ಹಿಲ್ ಹಾಫ್ ಮ್ಯಾರಥಾನ್: ಓಟದ ಮಧ್ಯೆಯೇ ರಾಷ್ಟ್ರೀಯ ಟೇಬಲ್ ಟೆನ್ನಿಸ್ ಆಟಗಾರ ಹೃದಯಾಘಾತದಿಂದ ಸಾವು

author img

By

Published : Sep 18, 2022, 4:51 PM IST

National table tennis player dies of heart attack at Satara Hill Half Marathon

ಮ್ಯಾರಥಾನ್ ಓಟದ ಮಧ್ಯೆಯೇ ಮಹಾರಾಷ್ಟ್ರದ ರಾಷ್ಟ್ರೀಯ ಟೇಬಲ್ ಟೆನ್ನಿಸ್ ಆಟಗಾರ ರಾಜ್​ ಪಟೇಲ್​ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ.

ಕೊಲ್ಹಾಪುರ (ಮಹಾರಾಷ್ಟ್ರ): ಮ್ಯಾರಥಾನ್​ನಲ್ಲಿ ಪಾಲ್ಗೊಂಡಿದ್ದ ರಾಷ್ಟ್ರೀಯ ಟೇಬಲ್ ಟೆನಿಸ್ ಆಟಗಾರರೊಬ್ಬರು ಹೃದಯಾಘಾತದಿಂದ ಮೃತಪಟ್ಟಿರುವ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ. ಕೊಲ್ಲಾಪುರದ ರಾಜ್ ಪಟೇಲ್ (32) ಎಂಬುವವರೇ ಮೃತ ಆಟಗಾರ.

ಸತಾರಾ ಜಿಲ್ಲೆಯಲ್ಲಿ ನಡೆದ 11ನೇ ಹಿಲ್ ಹಾಫ್ ಮ್ಯಾರಥಾನ್​ನಲ್ಲಿ ದೇಶ ಹಾಗೂ ವಿದೇಶಗಳಿಂದ ಏಳು ಸಾವಿರ ಸ್ಪರ್ಧಿಗಳು ಭಾಗವಹಿಸಿದ್ದರು. ಇದರಲ್ಲಿ ಕೊಲ್ಲಾಪುರದ ರಾಜ್ ಪಟೇಲ್ ಕೂಡ ಒಬ್ಬರು. ಆದರೆ, ಮ್ಯಾರಥಾನ್ ಓಟದ ಮಧ್ಯೆಯೇ ರಾಜ್​ ಪಟೇಲ್​ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

ರಾಜ್​ ಪಟೇಲ್ ​ಮೃತದೇಹವನ್ನು ಸತಾರಾ ಸರ್ಕಾರಿ ಆಸ್ಪತ್ರೆಗೆ ಮೃತ ಸಾಗಿಸಿದ್ದು, ಇಲ್ಲಿಯೇ ಮರಣೋತ್ತರ ಪರೀಕ್ಷೆ ನಡೆಯಲಿದೆ. ಅಲ್ಲದೇ, ಈ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದ ಇನ್ನೂ ಮೂವರು ಸ್ಪರ್ಧಿಗಳು ಗಾಯಗೊಂಡಿದ್ದು, ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ: ಮಹಮ್ಮದ್ ಶಮಿಗೆ ಕೋವಿಡ್: ಆಸ್ಟ್ರೇಲಿಯಾ ವಿರುದ್ಧದ ಟಿ20 ಸರಣಿಯಿಂದ ಔಟ್‌, ಉಮೇಶ್‌ಗೆ ಸ್ಥಾನ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.