜನಪ್ರಿಯವಾಗಿರುವ ಗುಜರಾತಿ ಹಾಡು ಖಲಾಸಿಯೊಂದಿಗೆ ಪ್ರಾರಂಭವಾಗಲಿದೆ. ಇವರ ಬೆನ್ನಲ್ಲೇ ನಾಚ್ ಪಂಜಾಬನ್ ಮತ್ತು ಶಿವಬಾ ಆಮ್ಚಾ ಮಲ್ಹಾರಿ ಸೇರಿದಂತೆ ಇತರ ಭಾಷೆಗಳಿಂದ ಹಾಡುಗಳ ಸಂಯೋಜನೆ. ನುಶ್ರತ್ ಭರುಚ್ಚ ಅವರು ಸಂಗೀತ ಪ್ರದರ್ಶನ ನಡೆಸಲಿದ್ದಾರೆ. ಇದೇ ವೇಳೆ ಶಾರುಖ್​ ಖಾನ್​ ಅವರ ಪಠಾಣ್​​ ಚಿತ್ರದ 'ಜೂಮೆ ಜೋ' 'ಪಠಾಣ್'​ ಹಾಡಿನ ಪ್ರದರ್ಶನ ಕೂಡ ನಡೆಯಲಿದೆ. ಇದರ ಜೊತೆಗೆ 'ಸಾಮಿ ಸಾಮಿ' ಮತ್ತು ಆಸ್ಕರ್​ ವಿಜೇತ 'ನಾಟು ನಾಟು' ಹಾಡು ಕೂಡ ನೆರೆದವರನ್ನು ಮೋಡಿ ಮಾಡಲಿದೆ. ನುಶ್ರತ್​ ಅವರ ಪ್ರದರ್ಶನದ ಬಳಿಕ ಮಾತುಕತೆಯ ಚರ್ಚೆಯಲ್ಲಿ ಭಾಗಿಯಾಗಲಿದ್ದಾರೆ.

ನಟ ವಿಜಯ್​ ಸೇತುಪತಿ ಅವರ 'ಗಾಂಧಿ ಟಾಕ್ಸ್​'​ ಎಂಬ ಚಿತ್ರದ ಕುರಿತು ಮಾತನಾಡಿದ್ದಾರೆ. ಇದೇ ವೇಳೆ ನಟಿ ಶ್ರೀಯಾ ಸರಣ್​ ಕೂಡ 'ಪುಷ್ಪ: ದಿ ರೈಸ್​ ಅಂಡ್​ ಶೋ ಮಿ' ಚಿತ್ರದ 'ಹೂ ಅಂಟಾವಾ' ಮತ್ತು 'ರಾಕಿ ಔರ್​ ರಾಣಿ' ಚಿತ್ರದ 'ಜುಮಕಾ' ಹಾಡಿಗೆ ನಡು ಬಳುಕಿಸಲಿದ್ದಾರೆ.

ಇನ್ನು ಎವರ್​ಗ್ರೀನ್​ ನಟಿಯಾಗಿರುವ ಮಾಧುರಿ ದೀಕ್ಷಿತ್​​ ತಮ್ಮದೇ ಜನಪ್ರಿಯ ಹಾಡುಗಳಾದ 'ಮಾರು ಡಾಲಾ', 'ಡೋಲಾ ರೆ ಡೋಲ್'​ ಮತ್ತು 'ಅಜಾ ನಚ್​ ಲೆ' ಹಾಡಿಗೆ ನೃತ್ಯ ಪ್ರದರ್ಶಿಸಲಿದ್ದಾರೆ.

ಇದೇ ಮೊದಲ ಬಾರಿಗೆ ಐಎಫ್​ಎಫ್​ಐನಲ್ಲಿ ಪಂಕಜ್​ ತ್ರಿಪಾಠಿ ಕೂಡ ಪ್ರದರ್ಶನ ಮಾಡಲು ಸಜ್ಜಾಗಿದ್ದಾರೆ. ಅವರು ನಿರ್ದೇಶಕ ವಿರ್ಫ್​ ಸರ್ಕಾರಿ ನಿರ್ದೇಶನದ ತಮ್ಮ ಚಿತ್ರ 'ಕಡಕ್​ ಸಿಂಗ್'​ನ ಪರಿಚಯ ಮಾಡಲಿದ್ದು, ಕವನ ವಾಚಿಸಲಿದ್ದಾರೆ. ಈ ವೇಳೆ ಗಾಯಕಿ ಶ್ರೇಯಾ ಘೋಷಲ್​ ಮತ್ತು ಶಾಂತನು ಮೊಯಿತ್ರ ಕೂಡ ಜೊತೆಯಾಗಲಿದ್ದಾರೆ.

ಇವರ ಹೊರತಾಗಿ ನಟ ಶಾಹೀದ್​​ ಕಪೂರ್​, ಹಿನ್ನೆಲೆ ಗಾಯಕ ಸುಖ್ವಿಂದರ್​ ಸಿಂಗ್​​ ಕೂಡ ಕಾರ್ಯಕ್ರಮ ಗಮನಿಸಲಿದ್ದಾರೆ. ಶಾಹೀದ್​​ ತಮ್ಮ ಹಿಟ್​​ ಚಿತ್ರಗಳಾದ 'ಜಬ್​ ವಿ ಮೆಟ್'​​, 'ನಗಡ ನಗಡ', 'ಕಮಿನೆ' ಮತ್ತು 'ಧನ್​ ತೆ ನಾ' ಚಿತ್ರದ ಹಾಡಿಗೆ ಪ್ರದರ್ಶನ ನೀಡಲಿದ್ದಾರೆ. ಇತ್ತ ಸುಖ್ವಿಂದರ್​ ಸಿಂಗ್​ ದೇಶ ಭಕ್ತಿ ಗೀತೆ ಹೇ ವತನ್​ ಹೇ ವತನ್​ ಹಾಡಿನ ಮೂಲಕ ಮೋಡಿ ಮಾಡಲಿದ್ದಾರೆ.

ಇವರ ಹೊರತಾಗಿ ನಟಿ ಸಾರಾ ಆಲಿಖಾನ್​ ಕೂಡ ಮನರಂಜಿಸಲಿದ್ದು, ನಟ ಸನ್ನಿ ಡಿಯೋಲ್​ ಕೂಡ ಇದೇ ಮೊದಲ ಬಾರಿಗೆ ಕಾರ್ಯಕ್ರಮಕ್ಕೆ ಹಾಜರಾಗಲಿದ್ದಾರೆ.

ಇದನ್ನೂ ಓದಿ: 'ಲಿಯೋ' ಸಿನಿಮಾ ನೋಡಿಲ್ವಾ?.. ಹಾಗಿದ್ರೆ OTTನಲ್ಲಿ ವೀಕ್ಷಿಸಿ, ಎಲ್ಲಿ? ಯಾವಾಗ?