ನವದೆಹಲಿ: ಭಾರತದ ಆರ್ಥಿಕ ಬೆಳವಣಿಗೆಯು ತ್ವರಿತವಾಗಿ ಚೇತರಿಸಿಕೊಳ್ಳಲಿದೆ. ವರ್ಷದಿಂದ ವರ್ಷಕ್ಕೆ ಭಾರತದ Q2FY22 ಜಿಡಿಪಿ( ಒಟ್ಟು ದೇಶೀಯ ಉತ್ಪನ್ನ) ಚೇತರಿಕೆ ಕಾಣುತ್ತಿದ್ದು, ಈ ಭಾರಿ ಅದು ಶೇಕಡಾ 8.5 ರಷ್ಟು ಬೆಳವಣಿಗೆಯಾಗುವ ನಿರೀಕ್ಷೆಯಿದೆ ಎಂದು ಅಕ್ಯೂಟ್ ರೇಟಿಂಗ್ಸ್ ಏಜೆನ್ಸಿ ತನ್ನ ಇತ್ತೀಚಿನ ವರದಿಯಲ್ಲಿ ತಿಳಿಸಿದೆ.
ರೇಟಿಂಗ್ ಏಜೆನ್ಸಿ ನೀಡಿದ ಮಾಹಿತಿ ಪ್ರಕಾರ, ಕೋವಿಡ್‌ ಲಾಕ್ಡೌನ್ ಹಾಗೂ ನಿರ್ಬಂಧಗಳನ್ನು ಹಂತಹಂತವಾಗಿ ತೆರವುಗೊಳಿಸಿದ ನಂತರ ಗ್ರಾಹಕರ ಬೇಡಿಕೆ, ಖರ್ಚು ಮತ್ತು ಉತ್ಪಾದನಾ ಚಟುವಟಿಕೆಗಳು ಚೇತರಿಸಿಕೊಳ್ಳುತ್ತಿವೆ. ಗ್ರಾಹಕ ಸರಕುಗಳ ಬೆಲೆಗಳೂ ಗಗನಮುಖಿಯಾಗಿ ಏರತೊಡಗಿವೆ. ಲಾಕ್ಡೌನ್ ನಿರ್ಬಂಧಗಳನ್ನು ತೆಗೆದುಹಾಕಿದ್ದರಿಂದ ಜಿಡಿಪಿ ಬೆಳೆಯಲು ಸಹಕಾರಿಯಾಗುತ್ತಿದೆ ಎಂದು ಅಕ್ಯೂಟ್ ರೇಟಿಂಗ್ಸ್ ತಿಳಿಸಿದೆ.
ಇದನ್ನೂ ಓದಿ: ಕೋವಿಡ್‌ ಲಸಿಕೆ ಖರೀದಿ: ಭಾರತಕ್ಕೆ 11,185 ಕೋಟಿ ರೂ ಎಡಿಬಿ ಸಾಲ ಸೌಲಭ್ಯ
Q2FY22 ರಲ್ಲಿ YoY (year-on-year) ಆಧಾರದ ಮೇಲೆ ಶೇಕಡಾ 7.5 GVA (Gross value added) ಬೆಳವಣಿಗೆಯನ್ನು ಊಹಿಸಲಾಗಿದೆ. ಆರ್ಥಿಕತೆಯು ಕೈಗಾರಿಕಾ ವಲಯದ ಸಾಪೇಕ್ಷ ಸ್ಥಿತಿಸ್ಥಾಪಕತ್ವ ಮತ್ತು ಸುಧಾರಿತ ಚಲನಶೀಲತೆ, ರಫ್ತು ಮತ್ತು ಸುಧಾರಿತ ಸರ್ಕಾರಿ ಬಂಡವಾಳ ವೆಚ್ಚಗಳೊಂದಿಗೆ ಸೇವಾ ವಲಯದಲ್ಲಿ ಕ್ರಮೇಣ ಏರಿಕೆ ಕಂಡುಬರಲಿದೆ ಎಂದು ಅಕ್ಯೂಟ್ ರೇಟಿಂಗ್ಸ್ ಹೇಳಿದೆ.
ಇದನ್ನೂ ಓದಿ: 60 ಸಾವಿರ ರೂ. ನಾಣ್ಯಗಳ ಠೇವಣಿಗೆ ನಿರಾಕರಿಸಿದ ಬ್ಯಾಂಕ್.. ಮುಂದೆ ನಡೆದಿದ್ದೇನು?
