ಹೈದರಾಬಾದ್: ನಾವು ಗಳಿಸಿದ್ದೆಲ್ಲವನ್ನೂ ಖರ್ಚು ಮಾಡಿದರೆ ನಮ್ಮ ಭವಿಷ್ಯವೇನು?. ಆರ್ಥಿಕ ಭದ್ರತೆ ಮತ್ತು ಸ್ವಂತ ಮನೆಯಂತಹ ಕನಸುಗಳನ್ನು ನಾವು ಹೇಗೆ ಸಾಧಿಸಬಹುದು?. ಪ್ರತಿಯೊಬ್ಬರೂ ಈ ಬಗ್ಗೆ ಒಂದಿಲ್ಲ ಒಂದು ಬಾರಿ ಯೋಚಿಸಿಯೇ ಇರುತ್ತೇವೆ. ಮತ್ತು ಇಂತಹ ಸಮಸ್ಯೆಯನ್ನೂ ಎದುರಿಸಿರುತ್ತೇವೆ.
ನೀವು ಉಳಿತಾಯ ಮಾಡಿಲ್ಲವೇ? ಹಾಗಾದರೆ ಈಗಿನಿಂದಲೇ ಆ ಬಗ್ಗೆ ಯೋಚನೆ ಮಾಡಿ ಮುಂದುವರೆಯಿರಿ. ನಿಮ್ಮ ಮಾಸಿಕ ಗಳಿಕೆಯಲ್ಲಿ ಒಂದು ಸಣ್ಣ ಮೊತ್ತವನ್ನು ತಪ್ಪದಂತೆ ಕ್ರಮಬದ್ಧತೆಯೊಂದಿಗೆ ಉಳಿಸುವ ಅಭ್ಯಾಸ ಬೆಳೆಸಿಕೊಳ್ಳಿ. ವಿಮಾ ಪ್ರೀಮಿಯಂ, ಗೃಹ ಸಾಲದ ಬಡ್ಡಿ ಮತ್ತು ಅಂತಹ ಎಲ್ಲ ವ್ಯವಹಾರ ಅಥವಾ ಉಳಿತಾಯಗಳು ವೆಚ್ಚಗಳೇ ಆಗಿವೆ. ಆದರೂ ನಮ್ಮ ಗಳಿಕೆಯ ಸ್ವಲ್ಪ ಭಾಗವನ್ನು ನಿಯಮಿತವಾಗಿ ಹೂಡಿಕೆ ಮಾಡುವ ಮೂಲಕ ಹಣವನ್ನು ಕೂಡಿಟ್ಟು ಉತ್ತಮ ಭವಿಷ್ಯವನ್ನು ರೂಪಿಸಿಕೊಳ್ಳಬೇಕಿದೆ.
ವ್ಯವಸ್ಥೆ ಹೂಡಿಕೆ ಮುಂದಿನ ಭವಿಷ್ಯಕ್ಕೆ ರಹದಾರಿ: ಈಗಿಗ ಜನ ವ್ಯವಸ್ಥಿತ ಹೂಡಿಕೆ ಯೋಜನೆ SIP ಮ್ಯೂಚುವಲ್ ಫಂಡ್‌ನಲ್ಲಿ ಹೆಚ್ಚಾಗಿ ಹೂಡಿಕೆ ಮಾಡುತ್ತಿದ್ದಾರೆ. ಇದು ಸುರಕ್ಷಿತ ಎಂಬ ಭಾವನೆ ಹಲವರಲ್ಲಿದೆ. ಇದು ನಿಜ ಕೂಡಾ. ಆದರೆ, ಇದೊಂದೆ ಹೂಡಿಕೆಗೆ ಇರುವ ಏಕೈಕ ಮಾರ್ಗವಲ್ಲ. ಬ್ಯಾಂಕ್ ಠೇವಣಿಗಳು, ಸುಕನ್ಯಾ ಸಮೃದ್ಧಿ ಯೋಜನೆ, ಸಾರ್ವಜನಿಕ ಭವಿಷ್ಯ ನಿಧಿ, ಮಾರುಕಟ್ಟೆ ಲಿಂಕ್ಡ್ ವಿಮೆಗಳಲ್ಲಿ ನಮ್ಮ ಉಳಿತಾಯದ ಹಣ ಹೂಡಿಕೆ ಮಾಡಿ ಭವಿಷ್ಯದಲ್ಲಿ ಉತ್ತಮ ಲಾಭವನ್ನು ಗಳಿಸಬಹುದು.
