કોડીનારની વિદ્યાર્થિનીઓએ રાષ્ટ્રીય કક્ષાએ રસ્સા ખેંચ સ્પર્ધામાં મેળવ્યો સિલ્વર

• કોડીનારની વિદ્યાર્થિનીઓએ રાષ્ટ્રીય કક્ષાએ મેળવ્યો મેડલ
• રાષ્ટ્રીય રસાખેચ સ્પર્ધામાં સિલ્વર મેડલ મેળવ્યો
• કોડીનારની વિદ્યાર્થિનીઓએ શહેર સાથે રાજ્યનું નામ કર્યું રોશન

ગીર સોમનાથ- કોડીનાર શહેરમાં આવેલી મ્યુનિસિપલ ગલ્સ હાઈસ્કુલની વિદ્યાર્થિનીઓએ રાષ્ટ્રીય સ્તરે પોતાની પ્રતિભાનુ ઉમદું ઉદાહરણ આપીને રાજસ્થાનમાં યોજાયેલી રાષ્ટ્રીય સ્તરની અંડર-17 મહિલાઓ માટેની રસ્સા ખેચ સ્પર્ધામાં નોખામાં આયોજિત ફાઇનલ મુકાબલામાં સિલ્વર મેડલ પ્રાપ્ત કર્યો છે. કોડીનારની વિદ્યાર્થીઓએ આ સિદ્ધી મેળવી સોમનાથ જિલ્લાની સાથે ગુજરાત રાજ્યનું નામ પણ રોશન કર્યું છે. વિદ્યાર્થીના ઉત્કૃષ્ટ દેખવાને લઈને શાળાના શિક્ષકો અને સંચાલકોમાં પણ ભારે ખુશી જોવા મળી રહી છે.

રસ્સા ખેંચ

આ પણ વાંચો- ડાંગ: રંભાસ ટીમ ખેલ મહાકુંભ-2019ની રસ્સા ખેંચમાં ઝોન કક્ષાએ વિજેતા

રસ્સા ખેચમાં વિદ્યાર્થિનીઓએ જુસ્સા ભેર ભાગ લઈ સિલ્વર મેડલ મેળવ્યો

ગીર-સોમનાથના કોડીનારની વિદ્યાર્થીનીઓ રમત-ગમત ક્ષેત્રમાં ખૂબ જ જોશભેર ભાગ લઈ રહી છે. અગાઉ પણ કબ્બડી અને વોલીબોલ તેમજ અન્ય સ્પર્ધાઓમાં ઉત્કૃષ્ટ દેખાવ કરીને કોડીનારનું અને ગીર-સોમનાથનું નામ રમત-ગમત ક્ષેત્રમાં રોશન કર્યું છે, ત્યારે આજે રાષ્ટ્રીય કક્ષાની રસ્સા ખેચ સ્પર્ધામાં વિદ્યાર્થિનીઓએ જુસ્સા ભેર ભાગ લઈ સિલ્વર મેડલ મેળવ્યો છે. જેને લઇને કોડીનાર તાલુકો વિદ્યાર્થીનીઓની આ અસામાન્ય ઉપલબ્ધીને વધાવી રહ્યો છે અને આગામી દિવસોમાં વિદ્યાર્થીનીઓ વધુ રમતોમાં ભાગ લઈને કોડીનાર તાલુકાનું અને ગીર-સોમનાથ જિલ્લાનું નામ રોશન કરશે તેવો વિશ્વાસ તાલુકાના લોકોએ પણ વ્યક્ત કર્યો છે.