પંચમહાલ સાયબર ક્રાઇમ બ્રાંચે આ રીતે ઉકેલ્યો 27 લાખની ચોરીનો ભેદ

author img

By

Published : Nov 23, 2021, 3:35 PM IST

Updated : Nov 23, 2021, 5:58 PM IST

પંચમહાલ સાયબર સેલે સોસિયલ મીડિયા થકી 27 લાખની ચોરીના આરોપીઓને દિલ્હીથી ઝડપ્યા

ગોધરાની સાયબર ક્રાઇમ (Godhra Cyber Crime Police) પોલીસ દ્વારા નાઈજીરિયન/કોંગો(આફ્રિકન) દેશનું નાગરીત્વ ધરાવતા 2 શખ્સો અને 1 દિલ્હીનો એમ મળી કુલ 3 આરોપીઓ દ્વારા લોકોને અજાણી ફેસબુક ID ઉપરથી ફ્રેન્ડ રિકવેસ્ટ મોકલી મિત્રતા કેળવી કિંમતી ભેટ મોકલી આપવાના બહાને કુલ 27,76,501 રૂપિયાની છેતરપિંડીના ગુનામાં દિલ્હીથી ધરપકડ કરી હતી, ત્યારે પોલીસે કુલ 11 મોબાઈલ, 8 ચેક બુકો, પાસબુક, ATM કાર્ડ સહિતનો મુદ્દામાલ જપ્ત કર્યો હતો. આરોપીઓ સામે પોલીસે ગુનો નોંધી વધુ આગળની કાર્યવાહી હાથ ધરી હતી.

  • ફેસબુકમાં ફેક આઇ.ડી. બનાવી ગિફ્ટ મોકલવાના બહાને છેતરપીંડી કરતા
  • મની લોન્ડરિંગમાંથી સર્ટિફિકે અને ગિફ્ટ પાર્સલ મુકવાના બહાને 27 લાખની ચોરી
  • ગોધરા સાયબર ક્રાઈમ ટીમે આરોપીઓને દિલ્હીથી ઝડપ્યા

પંચમહાલ: ગોધરા સાયબર ક્રાઈમ પોલીસ (Godhra Cyber Crime) મથકે ગોધરા શહેરના સોનિવાડ વિસ્તારમાં રહેતા નિવૃત શિક્ષક મુરલી સરપોતદાર દ્વારા ફરિયાદ નોંધાવતા જણાવ્યું હતું કે તેઓના ફેસબુક ID ઉપર અજાણી સોફિયા કેમરોનના નામથી ફ્રેન્ડ રિકવેસ્ટ આવી હતી, જેને તેઓએ સ્વીકાર્યા બાદ ફેસબુક મેસેન્જરમાં ચેટિંગ કરી મારે તમને ગિફ્ટ મોકલવી છે તેમ જણાવી વોટ્સએપ નંબર માંગી તેમાં એક ખાનગી કંપનીની પાર્સલની કુરિયર રિસીપ્ટ મોકલી પાર્સલ છોડવવા માટે કસ્ટમ ક્લિયરન્સ (Custom clearance), મની લોન્ડરિંગમાંથી સર્ટિફિકેટ (Certificate from money laundering) તેમજ તમારું જે ગિફ્ટ પાર્સલ છે તેને મુકવા માટે બ્રિટિશ સિક્યુરિટીના માણસો મુકવા આવશે. વગેરેના બહાને ભેજબાજોએ પોતાના વિવિધ ખાતાઓમાં રૂ.27,76,501 ઓનલાઈન ટ્રાન્સફર કરાવડાવી છેતરપીંડી તેમજ વિશ્વાસઘાત કરતા ગુન્હો આચર્યો હતો. જેથી આરોપીઓ સામે કાયદેસરની કાર્યવાહી હાથ ધરવામાં આવે તે માટે પોલીસ ફરિયાદ નોંધાવી હતી.