ಷೇರುಗಳು, ಇಟಿಎಫ್‌ಗಳು, ಚಿನ್ನದ ನಿಧಿಗಳು ಸೇರಿದಂತೆ ವಿವಿಧ ಮೂಲಗಳಲ್ಲಿ ನಿಮ್ಮ ಹಣವನ್ನು ಎಚ್ಚರಿಕೆಯಿಂದ ಹಾಗೂ ಸಂಪೂರ್ಣ ಮಾಹಿತಿಯೊಂದಿಗೆ ಹೂಡಿಕೆ ಮಾಡಬಹುದು. ಹಣಕಾಸಿನ ಅಗತ್ಯತೆಗಳು ಮತ್ತು ಸಾಮರ್ಥ್ಯವನ್ನು ನೋಡಿಕೊಂಡು ಯಾವುದರಲ್ಲಿ ಹೂಡಬೇಕು ಹಾಗೂ ಯಾವ ಯೋಜನೆ ಉತ್ತಮ ಲಾಭ ತಂದುಕೊಡುತ್ತವೆ ಎಂಬುದನ್ನು ನೋಡಿಕೊಂಡು - ತಿಳಿದುಕೊಂಡು ಹಣ ತೊಡಗಿಸಬೇಕು. ಈ ಆಯ್ಕೆ ಮಾಡುವಾಗ, ಅಪಾಯ, ನಿರೀಕ್ಷಿತ ಆದಾಯ ಮತ್ತು ಉದ್ದೇಶ ಸ್ಪಷ್ಟವಾಗಿರಬೇಕು.
ಗಳಿಕೆ ಮಾಡುತ್ತಿದ್ದರೆ ಕಡ್ಡಾಯವಾಗಿ ಒಂದಿಷ್ಟು ಉಳಿತಾಯ ಒಳಿತು: ನಾವು ನಮ್ಮ ಗಳಿಕೆಯನ್ನು ಪ್ರಾರಂಭಿಸಿದ ತಕ್ಷಣ ಹೂಡಿಕೆ ಪ್ರಾರಂಭಿಸಬೇಕು. ಅದನ್ನು ನಾವು ನಮ್ಮ ನಿವೃತ್ತಿಯವರೆಗೂ ಮುಂದುವರಿಸಬೇಕು. 30 ವರ್ಷಗಳವರೆಗೆ ತಿಂಗಳಿಗೆ 1,000 ಹೂಡಿಕೆ ಮಾಡಿದರೆ ಸಾಕು, ನಾವು 30 ವರ್ಷಗಳ ನಂತರ 1.4 ಕೋಟಿ ರೂಗಳನ್ನು ಗಳಿಸಬಹುದು. (ಈ ಲೆಕ್ಕ ಶೇ 18 ಪ್ರತಿಶತ ವಾರ್ಷಿಕ ಬಡ್ಡಿದರದಲ್ಲಿ ಮಾಡಲಾಗಿದೆ)
ಸ್ಪಲ್ಪ ಯೋಚಿಸಿ ಹಾಗೂ ಸ್ಮಾರ್ಟ್ ಆಗಿ ಹಣ ಹೂಡಿಕೆ ಮಾಡಿದರೆ ಎಲ್ಲರೂ ಮಿಲಿಯನೇರ್ ಆಗಬಹುದು. SIP ಯೋಜನೆಯ ಹಿಂದಿನ ತಂತ್ರವೆಂದರೆ ಹೆಚ್ಚುವರಿ ಸಣ್ಣ ಮೊತ್ತವನ್ನು ವ್ಯವಸ್ಥಿತವಾಗಿ ನಿರ್ದಿಷ್ಟ ಅವಧಿಯಲ್ಲಿ ಹೂಡಿಕೆ ಮಾಡುವುದು. ಈ ಹೂಡಿಕೆಗಳನ್ನು ಅಡೆತಡೆಯಿಲ್ಲದೇ ಮಾಡಲು ನಿರ್ದಿಷ್ಟ ಹಣಕಾಸಿನ ಉದ್ದೇಶಗಳನ್ನು ಅದಕ್ಕೆ ಲಿಂಕ್ ಮಾಡಬೇಕು.
