અમદાવાદ રાજ્યમાં વિધાનસભાની ચૂંટણીમાં (Gujarat Election 2022) એક એક બેઠક મહત્વની માનવામાં આવે છે. ત્યારે આજે વાત કરીશું અમદાવાદ ગ્રામ્યની ધંધુકા વિધાનસભા બેઠકની (Dhandhuka Assembly Constituency). આ બેઠક વર્ષ 1990થી ભાજપના નેજા હેઠળ હતી. જોકે, 2017માં અહીં પરિવર્તનના કારણે ભાજપના હાથમાંથી સત્તા જતી રહી હતી. તેમ છતાં ભાજપે આ વખતે આ બેઠક પરથી કાળુભાઈ ડાભીને રિપીટ કર્યા છે. તો કૉંગ્રેસે હરપાલસિંહ ચુડાસમા અને આપે ચંદુ બમરોલિયાને ટિકીટ આપી છે. એટલે અહીં બીગ ફાઈટ જામશે તે નક્કી છે.
ભાજપનો ગઢ ગણાતો હતો ધંધુકા વિધાનસભા બેઠક (Dhandhuka Assembly Constituency) વર્ષ 1990થી ભાજપનો ગઢ ગણવામાં આવતો હતો. તેમ છતાં વર્ષ 2017માં કૉંગ્રેસે આ ગઢ છીનવી લીધો હતો, પરંતુ આ વખતે પણ ભાજપ દ્વારા પોતાના ઉમેદવારને રિપીટ કરવામાં આવ્યા છે. એટલે કે જો આ બેઠક પર ભાજપના ઉમેદવાર જીતી જશે તો બાઝીગર ગણાશે. કારણ કે, બાઝીગર ફિલ્મમાં એક ડાયલોગ હતો કે, હાર કે જીતનેવાલે કો બાઝીગર કહેતે હૈ. આ ડાયલોગ તેમના પર બરાબર ફિટ થશે.
તો કૉંગ્રેસે પોતાના જીતેલા ઉમેદવારને સાઈડલાઈન કરીને હરપાલસિંહ ચુડાસમાને ટિકીટ આપી છે. ત્યારે આ વખતે ગુજરાત વિધાનસભાની ચૂંટણીમાં (Gujarat Election 2022) આમ આદમી પાર્ટી પણ મેદાને આવી છે. તેને લઈને ત્રિપાંખીયો જંગ જોવા મળી આવશે.
ધંધુકા વિધાનસભા બેઠક પર ભાજપના ઉમેદવાર આ બેઠક પર ભાજપે વર્ષ 2017ના ઉમેદવાર કાળુભાઈ ડાભીને ટિકિટ કરવામાં (Ahmedabad Rural Kalubhai Dabhi BJP Candidate) આવ્યા છે. એ હાલ માત્ર પાર્ટીના કાર્યકર્તા સાથેસાથે વ્યવસાય વાત કરવામાં આવે તો, પોતાની હોટલ, પેટ્રોલ પંપ અને ખેતી સાથે સંકળાયેલા છે.
કૉંગ્રેસના ઉમેદવાર કૉંગ્રેસે આ વખતે વર્ષ 2017ની ચૂંટણીમાં ભાજપના ગઢમાં ગાબડું પાડનારા રાજેશ ગોહિલને સાઈડલાઈન કરીને હરપાલસિંહ ચુડાસમાને (Harpalsinh Chudasama Congress Candidate Dhandhuka) ટિકીટ આપી છે. યૂથ કૉંગ્રેસના પ્રમુખ પદ પરથી વિશ્વનાથસિંહ વાઘેલાએ રાજીનામું આપતા હરપાલસિંહને યૂથ કૉંગ્રેસના પ્રમુખની જવાબદારી સોંપવામાં આવી છે. આ ઉપરાંત હરપાલસિંહ ચુડાસમા રાજસ્થાન યુવક કૉંગ્રેસના પ્રભારી તરીકે પણ કામગીરી કરી ચૂક્યા છે.
આમ આદમી પાર્ટીના ચંદુ બમરોલિયા ઉમેદવાર ગુજરાત વિધાનસભાની ચૂંટણીમાં (Gujarat Election 2022) આમ આદમી પાર્ટી પ્રથમ વખત 182 વિધાનસભા ઉપર ચૂંટણી લડી રહી છે. ત્યારે ધંધુકા વિધાનસભા બેઠક (Dhandhuka Assembly Constituency) પર આમ આદમી પાર્ટી દ્વારા ચંદુ બમરોલીયાને ટિકીટ આપવામાં આવી છે. તેઓ રાજકારણમાં આવતા પહેલા ભારતીય સેનામાં પોતાની જવાબદારી નિભાવી દેશની સેવા કરો ચૂક્યા છે. જ્યારે હવે રાજનીતિમાં આવીને જનતાની સેવા કરવા જઈ રહ્યા છે.
બેઠકનું મહત્વ ધંધુકા વિધાનસભા બેઠક એ (Dhandhuka Assembly Constituency) અમદાવાદ ગ્રામ્યની 5 વિધાનસભા બેઠકોમાં સમાવેશ થાય છે, પરંતુ આ લોકસભા મતવિસ્તાર સુરેન્દ્રનગર આવે છે. અહીંયા 1990થી ભાજપ સતત વિજય મેળવી રહી હતી. જ્યારે 2017માં કૉંગ્રેસે ભાજપના વિજય રથને અટકાવ્યો હતો. ધંધુકા વિસ્તારએ ભાલપ્રદેશ તરીકે ઓળખવામાં આવે છે. અહીંના ઘઉં વિશ્વ પ્રખ્યાત છે. પ્રદેશ ચાલુક્ય સમયના વિદ્વાન હેમચંદ્રાચાર્યનું જન્મ સ્થળ પણ છે.
જાતિ સમીકરણ ધંધુકા વિધાનસભા બેઠકને (Dhandhuka Assembly Constituency) જાતિગત સમીકરણની વાત કરીએ તો, અહીં કોળી પટેલ પ્રભુત્વ જોવા મળી આવે છે, જેમાં તળપદા કોળી 60000 મતદારો છે. ચુવાળીયા કોળી ઠાકોર 25000, ક્ષત્રિય દરબારો 50000, મુસ્લિમ ખોજા વોરા 28000, દલિત 30000, માલધારી 12000 અને અન્ય સવર્ણ સમાજની વસ્તી 45000 છે.
મતદારોની સંખ્યા ધંધુકા વિધાનસભા બેઠકના (Dhandhuka Assembly Constituency) મતદારોની વાત કરીએ તો, તો કુલ 2,73,724 મતદારો છે. આમાં પુરૂષ મતદારો 1,44,355, મહિલા મતદારો 1,29,368 મતદારો અને અન્ય 1 મતદાર છે.
2017નું ચૂંટણી પરિણામ વર્ષ 2017ની ચૂંટણીમાં ભાજપ દ્વારા 27 વર્ષ બાદ આ બેઠક પર હારનો સામનો કરવો પડ્યો હતો 2017માં ભાજપે કાળુભાઈ ડાભીને ટિકિટ આપી હતી. જ્યારે કૉંગ્રેસ રાજેશ ગોહીલને ટિકીટ આપી હતી. જેમાં ભાજપના ઉમેદવારને 61,557 અને કૉંગ્રેસના ઉમેદવારને 67,477 મત મળ્યા હતા. આના કારણે કૉંગ્રેસના ઉમેદવાર રાજેશ ગોહિલનો 5,920 મતથી વિજય થયો હતો.
