ಈ ಆ್ಯಪ್‌ಗಳು ನಿಮ್ಮ ಫೋನಲ್ಲಿದ್ರೆ ಅಪಾಯ ಗ್ಯಾರಂಟಿ! ಚೆಕ್ ಮಾಡಿ..

author img

By

Published : Jun 23, 2022, 4:37 PM IST

beware of these malware apps on google play store delete from your phone now

ಗೂಗಲ್ ಪ್ಲೇ ಸ್ಟೋರ್​ನಲ್ಲಿರುವ ಆ್ಯಂಡ್ರಾಯ್ಡ್​ ಮಾಲ್​ವೇರ್ ನಿಮ್ಮ ಫೋನಿಗೆ ಬೇಡವಾದ ಜಾಹೀರಾತುಗಳನ್ನು ಕಳುಹಿಸಲಾರಂಭಿಸಬಹುದು. ಇದರಿಂದ ಬ್ಯಾಟರಿ ಬೇಗನೇ ಮುಗಿದು ಹೋಗಬಹುದು, ಫೋನ್ ಸಿಕ್ಕಾಪಟ್ಟೆ ಬಿಸಿಯಾಗಬಹುದು, ಬಳಕೆದಾರರು ಬಯಸಿದಂತೆ ಪೋನ್ ಕೆಲಸ ಮಾಡದಿರಬಹುದು ಹಾಗೂ ನಿಮಗೆ ಗೊತ್ತಾಗದೆ ಹಣಕಾಸು ವ್ಯವಹಾರಗಳೂ ನಡೆಯಬಹುದು.

ಗೂಗಲ್ ಪ್ಲೇ ಸ್ಟೋರ್​ನಲ್ಲಿ ಕೆಲವೊಂದು ಡೇಂಜರಸ್ ಆಡ್​ವೇರ್​ಗಳು ಹಾಗೂ ಡೇಟಾ ಕಳವು ಮಾಡುವ ಮಾಲ್​ವೇರ್​ ಆ್ಯಪ್​ಗಳಿರುವುದನ್ನು ಸೈಬರ್ ಸೆಕ್ಯೂರಿಟಿ ತಜ್ಞರು ತಿಂಗಳ ಹಿಂದೆ ಪತ್ತೆ ಮಾಡಿದ್ದರು. ಅದರಲ್ಲಿನ ಐದು ಆ್ಯಪ್​ಗಳು ಈವರೆಗೂ ಗೂಗಲ್ ಪ್ಲೇ ಸ್ಟೋರ್​ನಲ್ಲಿ ಲಭ್ಯವಿರುವುದು ಶಾಕಿಂಗ್ ನ್ಯೂಸ್ ಆಗಿದೆ. ಈ ಡೇಂಜರಸ್ ಆ್ಯಪ್​ಗಳು ಎರಡೂ ಮಿಲಿಯನ್​ಗೂ ಹೆಚ್ಚು ಬಾರಿ ಡೌನ್ಲೋಡ್ ಬೇರೆ ಆಗಿರುವುದು ಕಳವಳ ಮೂಡಿಸಿದೆ.

ಸ್ಪೈವೇರ್ ಆ್ಯಪ್​ಗಳು ಇತರ ಆ್ಯಪ್​ಗಳ ಡೇಟಾವನ್ನು ಸಹ ಕಳವು ಮಾಡುತ್ತವೆ ಎಂಬುದು ಗೊತ್ತಿರಲಿ. ಆ್ಯಂಡ್ರಾಯ್ಡ್​ ಫೋನುಗಳಿಗೆ ಈಗ ಆ್ಯಡ್​ವೇರ್ ಆ್ಯಪ್​ಗಳ ಮತ್ತು ಡೇಟಾ ಕಳವು ಮಾಡುವ ಟ್ರೋಜನ್​ಗಳ ದಾಳಿಯ ಭೀತಿ ಬಹಳ ಹೆಚ್ಚಾಗಿದೆ. ಇವುಗಳಿಂದ ಹೇಗೆ ಬಚಾವಾಗಬಹುದು ಎಂಬುದನ್ನು ಪ್ರತಿಯೊಬ್ಬ ಆ್ಯಂಡ್ರಾಯ್ಡ್​ ಬಳಕೆದಾರರು ತಿಳಿದುಕೊಳ್ಳುವುದು ಅಗತ್ಯ.

ಆ್ಯಂಡ್ರಾಯ್ಡ್​ ಮಾಲ್​ವೇರ್ ಹೇಗೆ ಕೆಲಸ ಮಾಡುತ್ತದೆ?

ಗೂಗಲ್ ಪ್ಲೇ ಸ್ಟೋರ್​ನಲ್ಲಿರುವ ಆ್ಯಂಡ್ರಾಯ್ಡ್​ ಮಾಲ್​ವೇರ್ ನಿಮ್ಮ ಫೋನಿಗೆ ಬೇಡವಾದ ಜಾಹೀರಾತುಗಳನ್ನು ಕಳುಹಿಸಲಾರಂಭಿಸಬಹುದು. ಇದರಿಂದ ಬ್ಯಾಟರಿ ಬೇಗನೇ ಮುಗಿದು ಹೋಗಬಹುದು, ಫೋನ್ ಸಿಕ್ಕಾಪಟ್ಟೆ ಬಿಸಿಯಾಗಬಹುದು, ಬಳಕೆದಾರರು ಬಯಸಿದಂತೆ ಪೋನ್ ಕೆಲಸ ಮಾಡದಿರಬಹುದು ಹಾಗೂ ನಿಮಗೆ ಗೊತ್ತಾಗದೆ ಹಣಕಾಸು ವ್ಯವಹಾರಗಳು ನಡೆಯಬಹುದು. ಇನ್ನು ಈ ಆ್ಯಂಡ್ರಾಯ್ಡ್​ ಮಾಲ್​ವೇರ್ ಫೋನಿಗೆ ಅಗತ್ಯವಾದ ಆ್ಯಪ್​ ಒಂದರ ರೀತಿಯಲ್ಲಿ ತನ್ನನ್ನು ಬಚ್ಚಿಟ್ಟುಕೊಳ್ಳಬಹುದು. ಯಾವ್ಯಾವುದೋ ಜಾಹೀರಾತುಗಳನ್ನು ನೀವು ನೋಡುವಂತೆ ಮಾಡಿ ಈ ಆ್ಯಪ್​ಗಳು ಹಣ ಮಾಡಬಹುದು.

