ખેડૂતોની માંગઃ 'ડાંગર માટે ટેકાના ભાવ ભારત સરકાર ચૂકવે'

સુરતઃ અતિવૃષ્ટિ, ધોધમાર વરસાદ અને હવે વેપારીઓની રીંગના કારણે ખેડૂતો પડ્યા પર પાટું સમાન સ્થિતિમાં મુકાયા છે. વેપારીઓએ ટેકાના ભાવ કરતા ઓછા ભાવે ડાંગરની ખરીદી કરતા સહકારી મંડળીઓ દ્વારા વેચાણ બંધ કરી દેવામાં આવ્યું છે. જેના કારણે સહકારી મંડળીઓમાં 9 લાખથી વધુ ડાંગરની ગુણીનો જથ્થો જમા થયો છે.

જ્યાં સહકારી મંડળીમાં પડી રહેલા ડાંગરના જથ્થાનો ટેકાનો ભાવ સરકાર દ્વારા ચુકવવામાં આવે અથવા તો કોઈ અન્ય વિકલ્પ આપવામાં આવે તેવી માંગ ગુજરાત ખેડૂત સમાજ દ્વારા કરવામાં આવી છે. આ અંગે ખેડૂત સમાજ દ્વારા રાજ્યના અન્ન પુરવઠા પ્રધાનને પત્ર લખી રજુઆત કરવામાં આવી છે.