આ પણ વાંચો: ગાડીઓના કાચ તોડી ચોરી કરનાર નાયડુ ગેંગના પાંચ ઇસમો 94,500 ના મુદ્દામાલ સાથે ઝડપાયા

ગાજીયાબાદ ઉત્તરપ્રદેશ ખાતે તપાસ હાથ ધરતા આરોપીઓ ઝડપાયા

ગોધરા સાયબર ક્રાઈમ પોલીસ ઇન્સ્પેક્ટર જે.એન.પરમાર તેમજ ટીમ દ્વારા ગુન્હાની તપાસ હાથ ધરતા ગુન્હામાં વપરાયેલા આરોપીઓના મોબાઈલ નંબરો અને બેન્ક ખાતાની માહિતી મેળવી ગુન્હાના આરોપીઓ દિલ્હી ખાતે રહેતા હોવાનું જાણવા મળ્યું હતું. જેથી પોલીસે ગાજીયાબાદ ઉત્તરપ્રદેશ ખાતે તપાસ હાથ ધરતા આ ગુન્હામાં સંડોવાયેલા આરોપીઓ મળી આવ્યા હતા.

પંચમહાલ સાયબર સેલે સોસિયલ મીડિયા થકી 27 લાખની ચોરીના આરોપીઓને દિલ્હીથી ઝડપ્યા

આરોપીઓની ગોધરા સાયબર ક્રાઈમ પોલીસ દ્વારા ધરપકડ

જે ભેજાબાજ આરોપીઓમાં નાઈજીરિયન/કોંગો દેશનું નાગરીત્વ ધરાવતા ડેવિડ એડન ફોરજીન્દર, સોબા ઓગસ્ટિંન બેસ્ટન તેમજ દિલ્હીનો નરેશ ચોપડાનો સમાવેશ થાય છે. જે આરોપીઓની ગોધરા સાયબર ક્રાઈમ પોલીસે ધરપકડ કરી ગોધરા ખાતે લાવવામાં આવ્યા હતા. જે આરોપીઓને પોલીસે રિમાન્ડ અર્થે ગોધરા કોર્ટમાં રજૂ કરતા કોર્ટે આરોપીઓના તા.24/11 સુધી એમ પાંચ દિવસના રિમાન્ડ મંજુર (Five-day remand granted) કર્યા હતા. આરોપીઓ દ્વારા આ ગુન્હાની સાથે સાથે દેશના તામિલનાડુ,કર્ણાટક અને ઉતરપ્રદેશ ખાતે કરેલા ચિટીગના ગુન્હાઓના ભેદ ઉકેલવામાં ગોધરા સાયબર ક્રાઈમ પોલીસને સફળતા હાથ લાગી હતી.

આ પણ વાંચો: ચીખલી કસ્ટોડિયલ હત્યા પ્રકરણમાં આરોપી PSI એમ.બી.કોકણીની ધરપકડ કરાઇ

ડોલર બનાવવાની લાલચ આપી નાણાં ટ્રાન્સફર કરાવડાવે છે

આ ગુન્હાના આરોપીઓ ની મોડસ ઓપરેન્ડી પ્રમાણે લોકોને અલગ અલગ ફેસબુક ID થી ફ્રેન્ડ રિકવેસ્ટ મોકલી,ફ્રેન્ડ રિકવેસ્ટ સ્વીકારતા જ મેસેન્જરથી ચેટ કરી વોટ્સએપ નંબર મેળવી તેના ઉપર છોકરીઓ સાથે ચેટિંગ કરાવડાવી વિદેશમાંથી કિંમતી ભેટ મોકલી હોવાનું જણાવી તે ગિફ્ટ છોડવવા માટે તેમજ ડોલર બનાવવાની લાલચ આપી અને ટ્રોલી બેગમાં ડોલર બનાવવાનું મટીરીયલ લઈને આવ્યો છું તેમ કહી લીલા કાગળોના લંબ ચોરસ ટુકડા ઉપર રંગીન પ્રિન્ટ કરેલી નોટોને અસલી ડોલર તરીકે બતાવી ડોલર બનાવવાની પ્રોસેસ માટે કેમિકલ ખરીદવા માટે વિવિધ ખાતાઓમાં પ્રોસેસ ફી ના નામે નાણાં ઓનલાઈન ટ્રાન્સફર કરાવડાવે છે જે નાણાં તુરંત ઉપાડી લઈ ગુન્હાને અંજામ આપે છે.

Last Updated :Nov 23, 2021, 5:58 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.