ಮಧುಬನಿ(ಬಿಹಾರ) : ಇಂಡಿಯನ್ ಪ್ರೀಮಿಯರ್ ಲೀಗ್ ಸೇರಿ ಇತರೆ ಯಾವುದೇ ಕ್ರಿಕೆಟ್ ಪಂದ್ಯಗಳು ನಡೆಯುವಾಗ ದೇಶದ ಕೋಟ್ಯಂತರ ಜನರು ಡ್ರೀಮ್ ಇಲೆವನ್ ಆಡ್ತಾರೆ. ತಮ್ಮ ಕನಸಿನ ತಂಡ ಕಣಕ್ಕಿಳಿಸಿ, ಹಣ ಗೆಲ್ಲುತ್ತಾರೆ. ಇದರಲ್ಲಿ ಜಯ ಕಂಡವರಿಗಿಂತಲೂ ವಿಫಲರಾಗಿರುವ ಜನರೇ ಹೆಚ್ಚು. ಇಂತಹ ಅನೇಕ ನಿದರ್ಶನಗಳು ನಮ್ಮ ಮುಂದೆ ಕೂಡ ಇವೆ. ಆದರೆ, ಇಲ್ಲೋರ್ವ ಕ್ಷೌರಿಕ ದಾಖಲೆಯ 1 ಕೋಟಿ ರೂ. ಗೆದ್ದಿದ್ದಾನೆ.
ಬಿಹಾರದ ಮಧುಬನಿ ಜಿಲ್ಲೆಯ ಕ್ಷೌರಿಕ ಅಶೋಕ್, ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಗಳ ನಡುವಿನ ಪಂದ್ಯದಲ್ಲಿ 1 ಕೋಟಿ ರೂ. ಗೆದ್ದಿದ್ದಾರೆ. ಈ ಪಂದ್ಯದ ವೇಳೆ ತಮ್ಮ ಕನಸಿನ ತಂಡ ಆಯ್ಕೆ ಮಾಡಿದ್ದ ಅಶೋಕ್ ಇಷ್ಟೊಂದು ಹಣ ಗೆದ್ದಿದ್ದಾನೆ.
ಹೇರ್ ಕಟಿಂಗ್ ಸಲೂನ್ ನಡೆಸುವ ಅಶೋಕ್ ಠಾಕೂರ್, ಬಿಹಾರದ ಮಧುಬನಿಯ ಅಂಧರಥಾರಿ ಬ್ಲಾಕ್ನಲ್ಲಿ ಶಾಪ್ ಇಟ್ಟುಕೊಂಡಿದ್ದಾನೆ. ಜೀವನೋಪಾಯಕ್ಕಾಗಿ ಸಲೂನ್ ನಂಬಿಕೊಂಡಿರುವ ಅಶೋಕ್, ಈ ಹಿಂದೆ ಕೂಡ ಅನೇಕ ಸಲ ಡ್ರೀಮ್ ಇಲೆವೆನ್ನಲ್ಲಿ ತಂಡ ಇಳಿಸಿ, ಕೈ ಸುಟ್ಟುಕೊಂಡಿದ್ದಾರೆ.
ಇದನ್ನೂ ಓದಿರಿ: ತಂಡದ ಗೆಲುವಿನ ಸಂಪೂರ್ಣ ಶ್ರೇಯ ಕೋಚ್ ಮೆಕಲಮ್ಗೆ ಸಲ್ಲಬೇಕು : ಕೆಕೆಆರ್ ಕ್ಯಾಪ್ಟನ್ ಮಾರ್ಗನ್
ಆದರೆ, ಭಾನುವಾರ ರಾತ್ರಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಪಂದ್ಯದಲ್ಲಿ ಅವರ ಅದೃಷ್ಟ ಖುಲಾಯಿಸಿದೆ. 49 ರೂ. ಹೂಡಿಕೆ ಮಾಡಿದ್ದ ಆತ, ಡ್ರೀಮ್ ಇಲೆವೆನ್ ಮೂಲಕ 1 ಕೋಟಿ ರೂ. ಹಣ ಗೆದ್ದಿದ್ದಾರೆ. ಇದರಲ್ಲಿ ಶೇ.30ರಷ್ಟು ಕಡಿತಗೊಂಡು ಒಟ್ಟು 70 ಲಕ್ಷ ರೂ. ಅವರ ಅಕೌಂಟ್ಗೆ ಜಮಾವಣೆಯಾಗಲಿದೆ. ಈ ಹಣದಿಂದ ತಾನು ಮಾಡಿರುವ ಸಾಲ ತೀರಿಸಿ, ಹೊಸ ಮನೆ ಕಟ್ಟಲು ಅಶೋಕ್ ನಿರ್ಧರಿಸಿದ್ದಾನೆ.
