વડોદરા : શહેરના છેવાડે આવેલા સિંધરોટ ગામના એક જાણીતા ફાર્મ હાઉસની પાછળ ખેતરમાં આવેલા ગોડાઉનમાં ATSની ટીમે રાતના સમયે દરોડો કરી કાર્યવાહી હાથ ધરી હતી. ATSના દરોડામાં મોટાપાયે ડ્રગ્સ ઝડપાયું (drugs factory Raid in Vadodara) હોવાનું પ્રાથમિક તપાસમાં સપાટી પર આવ્યું છે. સિંધરોટ પાસે મહીસાગર કાંઠે લીલેરીયા ફાર્મ હાઉસની પાસેના ખેતરમાં શેડ બનાવીને Md ડ્રગ્સ બનાવવાની પ્રક્રિયા ચાલુ હોવાની બાતમી આધારે ATSની ટીમે તેમજ વડોદરા જિલ્લા પોલીસ ટીમની મદદ સાથે રાતના સાડા આઠ વાગે દરોડા પાડ્યા હતા. ફેક્ટરીમાં 500 કરોડથી વધુનું ડ્રગ્સ ઝડપાયું તેમજ 5થી વધુ વ્યક્તિની અટકાયત કર્યાના સુત્રો સામે આવ્યા છે. (Sindhrot village drugs factory)
ડ્રગ્સનો ગોરખધંધો મળતી માહીતી મુજબ ભેંસોના તબેલાની આડમાં મોટાપાયે ડ્રગ્સ ઝડપાયું હોવાની માહિતી પ્રાપ્ત થઇ છે. જેને લઈને કેટલા સમયથી આરોપીઓ આ ગોરખધંધો ચલાવતા હતા તે દિશામાં તપાસ હાથ ધરાઈ છે. ત્યારે સિંધરોટમાં (Police operation in Sindhrot) મોડી રાતથી લઈ અત્યાર સુધી ઓપરેશન ચાલુ હતું. સિંધરોટમાં કોણ કેવી અને કેટલી ભૂમિકા છે? તે દિશામાં પણ ATS તપાસ કરી રહી છે. આ ગોરખધંધામાં સામેલ લોકોને મંજુસરના કૌભાંડી સાથે કોઈ સંબંધ છે કે કેમ? તે દિશામાં પણ તપાસનો દોર આગળ વધાર્યો છે. આ ફેક્ટરીમાં ડ્રગ્સનું રો મટીરીયલ પકડાયું કે કેમિકલ તેની તપાસ ATS ટીમ કરી રહી છે. તપાસમાં FSL ની ટીમ સાથે વડોદરા SOG પોલીસ અને તાલુકા પોલીસ પણ તપાસમાં જોડાઈ છે. (Drugs seized in Vadodara)
500 કરોડથી વધુનું ડ્રગ્સ જોકે, સૂત્રો અનુસાર મળતી માહિતી મુજબ વડોદરા શહેર અને ગ્રામ્ય વિસ્તારમાં 2 ફેકટરીમાં ATSની કાર્યવાહી કરવામાં આવી હતી. જેમાં એક જગ્યાની માહિતી ગુપ્ત રખાઈ છે. તો બીજી તરફ બે ફેક્ટરીમાંથી ATSના દારોડામાં 500 કરોડથી વધુનું ડ્રગ્સ ઝડપાયું હોવાની માહિતી પ્રાપ્ત થઈ રહી છે. તેમજ 5 આરોપીની ધરપકડ કરવામાં આવી હોવાની પણ પ્રાથમિક વિગતો મળી છે.
તંત્રનો તપાસનો ધમધમાટ હાલ ડ્રગ્સ ક્યાં મોકલવામાં આવતું હતું અને ક્યાંથી મટીરીયલ આવતું (Drugs godown in Vadodara) હતું તે ATS તપાસ કરી રહી છે. ડ્રગ્સની ફેક્ટરી કોણ ચલાવતો હતો, કેટલા સમયથી ડ્રગ્સ બનતું હતું તેની તપાસ હાલ ચાલુ છે. આ ઓપરેશનમાં મોટી માત્રામાં ડ્રગ્સનો જથ્થો નીકળે તો નવાઈ નહીં. આ કાર્યવાહી હાલમાં ચાલુ છે અને કાર્યવાહી પૂર્ણ થયા બદાજ વધુ વિગતો મળી શકે છે. ઉલ્લેખનીય છે કે, થોડા સમય પહેલા સાવલી તાલુકાના મંજુસર ખાતે દરોડા કરીને ડ્રગ્સનું મોટું કારસ્તાન ઝડપી પાડયું હતું અને બે આરોપીની ધરપકડ કરી મોટાપાયે ડ્રગ્સ અને તેનો કાચો માલ પકડયો હતો. તે તપાસનો રેલો મોરબી સુધી ગયો હતો. (Vadodara ATS drugs factory raids)
