ದಾವಣಗೆರೆ: ಪೊಲೀಸರು ರಕ್ಷಕರಲ್ಲ ಭಕ್ಷಕರು ಎಂದು ಹೇಳುವುದು ಸಾಮಾನ್ಯ. ಆದರೆ, ಅದೇ ಇಲಾಖೆಯ ಕೆಲ ಪೊಲೀಸರು ಜನಸಾಮಾನ್ಯರು ಸಂಚರಿಸುವಾಗ ತೊಂದರೆಯಾಗಬಾರದು ಎಂಬ ಕಾರಣಕ್ಕೆ ರಸ್ತೆ ಗುಂಡಿಗೆ ಮಣ್ಣು ಹಾಕಿ ಗುಂಡಿ ಮುಚ್ಚುವ ಮೂಲಕ ಜನ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
constable covered potholes: ದಾವಣಗೆರೆಯ ಸಂಚಾರಿ ಠಾಣೆ ಕಾನ್ಸ್ಟೇಬಲ್ ಹೇಮಣ್ಣ ಅವರು ರಸ್ತೆಯಲ್ಲಿನ ಗುಂಡಿ ಮುಚ್ಚುವ ಕೆಲಸ ಮಾಡಿದ್ದಾರೆ. ನಗರದ ಸರ್ಕಲ್‌ನಲ್ಲಿ ಬಾಯಿಬಿಟ್ಟಿದ್ದ ದೊಡ್ಡ ಗುಂಡಿಗಳನ್ನು ಹೇಮಣ್ಣ ಮುಚ್ಚುತ್ತಿದ್ದಾರೆ.
ಮಳೆಯಿಂದ ಗುಂಡಿಗಳು ಬಿದ್ದಿದ್ದು, ಈ ಗುಂಡಿಗಳಿಂದ ಜನಸಾಮಾನ್ಯರಿಗೆ ತೊದರೆಯಾಗುತ್ತಿತ್ತು. ಇದಲ್ಲದೇ ವಾಹನ ಸವಾರರಿಗೆ ಕೂಡ ಗುಂಡಿಗಳಿಂದ ಅಪಘಾತವಾಗುವ ಸಂಭವ ಹೆಚ್ಚಾಗಿತ್ತು. ಇದರಿಂದ ಎಚ್ಚೆತ್ತುಕೊಂಡ ಕಾನ್ಸ್ಟೇಬಲ್ ಹೇಮಣ್ಣನವರು ಸಂಚಾರಕ್ಕೆ ತೊಂದರೆಯಾಗುತ್ತಿದ್ದ ಗುಂಡಿಗಳುನ್ನು ಬರಿಗೈಯಿಂದಲೇ ಜಲ್ಲಿ ತುಂಬಿಕೊಂಡು ಬಂದು ಮುಚ್ಚುತ್ತಿರುವ ದೃಶ್ಯಗಳನ್ನು ಸಾರ್ವಜನಿಕರು ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ.
ಇದನ್ನೂ ಓದಿ: ACB Raid: ದಾವಣಗೆರೆ, ದೊಡ್ಡಬಳ್ಳಾಪುರದಲ್ಲೂ ಅಧಿಕಾರಿಗಳಿಗೆ ಎಸಿಬಿ ಶಾಕ್