ಈ ಎಲ್ಲ ಅಗತ್ಯಗಳಿಗೆ ನಿಯಮಿತ ಹೂಡಿಕೆ ಅಗತ್ಯ: ಮಕ್ಕಳ ಶಿಕ್ಷಣ, ಸ್ವಂತ ಮನೆ ಮತ್ತು ನಿವೃತ್ತಿ ನಿಧಿಗೆ ನಿಯಮಿತವಾಗಿ ಹಣವನ್ನು ನಿಗದಿ ಮಾಡಲೇಬೇಕು. ಈ ಪ್ರತಿಯೊಂದು ಗುರಿಗಳಿಗೆ ಒಂದು SIP ಅಥವಾ ಇವೆಲ್ಲವನ್ನೂ ಪೂರೈಸಲು ಒಂದು ಹೆಚ್ಚಿನ ಮೌಲ್ಯದ SIP ತೆಗೆದುಕೊಳ್ಳಬಹುದು.
20 ರಿಂದ 40 ವರ್ಷಗಳ ಅವಧಿಗೆ ಮತ್ತು ಆರೋಗ್ಯ ಪಾಲಿಸಿಗಳಿಗೆ ಪಾವತಿಸಿದ ಹಣ ಎಲ್ಲವೂ ನಮ್ಮ ಆದಾಯದ ಒಂದು ಭಾಗವಾಗಿದೆ. ಅಷ್ಟೇ ಅಲ್ಲ ಇದು ವೆಚ್ಚವೂ ಹೌದು. ಹಾಗಾಗಿ ನಾವು ಮಾಡಿದ ವೆಚ್ಚವನ್ನು ಮರಳಿ ಪಡೆಯಲು, ನಿಮ್ಮ ವಾರ್ಷಿಕ ಪ್ರೀಮಿಯಂನ ಕನಿಷ್ಠ 5 ರಿಂದ 10 ಪ್ರತಿಶತದಷ್ಟು ಮೊತ್ತದೊಂದಿಗೆ SIP ಹೂಡಿಕೆ ಮಾಡುವುದು ಉತ್ತಮ.
ಗೃಹ ಸಾಲದ ಬಡ್ಡಿ ಕಡಿಮೆಯೇ ಇರಬಹುದು.. ಆದರೆ?: ಗೃಹ ಸಾಲದ ಬಡ್ಡಿ ಕಡಿಮೆ ಇರಬಹುದು. ಆದರೆ, 20 ರಿಂದ 30 ವರ್ಷಗಳ ಅವಧಿಯ ದೀರ್ಘಾವಧಿ ಕಾರಣ ಇದು ಸಾಕಷ್ಟು ಹೊರೆ ಕೂಡಾ. ನೀವು 20 ವರ್ಷಗಳವರೆಗೆ 9 ಶೇಕಡಾ ಬಡ್ಡಿಯಲ್ಲಿ 18,000 ರೂ. EMI ಪಾವತಿಸಿದರೆ, ಒಟ್ಟು ಬಡ್ಡಿಯು 23.18 ಲಕ್ಷ ರೂ ಆಗುತ್ತೆ. ಬಡ್ಡಿ ಮತ್ತು ಅಸಲು ಸೇರಿ ಒಟ್ಟು 43.18 ಲಕ್ಷ ರೂಗಳನ್ನು ನಾವು ಪಾವತಿಸಬೇಕಾಗುತ್ತದೆ.
