વાપીમાં કમોસમી વરસાદમાં રાજકીય પક્ષના ચૂંટણી કાર્યાલયો થયા વેરવિખેર

author img

By

Published : Nov 20, 2021, 10:21 AM IST

વાપીમાં કમોસમી વરસાદમાં રાજકીય પક્ષના ચૂંટણી કાર્યાલયો થયા વેરવિખેર

વલસાડ જિલ્લામાં 2 દિવસથી સતત વાતાવરણમાં આવેલા પલ્ટાને કારણે કમોસમી વરસાદ(Gujarat unseasonal rains) વરસી રહ્યો છે. માવઠા રૂપી વરસાદ(vapi rain)થી જનજીવન અસ્તવ્યસ્ત થયું છે. તો, સાથે સાથે હાલ વાપી નગર પાલિકાનો ચૂંટણી(Municipal elections) પ્રચાર અટક્યો છે. મધ્યસ્થ કાર્યાલયના પડદા તૂટી પડ્યા અને બેનરો-ખુરશીઓ વેરણછેરણ હાલતમાં છે.

  • વાપીમાં કમોસમી વરસાદ
  • માવઠામાં ભાજપના કાર્યાલયને નુકસાન
  • ગાજવીજ અને પવન સાથે વરસાદ વરસ્યો
  • વાપીમાં કમોસમી વરસાદ કારણે જનજીવન ખોરવાયું

દમણ :- વાપીમાં સતત બીજા દિવસે પણ હવામાનમાં(Meteorological Department) પલટો આવતા બપોર બાદ કમોસમી વરસાદ(Gujarat unseasonal rains) વરસ્યો હતો. ગાજવીજ અને પવનના જોર સાથે વરસેલા વરસાદી ઝાપટામાં ભાજપ-કોંગ્રેસના વોર્ડ કાર્યાલયમાં પાણી ભરાયા હતાં. વરસાદી(rain news) ઝાપટાના કારણે કાર્યાલયમાં પાણી ભરાતા બેનરો-ખુરશી તેમજ અન્ય વસ્તુઓ વેરવિખેર થતાં ભાજપ-કોંગ્રેસના કાર્યસ્થાનમાં ભારે નુકસાન થયું છે. ભાજપના વોર્ડ નમ્બર 1 અને 2 ના સંયુક્ત કાર્યાલયના મંડપના પડદા પાણી ભરાવાને કારણે તૂટી ગયા હતાં. કાર્યાલયમાં રાખેલ કમ્પ્યુટર સિસ્ટમને પણ નુકસાન પહોંચતા તાત્કાલિક વાહનોમાં નાખી સુરક્ષિત સ્થળે ખસેડવામાં આવ્યા હતા. ચૂંટણી મધ્યસ્થ કાર્યાલય નજીક બેનરો ખુરશીઓ અસ્તવ્યસ્ત હાલતમાં જોવા મળી હતી ઉપરાંત પાણીથી ભરેલા પડદા લટકેલી હાલતમાં થઈ ગયા હતા.

વાપીમાં કમોસમી વરસાદમાં રાજકીય પક્ષના ચૂંટણી કાર્યાલયો થયા વેરવિખેર

પાલિકા ચૂંટણીના પ્રચારમાં ત્રણેય પક્ષ સામે વરુણદેવની નારાજગી

વરસાદના પાણીમાં ભાજપના કાર્યાલયની જેમ આમ આદમી પાર્ટીએ શહેરના રસ્તાઓ પર લગાવેલ પ્રચાર માટેના કાગળના તોરણ પણ ધોવાઈ ગયા હતાં. ત્રણેય પક્ષોએ પોતાનો ચૂંટણી પ્રચાર અટકાવવો પડ્યો હતો. 2 દિવસથી વાતાવરણમાં અસહ્ય બફારા સાથે કમોસમી વરસાદ(Gujarat rains) જાણે પાલિકા ચૂંટણીના પ્રચારમાં ત્રણેય પક્ષ સામે વરુણદેવની નારાજગી છતી થઈ હોવાનો એહસાસ કરાવતો હતો.

લોકોએ ટાઢકનો અનુભવ કર્યો હતો

વાપીમાં વહેલી સવારથી જ લોકો અસહ્ય બફારાનો અનુભવ કરતા હતાં. જો કે બપોર બાદ પવન અને ગાજવીજ સાથે વરસાદ(Gujarat rains news) વરસતા કાર્યાલયના બેનરો ઉડવા, નગરપાલિકા નજીક કુમારશાળા ગ્રાઉન્ડમાં હાઈ માસ્ટ ટાવર તૂટી પડવા જેવી નાનીમોટી ખાનાખરાબી સર્જવા સાથે માર્ગો પર પણ પાણી ફરી વળ્યાં હતાં. જનજીવન ફેંદી નાખ્યું હતું. પરંતુ અસહ્ય ઉકળાટ વચ્ચે કમોસમી વરસાદ બાદ સર્વત્ર ઠંડક પ્રસરતા લોકોએ ટાઢકનો અનુભવ કર્યો હતો.

આ પણ વાંચોઃ રાજ્યમાં કમોસમી વરસાદના કારણે મગફળી ખરીદી બે દિવસ બંધ રખાશે

આ પણ વાંચોઃ rain in Gujarat: સુરત જિલ્લાના ઓલપાડ તાલુકામાં વરસ્યો કમોસમી વરસાદ, શેરડી સહિતના પાકોને નુકશાન

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.