ಇಂಡಿಗೋ ವಿಮಾನಕ್ಕೆ ಬಾಂಬ್​ ಬೆದರಿಕೆ ಹಾಕಿದವ ಅರೆಸ್ಟ್​.. ಕಾರಣ ಮಾತ್ರ ಸಿಲ್ಲಿ

ಚೆನ್ನೈ: ಇಲ್ಲಿಂದ ದುಬೈಗೆ ಹೊರಟಿದ್ದ ವಿಮಾನಕ್ಕೆ ಬಾಂಬ್​ ಬೆದರಿಕೆ ಹಾಕಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ವಿಚಾರಣೆಯ ವೇಳೆ ವ್ಯಕ್ತಿ ನೀಡಿದ ಕಾರಣ ಮಾತ್ರ ಅಚ್ಚರಿ ಮೂಡಿಸಿದೆ. ಆತನ ತಂಗಿ ಮತ್ತು ಆಕೆಯ ಪತಿ ದುಬೈಗೆ ತೆರಳಬೇಕಿತ್ತು. ಅವರ ಕಿತ್ತಾಟದಿಂದ ವಿಮಾನ ತಪ್ಪುವ ಹಿನ್ನೆಲೆಯಲ್ಲಿ ಬಾಂಬ್​ ಇದೆ ಎಂದು ಹೇಳಿದ್ದಾಗಿ ಒಪ್ಪಿಕೊಂಡಿದ್ದಾನೆ.

ಚೆನ್ನೈನಿಂದ 7.20 ಕ್ಕೆ ಹೊರಡಬೇಕಿದ್ದ ಇಂಡಿಗೋ ವಿಮಾನ ಹಾರಾಟ ನಡೆಸಲು ಕೆಲವೇ ನಿಮಿಷಗಳ ಮುಂಚೆ ಆರೋಪಿ ಪೊಲೀಸ್​ ಕಂಟ್ರೋಲ್​ ರೂಮಿಗೆ ಕರೆ ಮಾಡಿ ವಿಮಾನದಲ್ಲಿ ಬಾಂಬ್​ ಇದೆ ಎಂದು ಹೇಳಿದ್ದ. ರ್ಷಣ ಈ ಬಗ್ಗೆ ವಿಮಾನ ನಿಲ್ದಾಣ ಪೊಲೀಸರಿಗೆ ಮಾಹಿತಿ ನೀಡಿದ ಬಳಿಕ, ಇಡೀ ವಿಮಾನವನ್ನು ಶೋಧ ನಡೆಸಲಾಯಿತು.

174 ಪ್ರಯಾಣಿಕರು ಈ ವೇಳೆ ಆತಂಕಕ್ಕೀಡಾಗಿದ್ದರು. ತಪಾಸಭೆ ಬಳಿಕ ವಿಮಾನದಲ್ಲಿ ಬಾಂಬ್ ಇಲ್ಲದ್ದನ್ನು ಖಚಿತಪಡಿಸಿಕೊಂಡು ತಡವಾಗಿ ವಿಮಾನ ದುಬೈಗೆ ಹಾರಿತು. ಕರೆ ಬಂದ ಮಾಹಿತಿ ಆಧರಿಸಿ ಚೆನ್ನೈನ ಮನಾಲಿ ಮೂಲದ ವ್ಯಕ್ತಿಯನ್ನು ಪತ್ತೆ ಹಚ್ಚಿ ಬಂಧಿಸಲಾಗಿದೆ.

ವಿಚಾರಣೆಯ ವೇಳೆ ಬಾಂಬ್​ ಬೆದರಿಕೆ ಕರೆ ಮಾಡಿದ ವ್ಯಕ್ತಿ, ತನ್ನ ತಂಗಿ ಮತ್ತು ಆಕೆಯ ಪತಿ ದುಬೈಗೆ ಹೋಗಬೇಕಿತ್ತು. ಆದರೆ, ಅವರ ಮಧ್ಯೆ ಕಿತ್ತಾಟವಾಗಿ ತೆರಳಲು ತಡವಾಯಿತು. ವಿಮಾನ ನಿಲ್ಲಿಸಲು ಬಾಂಬ್ ಬೆದರಿಕೆ ಹಾಕಿದೆ ಎಂದು ಬಾಯ್ಬಿಟ್ಟಿದ್ದಾನೆ.

ಓದಿ: ಮಾರಸಂದ್ರ ಟೋಲ್ ಬಳಿ ಬೈಕ್ ವ್ಹೀಲಿಂಗ್ ಮಾಡಿ ಯುವಕರ ಹುಚ್ಚಾಟ