Tokyo Paralympics 2020: પેરા શૂટર અવની લેખરાએ કરી કમાલ, ગૉલ્ડ બાદ હવે જીત્યો બ્રોન્ઝ મેડલ

author img

By

Published : Sep 3, 2021, 1:55 PM IST

પેરા શૂટર અવની લેખરાએ કરી કમાલ, ગૉલ્ડ બાદ હવે બ્રોન્ઝ જીત્યો

ટોક્યો પેરા ઑલિમ્પિક 2020માં ભારતની અવની લેખરાએ કમાલ કરી દીધો છે. અત્યારે ચાલી રહેલા પેરા ઑલિમ્પિકમાં પહેલા જ ગૉલ્ડ મેડલ જીતી ચૂકેલી જયપુરની આ પેરા શૂટરે વધુ એક મેડલ પર કબજો કર્યો છે.

  • અવનીએ 50 મીટર રાઇફલ થ્રી પોઝિશન એસએચ 1 ઇવેન્ટમાં બ્રોન્ઝ જીત્યો
  • આ પેરા ઑલિમ્પિકમાં અવની લેખરાનો આ બીજો મેડલ
  • 10 મીટર એર રાઇફલ એસએચ 1 વર્ગમાં ગોલ્ડ મેડલ જીત્યો હતો

ટોક્યો: ભારતની પેરા શૂટર અવની લેખરાએ ટોક્યો પેરા ઑલિમ્પિક 2020માં મહિલા 50 મીટર રાઇફલ થ્રી પોઝિશન એસએચ 1 ઇવેન્ટમાં બ્રોન્ઝ મેડલ પોતાના નામે કર્યો. અવનીનો આ પેરા ઑલિમ્પિકમાં આ બીજો મેડલ છે.

ટોક્યો પેરા ઑલિમ્પિકમાં ભારતે 12 મેડલ જીત્યા

ઉલ્લેખનીય છે કે આ પહેલા તેમણે મહિલાઓની 10 મીટર એર રાઇફલ એસએચ 1 વર્ગમાં ગોલ્ડ મેડલ જીત્યો હતો. અવનીના મેડલ જીતવાની સાથે જ ભારતે ટોક્યોમાં અત્યાર સુધી 12 મેડલ પોતાના નામે કર્યા છે.

ચીનની કુલપિંગ ઝાંગે જીત્યો ગૉલ્ડ

અવની 445.9ના સ્કોરની સાથે ત્રીજા સ્થાન પર રહી. આ ઇવેન્ટનો ગોલ્ડ મેડલ ચીનની કુલપિંગ ઝાંગે જીત્યો, જેમણે 457.9નો સ્કોર કર્યો, જ્યારે જર્મનીની નતાસ્ચા હિલટ્રોપે 457.1 અંક લઇને સિલ્વર મેડલ પોતાના નામે કર્યો છે.

પ્રવીણ કુમારે પુરુષ ઊંચી કૂદ ટી-64 ઇવેન્ટમાં સિલ્વર મેડલ જીત્યો

ભારતે દિવસનો બીજો મેડલ પોતાના નામે કર્યો. અવની પહેલા પ્રવીણ કુમારે પુરુષ ઊંચી કૂદ ટી-64 ઇવેન્ટમાં દેશને સિલ્વર મેડલ અપાવ્યો. ભારતે ટોક્યો પેરા ઑલિમ્પિકમાં અત્યાર સુધી 2 ગોલ્ડ, 6 સિલ્વર અને 4 બ્રોન્ઝ સહિત કુલ 12 મેડલ પોતાના નામે કર્યા છે.

વધુ વાંચો: Paralympics: પ્રવીણ કુમારે હાઈ જમ્પમાં સિલ્વર જીત્યો, પીએમ મોદીએ અભિનંદન પાઠવ્યા

વધુ વાંચો: Tokyo Paralympics: સુહાસ-પ્રાચીએ મેડલની આશા જગાડી, તાઈક્વાંડોમાં અરુણાની જીત તો મહિલા સિંગલ્સમાં પારુલ પરમારની હાર

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.