ಪುರುಷನ ಸಂಪರ್ಕವಿಲ್ಲದೇ ತಾಯಿಯಾದ ಮಹಿಳೆ..: ಸಿಂಗಲ್ ಮದರ್ ಪಟ್ಟಕ್ಕೇರಿದ ಸಂಯುಕ್ತಾ

author img

By

Published : Sep 10, 2021, 12:10 PM IST

Updated : Sep 10, 2021, 1:17 PM IST

samyukta-became-a-single-mom-with-sperm-donation-in-bhopal

ಆಲ್​ ಇಂಡಿಯಾ ರೇಡಿಯೋದಲ್ಲಿ ಕೆಲಸ ಮಾಡುತ್ತಿರುವ ಮಧ್ಯಪ್ರದೇಶದ ಭೋಪಾಲ್ ಮೂಲದ 37 ವರ್ಷದ ಸಂಯುಕ್ತ ಬ್ಯಾನರ್ಜಿ ಪತಿಯಿಲ್ಲದೇ ತಾಯಿಯ ಪಟ್ಟಕ್ಕೆ ಏರಿದ್ದಾರೆ.

ಭೋಪಾಲ್(ಮಧ್ಯಪ್ರದೇಶ): ​ಹಳೆಯ ಕಟ್ಟುಪಾಡುಗಳನ್ನು ಗಾಳಿಗೆ ತೂರಿ ಇಲ್ಲೊಬ್ಬ ಯುವತಿ ತಾಯಿಯಾಗಿದ್ದಾರೆ. ವೀರ್ಯಾಣು ದಾನ ಪಡೆದು, ತಾಯಿಯಾಗಿರುವ ಈ ಧೈರ್ಯಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಷ್ಟೇ ಅಲ್ಲದೇ, ಮನೆಯವರೂ ಸಂಬಂಧಿಗಳೂ ಕೂಡಾ ಈಕೆಯ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದ್ದಾರೆ.

ಆಲ್​ ಇಂಡಿಯಾ ರೇಡಿಯೋದಲ್ಲಿ ಕೆಲಸ ಮಾಡುತ್ತಿರುವ ಮಧ್ಯಪ್ರದೇಶದ ಭೋಪಾಲ್ ಮೂಲದ 37 ವರ್ಷದ ಸಂಯುಕ್ತಾ ಬ್ಯಾನರ್ಜಿ ಪತಿಯಿಲ್ಲದೇ ತಾಯಿಯ ಪಟ್ಟಕ್ಕೆ ಏರಿದ್ದಾರೆ. ಇದರಿಂದಾಗಿ ಸಾಮಾಜಿಕ ವಲಯದಲ್ಲಿ ಸಾಕಷ್ಟು ಚರ್ಚೆಯ ಜೊತೆಗೆ ಬೆಂಬಲವೂ ವ್ಯಕ್ತವಾಗುತ್ತಿದೆ.

ಸಂಯುಕ್ತಾ ಬ್ಯಾನರ್ಜಿ

ತುಂಬಾ ದಿನಗಳಿಂದ ಸಂಯುಕ್ತಾ ಬ್ಯಾನರ್ಜಿ ಬಹಳ ಸಮಯದಿಂದ ಮಗುವೊಂದನ್ನು ದತ್ತು ತೆಗೆದುಕೊಳ್ಳಲು ಪ್ರಯತ್ನಿಸುತ್ತಿದ್ದರು. ಮೂರು ಬಾರಿ ಮಗುವನ್ನು ದತ್ತು ತೆಗೆದುಕೊಳ್ಳಲು ಪ್ರಯತ್ನಿಸಿದ್ದು, ವಿಫಲವಾಗಿದ್ದರು. ಇದರಿಂದಾಗಿ ಆಕೆಯ ವೈದ್ಯರು ಐಸಿಐ ( ICI- Intracervical Insemination) ವಿಧಾನದಿಂದ ತಾಯಿಯಾಗುವಂತೆ ಸಲಹೆ ನೀಡಿದರು. ಈ ಸಲಹೆಯಂತೆ ಸಂಯುಕ್ತಾ ತಾಯಿಯಾಗಿದ್ದಾರೆ.

ಮದುವೆಯಾದರೂ...

ಸಿಂಗಲ್ ಮದರ್ ಆಗುವುದು ಅಷ್ಟೊಂದು ಸುಲಭವಲ್ಲ. ಆದರೂ ಸಂಯುಕ್ತಾ ತಮ್ಮ ನಿರ್ಧಾರಕ್ಕೆ ಬದ್ಧರಾಗಿದ್ದರು. 2008 ಏಪ್ರಿಲ್ 20ರಂದು ವಿವಾಹವಾಗಿದ್ದ ಸಂಯುಕ್ತಾಳ ಪತಿಗೆ ಮಕ್ಕಳು ಬೇಕಿರಲಿಲ್ಲ. ಆದರೆ, ಸಂಯುಕ್ತಾ ತಾಯ್ತನ ಸುಖ ಆಸ್ವಾದಿಸಬೇಕೆಂದು ಬಯಸಿದ್ದರು. ಇದರಿಂದಾಗಿ 2014ರಲ್ಲಿ ಸಂಯುಕ್ತಾ ಪತಿಯಿಂದ ಬೇರ್ಪಟ್ಟು, 2017ರಲ್ಲಿ ವಿಚ್ಛೇದನ ಪಡೆದರು. ಈಗ ಮಗುವೊಂದರ ತಾಯಿಯಾಗಿದ್ದಾರೆ.

ಇದನ್ನೂ ಓದಿ: ಅಫ್ಘಾನಿಸ್ತಾನದ ಪರ ಬ್ಯಾಟಿಂಗ್ ಮಾಡಿದ ನೆರೆಹೊರೆಯ ರಾಷ್ಟ್ರಗಳು: ಸರ್ಕಾರ ರಚನೆಗೆ ನೀಡಿದ ಸಲಹೆಯೇನು ಗೊತ್ತಾ?

Last Updated :Sep 10, 2021, 1:17 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.