अपणुं उत्तराखंडः दिनभरै खास खबर, एक नजर मा

author img

By

Published : Sep 28, 2022, 7:00 PM IST

Updated : Sep 28, 2022, 10:17 PM IST

Etv Bharat

अंकिता भंडारी का परिजनूं थै 25 लाखै आर्थिक सहायता,अंकिता हत्याकांड में केस लड़न से करी इंकार,कोश्यारी दगड़ि सीएम धामी की मुलाकात,हरिद्वार थै मिली बेस्ट गंगा टाउन कु अवॉर्ड,केदारनाथ मंदिर का गर्भगृह दर्शन कर सकला श्रद्धालु, ईनी बड़ी दिनभरै खास खबर, एक नजर

अंकिता भंडारी का परिजनूं थै 25 लाखै आर्थिक सहायता: मुख्यमंत्री पुष्कर सिंह धामी न अंकिता भंडारी का परिजनू थै 25 लाख रुप्या की आर्थिक सहायता देणौ घोषणा (Pushkar Singh Dhami has announced financial assistance)करी. या कु थै लेकी सीएम धामी न अधिकारियूं थै जरूरी निर्देश भी दिनी. मुख्यमंत्री धामी न बोली राज्य सरकार अंकिता का परिवार का दगड़ा च. ऊंन बोली पीड़ित परिवारै हर संभव मदद किये जाली. सीएम धामी न बोली ये मामला मा एसआईटी भी निष्पक्ष जांच कन्नी च. जल्द ही आरोप्यूं थै सजा दिये जाली .

अंकिता हत्याकांड में केस लड़न से करी इंकार: अंकिता भंडारी मर्डर केस का आरोपी पुलकित आर्य, अंकित और सौरभ भास्करै कोर्ट मा पैरवी कन्न से कोटद्वार का वकीलूं न इनकार करेली. ज्या का कारण आज यू आरोपियू की जमानत पर सुणवै नी ह्वे साकी. कोटद्वार बार एसोसिएशन का अध्यक्ष अजय पंत न बोली अगर अंकिता हत्याकांड थै लेकी क्वी अधिवक्ता भैर बटी ऐ की कैस लड़लू त ये कु विरोध किये जालू. बथै द्या आरोपियूं की न्यायिक हिरासत 6 अक्टूबरौ खत्म होंणी च.

अपणुं उत्तराखंड

कोश्यारी दगड़ि सीएम धामी की मुलाकात: सीएम पुष्कर सिंह धामी न आज दिल्ली मा महाराष्ट्र का राज्यपाल भगत सिंह कोश्यारी दगड़ि मुलाकात करी. ये दौरान द्वी यूं का बीच करीब दो घंटा बातचीत ह्वे. राज्य मा सियासी हलचल का बीच सीएम पुष्कर सिंह धामी और भगत सिंह कोश्यारी की मुलाकात काफी अहम मनै जांणी च. बथै द्या आजकल उत्तराखंड मा मंत्रियूं का बड़ा स्तर पर फेरबदलै चर्चा च, ज्यां का कारण या मुलाकात कई मायनों मा खास च.

हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.

हरिद्वार थै मिली बेस्ट गंगा टाउन कु अवॉर्ड: स्वच्छता सर्वेक्षण 2022 (Sanitation Survey 2022) मा नगर निगम हरिद्वार थै बेस्ट गंगा टाउन कु अवॉर्ड मिली. ज्या का बाद नगर निगम का अधिकारियूं और कर्मचारियूं मा काफी उत्साह नजर औंणू च. ये अवॉर्ड का पीछनै अधिकारियूं न नगर निगम का तमाम सफाई कर्मचारियूं और अपणा पार्षदूं कु हाथ बथै है. दगड़ा मा ही ऊंन उम्मीद जतै कि अगला साल यां से भी बेहतर परिणाम समणि आला.

देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.

चारधाम यात्रा मा बढणी यात्र्यूं की संख्या: चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.

केदारनाथ मंदिर का गर्भगृह दर्शन कर सकला श्रद्धालु: केदारनाथ यात्रा पर औंण वाला तीर्थयात्रियूं थै अच्छी खबर च. अब तीर्थयात्रि केदारनाथ मंदिर का गर्भगृह मा दर्शन कर सकला. यां से पैली केदारनाथ धाम औंण वाला श्रद्धालु सभा मंडप बटी ही भगवान केदारनाथ का ग्यारहवां ज्योतिर्लिंग का दर्शन कन्ना छा. जब तीर्थ पुरोहितूं न मंदिर समिति का खिलाफ आक्रोश दिखै, तब मंदिर समिति न अपणु निर्णय वापस लिनी, ज्या का बाद अब श्रद्दालु गर्भगृह का दर्शन कर सकला

उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 13 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,088 ह्वे गी, जबकि यां से मन्न वालौ की संख्या 332 च.

Last Updated :Sep 28, 2022, 10:17 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.