दिल्ली नगर निगम चुनाव मा सीएम धामी: सीएम धामी न दिल्ली नगर निगम चुनाव थै लेकी आज ताबड़तोड़ प्रचार करी. एक ही दिन मा आज सीएम धामी न तीन रैली करीन. यू तीन रैली संतनगर, बुराड़ी और सादतपुर मा ह्लेन. तीनी रैलियूं मा सीएम धामी थै सुणनौ बड़ी संख्या मा लोग पौंछिन. दिल्ली मा जनसभा का दौरान सीएम धामी न आम आदमी पार्टी की सरकार पर जमकर हमला बोली.
संविधान दिवस का मौका पर करन माहरा न भाजपा थै घेरी: हर साल 26 नवंबरौ संविधान दिवस (Constitution Day 2022) मनये जांदू. आज ही का दिन आजाद भारत थै संविधान मिली छौ. संविधान दिवस (Constitution Day 2022) का मौका पर कांग्रेस प्रदेश मुख्यालय मा संगोष्ठी (Seminar at State Congress Headquarters) कु आयोजन करे गी. ज्या मा कांग्रेस प्रदेश अध्यक्ष करन महारा (Congress State President Karan Mahara) न भाजपा पर हमला बोली. करन माहरा न बोली आज लोकतांत्रिक मूल्यूं कु हनन किये जांणू च.
यूपी की तर्ज पर अपराधियूं पर कसे जालू शिकंजा: उत्तराखंड सरकार यूपी की तर्ज पर गैंगस्टर एक्ट का तहत कार्रवाई करी अपराधियूं पर लगाम लगौणै कोशिश कन्नी च. या कु थै लेकी उत्तराखंड पुलिस न योजना पर काम शुरू करेली. अब पुलिस अवैध रूप से अर्जित संपत्ति थै ध्वस्त कन्नै तैयारी कन्नी च. यां कु थै लेकी पुलिस मुख्यालय न विशेष योजनाबद्ध तरीके से प्लान तैयार करी राज्यभरै पुलिस थै भेजेली. दगड़ा मा ही यां कु थै सभी जिलों का पुलिस प्रभारियूं थै भी निर्देशित करे गी.
हल्द्वानी मा उच्च शिक्षा मंत्री न करी समीक्षा बैठक: कैबिनेट मंत्री धन सिंह रावत आजकल हल्द्वानी दौरा पर छन. आज हल्द्वानी दौरा का दूसरा दिन धन सिंह रावत न सर्किट हाउस मा अधिकारियूं की बैठक लिनी. ये दौरान धन सिंह रावत न अधिकारियूं थै विकास कार्यूं मा तेजी लौणा निर्देश दिनीन. धन सिंह रावत न अधिकारियूं थै गुणवत्ता की मॉनिटरिंग कन्नै बात भी बोली. बैठक का दौरान धन सिंह रावत न राष्ट्रपति पुरस्कार से सम्मानित शिक्षक और नर्सूं थै सम्मानित करी.
श्रीनगर मा शूटिंग प्रतियोगिता शुरू: श्रीनगर गढ़वाल मा आज बटी 11वीं राज्य स्तरीय पुलिस शूटिंग प्रतियोगिता शुरू ह्वे गी. शूटिंग प्रतियोगिता मा प्रदेशै 21 टीम हिस्सा लेंणी छन. गढ़वाल डीआईजी करण सिंह नगन्याल न ई शूटिंग प्रतियोगिता कु उद्घाटन करी. ये दौरान पौड़ी एसएसपी श्वेता चौबे भी कार्यक्रम मा मौजूद रैन. कार्यक्रम का दौरान गढ़वाल डीआईजी करण सिंह नगन्याल न ओपन फायर रेंजै कमी की बात बोली. ऊंन एसएसपी पौड़ी थै फायरिंग रेंजौ भूमि खोजणा निर्देश दिनीन..
किसान महापंचायत मा पौंछिन नरेश टिकैत: देहरादून मा आज किसान महापंचायत आयोजित करे गीय ई किसान महापंचायत मा भारतीय किसान यूनियन का राष्ट्रीय अध्यक्ष नरेश टिकैत पौंछिन. किसान महापंचायत मा नरेश टिकैत न गन्ना मूल्य सहित किसानूं की अन्य समस्याऊं थै लेकी चर्चा करी. ईटीवी भारत दगड़ि खास बातचीत मा नरेश टिकैत न केंद्र सरकार पर जमकर हमला बोली, दगड़ा मा ही ऊंन धामी सरकार का विकास कार्यूं की सराहना करी.
कज़ाखिस्तान मा पावर लिफ्टिंगै अंतरराष्ट्रीय प्रतियोगिता: कज़ाखिस्तान मा पावर लिफ्टिंगै अंतरराष्ट्रीय प्रतियोगिता(power lifting international competition) होंण वाली च. ज्या मा श्रीनगर का द्वी लाल भी हिस्सा ल्याला. अंतरराष्ट्रीय पावर लिफ़्टिंगै विभिन्न प्रतिस्पर्धाऊं मा हिस्सा लेणौ श्रीनगर निवासी आर्यन कंडारी और देवांश नौटियाल कज़ाखिस्तानौ(Aryan and Devansh Nautiyal left for Kazakhstan ) रवाना ह्वे गीन
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
Uttarakhand Board Exam 2023 थै लेकी बैठक: उत्तराखंड विद्यालयी शिक्षा परिषद द्वारा संचालित हाई स्कूल और इंटरमीडिएट बोर्ड परीक्षाऊं थै लेकी बोर्डे बैठक (Meeting regarding 2023 board exams) ह्वे. बैठकै अध्यक्षता परिषद निदेशक आरके कुंवर (Council Director RK Kunwar) न करी. ईं बैठक मा प्रदेश भर का मुख्य शिक्षा अधिकारियूं न प्रतिभाग करी. ये दौरान आरके कुंवर न बथै साल 2023 मा संपन्न होंण वाली बोर्डै प्रैक्टिकल परीक्षा फरवरी मा आयोजित होली, जबकि लिखित परीक्षाएं मार्च व अप्रैल मा होली.
जनवरी मा शुरू ह्ले सकदी जनगणना: उत्तराखंड मा जनगणना अगला साल जनवरी मा शुरू ह्ले सकदी. जनगणनै 2021 की शुरुआत अप्रैल 2020 से होंण छै, लेकिन कोरोना का कारण या जमगणना रुक गी छै. अब भारत का महा रजिस्ट्रार कार्यालय की ओर से या प्रक्रिया दोबारा शुरू होंण वाली च. अबरी जनगणना डिजिटल होली. यां का तहत मोबाइल एप का माध्यम से जनगणना मा हिस्सा लिये जै सकलू. पैली बार डिजिटल मोड मा जनगणना होंणी च.