સુરતમાં રેડ કરવા ગયેલા GST અધિકારીને વેપારીએ બચકું ભર્યું

• સુરતમાં અજાબોગરીબ ઘટના આવી સામે
• રેડ કરવા ગયેલા અધિકારીને વેપારીએ બચકું ભર્યું
• અધિકારીને સિવિલ હોસ્પિટલ ખસેડ્યા

સુરત : સેન્ટ્રલ GST અધિકારી અમિત શર્મા અન્ય અધિકારીઓ અને કર્મચારીઓ સાથે ચોકબજાર વિસ્તારમાં રેડ કરવા ગયા હતા. પૂછપરછમાં સહયોગ નહીં આપનાર વેપારી સાથે બોલાચાલી થઈ અને અચાનક જ વેપારીએ હાથ પર બચકું ભરી લીધું હતું. આ જોઈ અન્ય અધિકારી અને કર્મચારીઓ આશ્ચર્યમાં મુકાઈ ગયા હતા. આ કૃત્ય બાદ જીએસટીના અન્ય કર્મચારીઓ વેપારીના હાથ પગ ઊંચકી કારમાં લઇ ગયા હતા.

અમિત શર્માએ મીડિયામાં કશું પણ બોલવા કર્યો ઈન્કાર

સૂફીયાન મહોમ્મદ નામના વેપારીએ બચકું ભરી જીએસટી અધિકારી અમિત શર્માને તાત્કાલિક સિવિલ હોસ્પિટલ ખાતે સારવાર અર્થે પહોંચ્યા હતા. જોકે, આ સમગ્ર મામલે અમિત શર્માએ મીડિયામાં કશું પણ બોલવા ઈન્કાર કર્યો હતો. જ્યારે તેમના જમણા હાથના કાંડા પર નિશાન સાફ જોઈ શકાતું હતું. અમિત શર્માએ સિવિલ હોસ્પિટલમાં MLC કેસ સાથે સારવાર લીધી હતી. જોકે, આરોપી ઉપર ફરજમાં રુકાવટનો કેસ પણ થઈ શકે છે.