- હવે ડબલ હેડર મેચ
- છેલ્લી ઓવરમાં ચાર રન ન બનાવવા દીધા
- શિખરનું શાનદાર પ્રદર્શન
ન્યુઝ ડેસ્ક: IPL 2021નો બીજો ભાગ 19 સપ્ટેમ્બરથી શરૂ થયો હતો. ટી20 લીગમાં હવે શનિવારથી ડબલ હેડર મેચ થશે. અબુધાબીમાં બપોરે 3:30 વાગ્યાથી દિલ્હી કેપિટલ્સ રાજસ્થાન રોયલ્સ સામે ટકરાશે.દિલ્હીની ટીમ અત્યારે ટેબલમાં ટોચ પર છે. આવી સ્થિતિમાં જો દિલ્હી રાજસ્થાન સામેની મેચ જીતશે તો પ્લેઓફમાં પહોંચનારી પ્રથમ ટીમ બની જશે.
વર્તમાન સિઝનમાં દિલ્હીએ નવમાંથી સાત મેચ જીતી છે અને ટીમના 14 પોઇન્ટ છે. બીજી બાજુ, રાજસ્થાન રોયલ્સે આઠમાંથી ચાર મેચ જીતી છે અને 8 પોઈન્ટ સાથે પાંચમા નંબરે છે.
છેલ્લી મેચમાં રાજસ્થાનની ટીમે રોમાંચક મેચમાં કિંગ્સ ઈલેવન પંજાબને બે રને હરાવી હતી. આ જ સ્થિતિમાં રાજસ્થાન પોતાનું પ્રદર્શન જાળવી રાખવા માંગે છે. રાજસ્થાને વર્ષ 2008 માં IPL નું ટાઇટલ જીત્યું હતું. તે પછી ટીમ ક્યારેય ચેમ્પિયન બની નથી.
રાજસ્થાન રોયલ્સનું પ્રદર્શન
અત્યાર સુધી રાજસ્થાન રોયલ્સનો કોઈ બેટ્સમેન 300 રનના આંકડાને સ્પર્શી શક્યો નથી. કેપ્ટન સંજુ સેમસને સૌથી વધુ 281 રન બનાવ્યા છે. જોકે, મહિપાલ લોમરોર, એવિન લેવિસ અને યશસ્વી જયસ્વાલે છેલ્લી મેચમાં સારો દેખાવ કર્યો હતો. બોલર ક્રિસ મોરિસે 14 વિકેટ લીધી હતી. છેલ્લી મેચમાં બોલર કાર્તિક ત્યાગીએ પંજાબના બેટ્સમેનોને છેલ્લી ઓવરમાં ચાર રન બનાવવા દીધા ન હતા.
દિલ્હી કેપિટલ્સનું પ્રદર્શન
દિલ્હીની ટીમ IPL નું ટાઇટલ જીતી શકી નથી, પરંતુ વર્તમાન સિઝનમાં તેના બેટ્સમેનો અને બોલરોનું પ્રદર્શન શાનદાર રહ્યું છે. શિખર ધવને નવ મેચમાં 53 ની સરેરાશથી 422 રન બનાવ્યા અને ત્રણ અડધી સદી પણ ફટકારી. બોલર કાગિસો રબાડાએ 11 વિકેટ લીધી છે. પ્રથમ મેચમાં એનરિચ નોરખીયાએ 2 વિકેટ લીધી હતી.
આ પણ વાંચોઃ રાજ્યના બોલરો આનંદો, વિરાટ કોહલી શોધી રહ્યો છે ગુજરાતી ધૂરંધર બોલર
આ પણ વાંચોઃ વાપીમાં IPL મેચ પર ઓનલાઈન સટ્ટો રમતા નામચીન બૂકીની પોલીસે ધરપકડ કરી
