ಅರ್ಜುನ್ ಜನ್ಮ ದಿನಾಚರಣೆ: ಪ್ಯಾರಿಸ್​ಗೆ ಹಾರಿದ ಮಲೈಕಾ & ಕಪೂರ್​ ಜೋಡಿ

author img

By

Published : Jun 24, 2022, 12:33 PM IST

Arjun Kapoor jets off to Paris with Malaika Arora

ಜೂನ್ 26​ ನಟ ಅರ್ಜುನ್ ಕಪೂರ್ ಅವರ ಜನ್ಮ ದಿನವಾಗಿದ್ದು, ಬರ್ತ್ ಡೇ ಸೆಲೆಬ್ರೇಷನ್​​ಗಾಗಿ ಅರ್ಜುನ್ ಕಪೂರ್ ಮತ್ತು ನಟಿ ಮಲೈಕಾ ಅರೋರಾ ಪ್ಯಾರಿಸ್​ಗೆ ತೆರಳಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ಬಾಲಿವುಡ್​ ನಟ ಅರ್ಜುನ್ ಕಪೂರ್ ಮತ್ತು ನಟಿ ಮಲೈಕಾ ಅರೋರಾ ಮುಂದಿನ ದಿನಗಳಲ್ಲಿ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಇದೆ. ಜೂನ್ 26​ ನಟ ಅರ್ಜುನ್ ಕಪೂರ್ ಅವರ ಜನ್ಮ ದಿನವಾಗಿದ್ದು, ಬರ್ತ್ ಡೇ ಸೆಲೆಬ್ರೇಷನ್​​ಗಾಗಿ ಈ ಜೋಡಿ ಪ್ಯಾರಿಸ್​ಗೆ ಹಾರಿದೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿದ್ದು, ಫೋಟೋ ವಿಡಿಯೋಗಳೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್​ ಆಗುತ್ತಿದೆ.

ಪ್ಯಾರಿಸ್​ಗೆ ಹಾರಿದ ಮಲೈಕಾ & ಕಪೂರ್​ ಜೋಡಿ

ನಟ ಅರ್ಜುನ್ ಕಪೂರ್ ಅವರ ಆತ್ಮೀಯ ಮೂಲವೊಂದು ಅವರ ಹುಟ್ಟುಹಬ್ಬದ ಆಚರಣೆಯ ಬಗ್ಗೆ ಕೆಲವು ವಿವರಗಳನ್ನು ಹಂಚಿಕೊಂಡಿದೆ. ಅರ್ಜುನ್‌ ಸರಣಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಒಂದರ ಹಿಂದೆ ಒಂದರಂತೆ ಶೂಟಿಂಗ್​ನಲ್ಲಿ ಕಾರ್ಯಪ್ರವೃತ್ತರಾಗಿದ್ದಾರೆ. ಫಿಟ್‌ನೆಸ್ ಬಗ್ಗೆ ಕಾಳಜಿ ವಹಿಸಬೇಕಿರುವುದರಿಂದ ಇತ್ತೀಚೆಗೆ ಯಾವ ಪಾರ್ಟಿಗಳಲ್ಲೂ ಕಾಣಿಸಿಕೊಂಡಿರಲಿಲ್ಲ.

ಏಕ್ ವಿಲನ್ 2 ಚಿತ್ರದ ಪ್ರಚಾರದಲ್ಲಿ ಬ್ಯುಸಿಯಾಗಲಿದ್ದಾರೆ. ಅದಕ್ಕೂ ಮೊದಲು ಅವರು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಹಾಗಾಗಿ ಮಲೈಕಾ ಅವರೊಂದಿಗೆ ಪ್ಯಾರಿಸ್‌ಗೆ ತೆರಳಿದ್ದಾರೆ. ಇಬ್ಬರೂ ವಿಶ್ವದ ಅತ್ಯಂತ ರೋಮ್ಯಾಂಟಿಕ್ ನಗರದಲ್ಲಿ ಒಂದು ವಾರ ಒಟ್ಟಿಗೆ ಕಳೆಯಲಿದ್ದಾರೆ ಎಂದು ತಿಳಿಸಿದ್ದಾರೆ. ಇನ್ನೂ ಏರ್​ಪೋರ್ಟ್​ನಲ್ಲಿ, ನಾವು ಯಾವುದೇ ಈವೆಂಟ್​ಗಾಗಿ ಹೋಗುತ್ತಿಲ್ಲ ಎಂದು ಅರ್ಜುನ್​ ಕಪೂರ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ಬಾಲಿವುಡ್ ನಿರ್ದೇಶಕ ಮಧುರ್ ಭಂಡಾರ್ಕರ್ ಕುಕ್ಕೆಗೆ ಭೇಟಿ, ವಿಶೇಷ ಪೂಜೆ ಸಲ್ಲಿಕೆ

ಇನ್ನೂ ಏಕ್ ವಿಲನ್ ರಿಟರ್ನ್ಸ್‌ನಲ್ಲಿ ಅರ್ಜುನ್ ಕಾಣಿಸಿಕೊಳ್ಳಲಿದ್ದಾರೆ. ಇದರಲ್ಲಿ ಜಾನ್ ಅಬ್ರಹಾಂ, ದಿಶಾ ಪಟಾನಿ ಮತ್ತು ತಾರಾ ಸುತಾರಿಯಾ ಸಹ ನಟಿಸಿದ್ದಾರೆ. ಈ ಚಿತ್ರವು 2014ರಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಶ್ರದ್ಧಾ ಕಪೂರ್ ಅಭಿನಯದ ಏಕ್ ವಿಲನ್ ಚಿತ್ರದ ಮುಂದುವರಿದ ಭಾಗವಾಗಿದೆ. ಚಿತ್ರತಂಡ ಕಳೆದ ವರ್ಷ ಚಿತ್ರೀಕರಣವನ್ನು ಪೂರ್ಣಗೊಳಿಸಿದೆ. ಜುಲೈ 8ರಂದು ಬಿಡುಗಡೆಯಾಗಬೇಕಿತ್ತು, ಆದರೆ, ಚಿತ್ರ ತಯಾರಕರು ಈ ತಿಂಗಳ ಕೊನೆ ಅಂದರೆ 29ಕ್ಕೆ ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದಾರೆ.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.