ಡೇಟಾ ಕಳವು ಮಾಡುವ ಮಾಲ್​ವೇರ್​ಗಳು ಸಹ ಬಹಳವೇ ಅಪಾಯಕಾರಿ. ಇವು ನಿಮ್ಮ ಸೋಷಿಯಲ್ ಮೀಡಿಯಾ, ಬ್ಯಾಂಕ್ ಖಾತೆಗಳ ಪಾಸ್​ವರ್ಡ್​ ಹಾಗೂ ಲಾಗಿನ್ ಮಾಹಿತಿಗಳನ್ನು ಕಳವು ಮಾಡಬಲ್ಲವು.

ನಿಮ್ಮ ಫೋನಿನಲ್ಲಿ ಈ ಮಾಲ್​ವೇರ್​ಗಳಿದ್ದರೆ ತಕ್ಷಣ ಡಿಲೀಟ್ ಮಾಡಿ:

  1. ಪಿಪ್ ಪಿಕ್ ಕ್ಯಾಮೆರಾ ಫೋಟೊ ಎಡಿಟರ್ (PIP Pic Camera Photo Editor): ಈ ಆ್ಯಪ್ ಈಗಾಗಲೇ 1 ಮಿಲಿಯನ್​ಗೂ ಹೆಚ್ಚು ಬಾರಿ ​ಡೌನ್ಲೋಡ್ ಆಗಿದೆ. ಇಮೇಜ್ ಎಡಿಟಿಂಗ್ ಸಾಫ್ಟ್‌ವೇರ್​ನಲ್ಲಿ ಅಡಗಿರುವ ಮಾಲ್​ವೇರ್​ ನಿಮ್ಮ ಫೇಸ್​ಬುಕ್ ಲಾಗಿನ್ ಹಾಗೂ ಪಾಸ್​ವರ್ಡ್​ ಕಳವು ಮಾಡುತ್ತದೆ.
  2. ವೈಲ್ಡ್​ ಆ್ಯಂಡ್ ಎಕ್ಸೋಟಿಕ್ ಎನಿಮಲ್ ವಾಲ್ ಪೇಪರ್ (Wild and Exotic Animal Wallpaper): ಇದೊಂದು ರೂಪ ಬದಲಾಯಿಸುವ ಮಾಲ್​ವೇರ್ ಆಗಿದೆ. ಸಿಮ್ ಟೂಲ್ ಕಿಟ್ ಎಂದು ತನ್ನ ಹೆಸರು ಬದಲಾಯಿಸಿಕೊಂಡು ಬ್ಯಾಟರಿ ಸೇವಿಂಗ್ ಆಪ್ಷನ್​ನಿಂದ ಹೊರತಾಗಿಸಿಕೊಳ್ಳುತ್ತದೆ. ಇದು 5 ಲಕ್ಷ ಬಾರಿ ಡೌನ್ಲೋಡ್ ಆಗಿದೆ.
  3. ಝೋಡಿ ಹೋರೊಸ್ಕೋಪ್ - ಫಾರ್ಚ್ಯೂನ್ ಫೈಂಡರ್ (Zodi Horoscope - Fortune Finder): ಫೇಸ್​ಬುಕ್ ಐಡಿ ಪಾಸ್​ವರ್ಡ್​ ಕದಿಯುವ ಮತ್ತೊಂದು ಮಾಲ್​ವೇರ್ ಇದಾಗಿದೆ. 5 ಲಕ್ಷ ಬಾರಿ ಡೌನ್ಲೋಡ್ ಆಗಿದೆ.
  4. ಪಿಪ್ ಕ್ಯಾಮೆರಾ 2022 (PIP Camera 2022) : ಕ್ಯಾಮೆರಾ ಎಫೆಕ್ಟ್​ ರೂಪದಲ್ಲಿರುವ ಇದು ಫೇಸ್​ ಬುಕ್ ಐಡಿ ಪಾಸ್​ ವರ್ಡ್ ಕದಿಯುತ್ತದೆ. 50 ಸಾವಿರ ಡೌನ್ಲೋಡ್ ಆಗಿದೆ.
  5. ಮ್ಯಾಗ್ನಿಫೈಯರ್ ಫ್ಲ್ಯಾಶ್ ಲೈಟ್ (Magnifier Flashlight): ವಿಡಿಯೋ ಹಾಗೂ ಸ್ಟ್ಯಾಟಿಕ್ ಬ್ಯಾನರ್ ಆ್ಯಪ್ ಆಗಿರುವ ಇದೊಂದು ಮಾಲ್​ವೇರ್ ಆಗಿದೆ.
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.