ಜಿಮ್​ನಲ್ಲಿ ತನ್ನ ಕೆಣಕಿದವನಿಗೆ ಬುದ್ಧಿ ಕಲಿಸಿದ ದಿಶಾ ಪಟಾನಿ - ವಿಡಿಯೋ

author img

By

Published : May 22, 2022, 6:45 PM IST

ಜಿಮ್​ನಲ್ಲಿನ ಕಸರತ್ತಿನ ವಿಡಿಯೋ ಹಂಚಿಕೊಂಡ ದಿಶಾ ಪಟಾನಿ

ಬಾಲಿವುಡ್​ ಬೆಡಗಿ ದಿಶಾ ಪಟಾನಿ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಸಣ್ಣ ವಿಡಿಯೋವನ್ನು ಹಂಚಿಕೊಂಡಿದ್ದು, ಅವರು ಜಿಮ್‌ನಲ್ಲಿದ್ದಾಗ ಓರ್ವ ಬಂದು ಅಡ್ಡಲಾಗಿ ನಿಂತು ಕೆಣಕಿದ್ದಾನೆ. ಆತನಿಗೆ ದಿಶಾ ಕರಾಟೆ ಕಲೆಯ ಮೂಲಕ ಸರಿಯಾಗಿ ಪಾಠ ಕಲಿಸಿದ್ದಾರೆ.

ಮುಂಬೈ (ಮಹಾರಾಷ್ಟ್ರ) : ಬಾಲಿವುಡ್ ನಟಿ ದಿಶಾ ಪಟಾನಿ ಅವರು ಜಿಮ್‌ನಲ್ಲಿ ಪ್ರತಿನಿತ್ಯ ಬೆವರು ಹರಿಸುತ್ತಾರೆ. ಇಂದು ಮಹಿಳೆಯರಿಗೆ ತಮ್ಮನ್ನು ತಾವು ರಕ್ಷಿಸಿಕೊಳ್ಳುವುದು ಹೇಗೆ ಎಂಬುದನ್ನು ತಮ್ಮ ಸಾಹಸದ ಮೂಲಕ ತೋರಿಸಿದ್ದಾರೆ. ಮಾರ್ಷಲ್​ ಆರ್ಟ್ಸ್‌ನಲ್ಲಿ ಪಳಗಿರುವ ದಿಶಾ ಜಿಮ್‌ನಲ್ಲಿ ತನ್ನನ್ನು ಕೆಣಕಿದವನಿಗೆ ಸರಿಯಾಗಿ ಬುದ್ಧಿ ಕಲಿಸಿದ್ದಾರೆ.

ದಿಶಾ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಅವರು ಜಿಮ್‌ನಲ್ಲಿದ್ದರು. ಆಗ ತನ್ನ ಎದುರಿಗೆ ಬಂದು ಒಬ್ಬ ಕೆಣಕಿದಾಗ ಆತನಿಗೆ ಬೆಂಡತ್ತಿದ್ದಾರೆ. ಸಮರ ಕಲೆಯ ಕೌಶಲ್ಯಗಳನ್ನು ಪ್ರದರ್ಶಿಸಿ ಆತನನ್ನು ನೆಲಕ್ಕೆ ಕೆಡವಿ ಸಾಹಸ ಮೆರೆದಿರುವುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಈ ವಿಡಿಯೋದಲ್ಲಿ ಒದೆ ತಿಂದಿರುವ ವ್ಯಕ್ತಿ ದಿಶಾಗೆ ಪರಿಚಯಸ್ಥನಾಗಿದ್ದು, ಮಹಿಳೆಯರನ್ನು ಯಾರಾದರು ಬಂದು ಕೆಣಕಿದಾಗ ಅವರಿಗೆ ಹೇಗೆ ಪಾಠ ಕಲಿಸಬೇಕು ಎಂಬ ಸಾಮಾಜಿಕ ಮತ್ತು ರಕ್ಷಣಾತ್ಮಕ ಸಂದೇಶ ವಿಡಿಯೋದಲ್ಲಿದೆ.

ಇವರ ಈ ಪೋಸ್ಟ್​ ಪ್ರಸ್ತುತ ಮಿಲಿಯನ್​ಗಟ್ಟಲೇ ವೀಕ್ಷಣೆಗಳನ್ನು ಹೊಂದಿದೆ. ಟೈಗರ್‌ ಶ್ರಾಫ್​ ಸಹೋದರಿ ಕೃಷ್ಣಾ ಶ್ರಾಫ್ ದಿಶಾಳ ಕೌಶಲ್ಯವನ್ನು ಕಂಡು ಬೆರಗಾಗಿದ್ದು, ತುಂಬಾ ಚೆನ್ನಾಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: ನಾನು ಸಚಿವ ಸ್ಥಾನದ ಆಕಾಂಕ್ಷಿ ಎನ್ನುವ ಪ್ರಶ್ನೆಯೇ ಉದ್ಭವಿಸುವುದಿಲ್ಲ- ಜಗದೀಶ್ ಶೆಟ್ಟರ್

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.