ನೀವು 12 ಪ್ರತಿಶತ ಆದಾಯದ ಯೋಜನೆಗಳಲ್ಲಿ EMI ನ ಶೇ 10 ಪ್ರತಿಶತದಷ್ಟು ಅಂದರೆ, 1,800 ರಿಂದ 2,000 ರೂ.ಗಳ ಮೊತ್ತದ SIP ಹೂಡಿಕೆಯನ್ನು ಮಾಡಿದರೆ, 20 ವರ್ಷಗಳ ನಂತರ ನೀವು 18 ಲಕ್ಷದಿಂದ 20 ಲಕ್ಷ ರೂ. ಹಣ ಪಡೆದುಕೊಳ್ಳಬಹುದು. ನಾವು ದುಬಾರಿ ಉಪಕರಣಗಳು, ಕಾರು, ಬೈಕು ಮತ್ತು ಮುಂತಾದವುಗಳನ್ನು ಖರೀದಿಸಿದಾಗಲೂ, ಅಂತಹ ಖರ್ಚುಗಳನ್ನು ಸರಿದೂಗಿಸಲು ಸೂಕ್ತವಾದ SIP ಯೋಜನೆಗಳನ್ನು ತೆಗೆದುಕೊಳ್ಳಬೇಕು.
ಈ ಅಂಶಗಳನ್ನು ನೆನಪಿಡಿ: ಹಣದುಬ್ಬರಕ್ಕಿಂತ ಹೆಚ್ಚಿನ ಆದಾಯವನ್ನು ನೀಡುವ ಯೋಜನೆಗಳಲ್ಲಿ ಸುರಕ್ಷಿತ ಹೂಡಿಕೆಗಳನ್ನು ಮಾಡಬೇಕು. ಹೂಡಿಕೆಯ ಮೂಲಕ ಎರಡನೇ ಆದಾಯವನ್ನು ಸೃಷ್ಟಿಸಬೇಕು. ಆದಾಯ ಗಳಿಸುವವರಿಗೆ ಜೀವ ವಿಮಾ ಯೋಜನೆ ಮತ್ತು ಇಡೀ ಕುಟುಂಬಕ್ಕೆ ಆರೋಗ್ಯ ವಿಮೆ ಅತ್ಯಗತ್ಯ. 3 ರಿಂದ 6 ತಿಂಗಳವರೆಗೆ ತುರ್ತು ನಿಧಿಯ ಅವಶ್ಯಕತೆ ಇದೆ.
ತೀರಾ ಅನಿವಾರ್ಯ ಎಂದಾಗ ಮಾತ್ರ ಖರ್ಚು ಮಾಡಿ. ಇದು ಅನಿವಾರ್ಯ ಅಲ್ಲ ಎಂದರೆ ಮುಂದೂಡುವುದು ಸೂಕ್ತ. ಮೋಸದ ಜಾಹೀರಾತುಗಳನ್ನು ನಂಬಬೇಡಿ. ಹಠಾತ್ ಹೂಡಿಕೆಗಳನ್ನು ತಪ್ಪಿಸಿ. ಆರಂಭಿಕ ಹೂಡಿಕೆ ಪ್ರಾರಂಭಿಸಿ, ನಿಯಮಿತವಾಗಿ ಮತ್ತು ದೀರ್ಘಾವಧಿ ಹೂಡಿಕೆ ಮಾಡುವುದು ಉತ್ತಮ. ಇದು ನಿಮ್ಮ ಆರ್ಥಿಕ ಯಶಸ್ಸಿಗೆ ದಾರಿ ಮಾಡಿಕೊಡುತ್ತದೆ.
ಇದನ್ನು ಓದಿ:ಮುಂಬೈನಿಂದ ಕರ್ನಾಟಕಕ್ಕೆ ಫೋನ್ ಪೇ ಕಚೇರಿ ಸ್ಥಳಾಂತರ
