કોલકાતાઃ દક્ષિણ આફ્રિકાને પાંચમી વખત વર્લ્ડ કપની સેમીફાઈનલમાં હારનો સામનો કરવો પડ્યો હતો પરંતુ તેના અનુભવી બેટ્સમેન ડેવિડ મિલરને વિશ્વાસ છે કે તેની ટીમ એક દિવસ વર્લ્ડ ચેમ્પિયન બનવામાં સફળ રહેશે. ઓસ્ટ્રેલિયાએ ગુરુવારે અહીં રમાયેલી રોમાંચક મેચમાં દક્ષિણ આફ્રિકાને 3 વિકેટે હરાવીને ફાઇનલમાં પ્રવેશ કર્યો હતો.

ક્વિન્ટન ડી કોકને અફસોસ: મિલરે મેચ બાદ કહ્યું, 'સાચું કહું તો તે ખૂબ જ નિરાશાજનક છે. તેની ચાર સદીનો ઉલ્લેખ કરતા ક્વિની (ક્વિન્ટન ડી કોક)એ કહ્યું છે કે, જો તેણે એક પણ રન ન બનાવ્યો હોત પણ ટ્રોફી જીતી હોત તો તેને રન ન બનાવવાનો કોઈ અફસોસ ન હોત.

એક દિવસ વર્લ્ડ કપ જરુર જીતીશુ: મિલરે કહ્યું, 'તમે ફાઇનલમાં પહોંચીને ટ્રોફી જીતવા માંગો છો. અમે બધાએ અલગ-અલગ ટુર્નામેન્ટમાં ભાગ લીધો છે અને અલગ-અલગ ટીમોનો સામનો કર્યો છે. આ ટૂર્નામેન્ટ પણ તેમાં સામેલ છે. અમે આ વખતે જીતી શક્યા નથી પરંતુ અમારી ટીમ એક દિવસ વર્લ્ડ કપ ચોક્કસ જીતશે. અમે બતાવ્યું કે અમે શું કરી શકીએ છીએ.

મિલરે સન્યાસ વિશે શું કહ્યું?: જ્યારે મિલરને પૂછવામાં આવ્યું કે, શું તે સન્યાસ વિશે વિચારી રહ્યો છે, તો 34 વર્ષીય ખેલાડીએ કહ્યું, 'ચાલો જોઈએ કે વસ્તુઓ કેવી રીતે આગળ વધે છે.' હું જવાબ આપી શકતો નથી કે મારું શરીર અત્યારે કેવું લાગે છે. હું દર વર્ષે મૂલ્યાંકન કરીશ. આગામી વર્લ્ડ કપ માટે હજુ ઘણો સમય બાકી છે.

આ પણ વાંચો:

1. વાયુસેનાનો 'એર શો' વધારશે વર્લ્ડ કપની ફાઈનલની શાન, 5 ફાઇટર જેટ દ્વારા ફાઈનલ મેચ પહેલા પ્રદર્શન
2. દક્ષિણ આફ્રિકા ફરી એકવાર સેમિફાઇનલમાં 'ચોકર્સ' સાબિત થયું, ઓસ્ટ્રેલિયા 8મી વખત ODI વર્લ્ડ કપ ફાઇનલમાં
3. વર્લ્ડ કપનો ફીનાલે જોવા રવિવારે અમદાવાદ આવશે પીએમ મોદી, તો ભારતીય વાયુસેના દ્વારા વર્લ્ડ કપ ફાઈનલ પહેલા એર શોનું આયોજન